କୋଇଡା ବିଡିଓଙ୍କ ବଦଳି ଦାବିରେ ବିକ୍ଷୋଭ : ଅନିୟମିତତା ଅଭିଯୋଗ ଆଣି ବିଡିଓଙ୍କ ଅଫିସ ଘେରିଲେ ଶତାଧିକ ଲୋକ
କନକ ବ୍ୟୁରୋ : ସୁନ୍ଦରଗଡ କୋଇଡା ବିଡିଓଙ୍କୁ ବଦଳି ଦାବି । ବଣାଇ ବିଧାୟକ ଲକ୍ଷ୍ମଣ ମୁଣ୍ଡାଙ୍କ ନେତୃତ୍ୱରେ ହଜାର ହଜାର ସିଆଇଟିୟୁ କର୍ମୀ ପ୍ରତିବାଦ ଓ ବିକ୍ଷୋଭ ପ୍ରଦର୍ଶନ କରିଛନ୍ତି । ବିକ୍ଷୋଭ ପ୍ରଦର୍ଶନ ବେଳେ ସିଆଇଟିୟୁ କର୍ମୀଙ୍କ ସହ ପୋଲିସର ଧସ୍ତାଧସ୍ତି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ସମୟରେ ବ୍ଲକ କାର୍ଯ୍ୟାଳୟ ଗେଟ ସହିତ ବିଡିଓଙ୍କ ବାସ ଗୃହ ଗେଟ୍ ମଧ୍ୟ ଭାଙ୍ଗିଯାଇଥିବା ସୂଚନା ରହିଛି । ବିଡିଓ ପଲ୍ଲବୀ ରାଣୀ ରାଜଙ୍କ ବିରୋଧରେ ଲୋକଙ୍କ ପାଇଁ କାମ ନକରିବା, ପଞ୍ଚାୟତ ମାନଙ୍କରେ ବହୁ ପ୍ରକଳ୍ପର ପେମେଣ୍ଟ ନ କରିବା, ୨୦୧୯-୨୦ ବର୍ଷ ଠାରୁ କୋଟି କୋଟି ଟଙ୍କା ଆସୁଥିବା ଉନ୍ନୟନ ମୂଳକ ପାଣ୍ଠିକୁ ବିନିଯୋଗ ନକରି ପକାଇ ରଖିବା, ଜନ ପ୍ରତିନିଧି ମାନଙ୍କୁ ଖରାପ ବ୍ୟବହାର, ଦୁର୍ନୀତି କରିବା ନେଇ ଆଦି ଅଭିଯୋଗ ରହିଛି ।