ଏମ୍ସରେ ଓପିଡି ଟିକେଟ ପାଇଁ ଆଉ ଲାଗିବ ନାହିଁ ଟଙ୍କା, ଜାଣନ୍ତୁ କେତେ ଟଙ୍କା ପର୍ଯ୍ୟନ୍ତ ଦେବାକୁ ପଡିନାହିଁ ପରୀକ୍ଷା ଦେୟ
କନକ ବ୍ୟୁରୋ : ଅଖିଳ ଭାରତୀୟ ଆର୍ୟୁ ବିଜ୍ଞାନ ସଂସ୍ଥା ବା ଏମ୍ସରେ ଚିକିତ୍ସିତ ହେଉଥିବା ରୋଗୀଙ୍କ ପାଇଁ ଆସିଲା ବଡ ଖବର । ଏବେ ଏମ୍ସକୁ ଚିକିତ୍ସା ପାଇଁ ଆସୁଥିବା ରୋଗୀଙ୍କୁ ଆଉଟ ଡୋର ଟିକେଟ ପାଇଁ ଆଉ ଦେବାକୁ ପଡିବ ନାହିଁ ଟଙ୍କା । ଏହାସହ ଚିକିତ୍ସା ପାଇଁ ଆସୁଥିବା ରୋଗୀଙ୍କୁ ଯଦି ସ୍ଲଟ ନମିଳେ ତେବେ ତାଙ୍କ ପାଇଁ ଏକ ଭୋଟିଂ ଏରିଆର ବ୍ୟବସ୍ଥା କରାଯିବ । ଏଠାରେ ଅପେକ୍ଷା କରିଥିବା ସମସ୍ତ ରୋଗୀଙ୍କୁ ଟୋକନ ମିଳିବ । ଏହି ଟୋକନ ଉପରେ ଲଟେରୀ କରାଯିବ । ଯାହାର ନମ୍ବର ଲଟେରୀ ଲାଗିବ ସେ ହିଁ ସ୍ଲଟ ପାଇବ । ଏହି କ୍ଷେତ୍ରରେ ଦିବ୍ୟାଙ୍ଗ, ଗର୍ଭବତୀ, ବୟସ୍କ ଲୋକଙ୍କୁ ପ୍ରାଥମିକତା ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
ଏମ୍ସ ନିର୍ଦ୍ଦେଶକ ଡା. ଏମ୍ ଶ୍ରୀନିବାସ କହିଛନ୍ତି କି ଓପିଡି ଆଗରେ ଲାଗୁଥିବା ଭିଡକୁ ନଜରରେ ରଖି ଏଭଳି ନିଷ୍ପତ୍ତି ନିଆଯାଇଛି । ସେପଟେ ଚିକିତ୍ସା ପାଇଁ ଆସୁଥିବା ରୋଗୀମାନଙ୍କୁ ଆଉ ୩୦୦ ଟଙ୍କା ପର୍ଯ୍ୟନ୍ତ ପରୀକ୍ଷା ପାଇଁ ଲାଗୁଥିବା ଦେୟ ଦେବାକୁ ପଡିବ ନାହିଁ । ଏହା ପୂର୍ବରୁ ଏମ୍ସରେ ରକ୍ତ ପରୀକ୍ଷା, ଏକ୍ସ ରେ, ଅଲଟ୍ରାସାଉଣ୍ଡ ଭଳି ପରୀକ୍ଷାକୁ ନିଶ୍ଳୁକ କରାଯାଇଥିଲା ।