ଡେଲଟା ପ୍ଲସ ଭାରିଏଣ୍ଟ ଦେଶରେ ବଢ଼ାଉଛି ଚିନ୍ତା । ଏ ଯାଏଁ ଦେଶରେ ୪୮ ମାମଲା ଚିହ୍ନଟ । ମହାରାଷ୍ଟ୍ର ଡେଲଟା ପ୍ଲସ ଭାରିଏଣ୍ଟର ସର୍ବାଧିକ କେସ୍ ।
କନକ ବ୍ୟୁରୋ: ଦେଶରେ କରୋନା ମହାମାରୀରେ ନୂଆ ଆକ୍ରାନ୍ତଙ୍କ ସଂଖ୍ୟା ଲଗାତାର କମ୍ ହେବାରେ ଲାଗିଛି । ମାତ୍ର ଏବେ ସରକାରଙ୍କ ଚିନ୍ତା ବଢାଇଛି କୋଭିଡର ନୂଆ ଭାରିଏଣ୍ଟ ଡେଲ୍ଟା ପ୍ଲସ୍ । ଆଉ ମହାରାଷ୍ଟ୍ରରେ ଏହାର ସବୁଠାରୁ ଅଧିକ ମାମଲା ଚିହ୍ନଟ ହୋଇଛି । ରାଜ୍ୟର ୭ଟି ଜିଲ୍ଲାରେ ଡେଲ୍ଟା ପ୍ଲସ୍ ଭାରିଏଣ୍ଟ ଚିହ୍ନଟ ହୋଇଛି । ଫଳରେ ମହାରାଷ୍ଟ୍ର ସରକାରଙ୍କ ଚିନ୍ତା ବଢ଼ିଯାଇଛି । ଡେଲ୍ଟା ପ୍ଲସ୍ ଭାରିଏଣ୍ଟର ମୁକାବିଲା ପାଇଁ ଗୁରୁବାର କ୍ୟାବିନେଟ ବୈଠକ ବସିଥିଲା । ଏଥିରେ ରାଜ୍ୟରେ ପୁଣି ଥରେ ଲକଡାଉନ୍ କରିବା ସମ୍ଭାବନା ନେଇ ଆଲୋଚନା ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ମହାରାଷ୍ଟ୍ରର ୭ଟି ଜିଲ୍ଲାରେ ପହଁଚି ସାରିଛି ଡେଲ୍ଟା ପ୍ଲସ୍ ଭାରିଏଣ୍ଟ । ସଂକ୍ରମିତଙ୍କ ଟ୍ରାଭେଲ୍ ହିଷ୍ଟ୍ରି ଯାଂଚ୍ କରାଯାଉଛି । ଏହାସହ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା ଲୋକଙ୍କ ନମୁନା ମଧ୍ୟ ସଂଗ୍ରହ କରାଯାଉଛି । ସେପଟେ ମଧ୍ୟପ୍ରଦେଶରେ ଡେଲ୍ଟା ପ୍ଲସ୍ ଭାରିଏଣ୍ଟରେ ସଂକ୍ରମିତଙ୍କ ସଂଖ୍ୟା ବଢିଚାଲିଛି । ବର୍ତମାନ ସୁଦ୍ଧା ୭ଜଣ ଡେଲ୍ଟା ପ୍ଲସର ଆକ୍ରାନ୍ତ ହୋଇଥିବା ଚିହ୍ନଟ ହୋଇଛି । ଡେଲଟା ପ୍ଲସ ଭାରିଏଣ୍ଟ ସଂକ୍ରମଣର ନୂଆ ନୂଆ କେସ୍ ଆସୁଥିବା ବେଳେ ଏହା ଉପରେ କେନ୍ଦ୍ର ସରକାରଙ୍କ ପକ୍ଷରୁ ନଜର ରଖାଯାଉଛି ।
ଡେଲ୍ଟା ପ୍ଲସ୍ ଭାରିଏଣ୍ଟ ଅଧିକ ସଂକ୍ରାମକ ଏବଂ ଏହା ଖୁବଶୀଘ୍ର ଲୋକଙ୍କ ମଧ୍ୟରେ ବ୍ୟାପିପାରେ । ତେବେ ଏହି ଭୂତାଣୁ ସହ ଲଢିବାରେ କରୋନା ଟିକା ଉପଯୁକ୍ତ କି ନାହିଁ ସେନେଇ ମଧ୍ୟ ବୈଜ୍ଞାନିକଙ୍କ ଅନୁସନ୍ଧାନ ଜାରିରହିଛି । କରୋନା ମହାମାରୀର ଦ୍ୱିତୀୟ ଲହର ଏବେ ଧିମେଇବାରେ ଲାଗିଛି । ନୂଆ ଆକ୍ରାନ୍ତଙ୍କ ସଂଖ୍ୟା କମ୍ ହେବାରେ ଲାଗିଛି । ଗତ ୨୪ ଘଂଟାରେ ୫୧ ହଜାର ୬୬୭ ଜଣ ସଂକ୍ରମିତ ହୋଇଥିବା ବେଳେ କରୋନାରେ ୧୩୨୯ ଜଣଙ୍କ ମୃତ୍ୟୁ ହୋଇଛି । ଗତ ୨୪ ଘଂଟାରେ ୬୪ ହଜାର ୫୨୭ ଜଣ କରୋନାରେ ସୁସ୍ଥ ହୋଇଛନ୍ତି ।