କନକ ବ୍ୟୁରୋ : ଜୋରଦାର ମୁହାଁମୁହିଁ ପରେ ଅଟକିଲା ଦିଲ୍ଲୀ ମେୟର ନିର୍ବାଚନ । ଏମସିଡି ନିବାଚନ ପରେ ଆଜି ମେୟର ନିର୍ବାଚନ ହେବାର କାର୍ଯ୍ୟକ୍ରମ ଥିଲା । ତେବେ ଏହା ପୂର୍ବରୁ ଦେଖିବାକୁ ମିଳିଛି ପ୍ରବଳ ହଟଗୋଳ । ଆମ ଆଦମୀ ପାର୍ଟି ଓ ବିଜେପି ମଧ୍ୟରେ ମୁହାଁମୁହିଁ ସ୍ଥିତି ଉପଜିଥିଲା । ମତଦାନ ସମୟରେ ଆମ ଆଦମୀ ପାର୍ଟିର କାଉନସିଲରମାନେ ଜୋରଦାର ବିକ୍ଷୋଭ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀ ଉପରାଜ୍ୟପାଳ ଭିକେ ସକେସନାଙ୍କ ଦ୍ୱାରା ସତ୍ୟ ଶର୍ମାଙ୍କୁ ଅସ୍ଥାୟୀ ବାଚସ୍ପତି ନିଯୁକ୍ତକୁ ବିରୋଧ କରି ଆପ ସଦସ୍ୟ ହୋହଲ୍ଲା କରିଥିଲେ । ମେୟର ନିର୍ବାଚନ ପୂର୍ବରୁ କାଉନସିଲରମାନେ ଅସ୍ଥାୟୀ ବାଚସ୍ପତିଙ୍କ ଦ୍ୱାରା ଶପଥ ନେବା କାର୍ଯ୍ୟକ୍ରମ ଥିଲା । ଏହାକୁ ନେଇ ଜୋରଦାର ହଟଗୋଳ ଦେଖିବାକୁ ମିଳିଛି । ଗୃହର ଆସାବପତ୍ର ଭଙ୍ଗାରୁଜା ସହ କିଛି ମେୟର ଆହତ ହୋଇଥିବା ସୂଚନା ମିଳିଛି । ଆପ କହିଛି ଗଣତାନ୍ତ୍ରିତ ପରମ୍ପରା ଓ ଅନୁଷ୍ଠାନକୁ ନଷ୍ଟ କରିବା ପାଇଁ ଏଭଳି ଜାଣିଶୁଣି କରାଯାଉଛି ।
ଏନେଇ ଉପରାଜ୍ୟପାଳଙ୍କୁ ଚିଠି ଲେଖାଇଥିଲେ ସୁଦ୍ଧା ଏହାକୁ ଅଣାଦେଖା କରାଯାଉଥିବା ଆପ ଅଭିଯୋଗ କରିଛି । ଏଥିସହ ଆପ କହିଛି କି ଉପରାଜ୍ୟପାଳ ଜାଣିଶୁଣି ମେୟର ନିର୍ବାଚନକୁ ପ୍ରଭାବିତ କରିବା ଲାଗି ବିଜେପି ସପକ୍ଷରେ କାମ କରୁଛନ୍ତି ।