କନକ ବ୍ୟୁରୋ : ଦିଲ୍ଲୀରେ ଚାଷୀ ସଂଗଠନ ଓ କେନ୍ଦ୍ର ସରକାରଙ୍କ ମଧ୍ୟରେ ବିନା କୌଣସି ସମାଧାନରେ ଶେଷ ହୋଇଛି ଦଶମ ରାଉଣ୍ଡ ବୈଠକ । ଏହି ବୈଠକରେ ୩ଟି ନୂଆ କୃଷି ଆଇନକୁ ପ୍ରତ୍ୟାହାର ନେଇ ଦାବିରେ ଅଟଳ ରହିଥିଲେ ଚାଷୀ ସଂଗଠନ । କେନ୍ଦ୍ର ସରକାର ଆଇନକୁ ବର୍ଷକରୁ ଦେଢବର୍ଷ ଯାଏଁ ସ୍ଥଗିତ ରଖିବାକୁ ପ୍ରସ୍ତାବ ରଖିଥିଲେ । ଏହା ସହିତ ନୂଆ କମିଟି ଗଠନ ନେଇ ମଧ୍ୟ ପ୍ରସ୍ତାବ ରଖିଥିଲେ । ତେବେ କୌଣସି ସଂଶୋଧନ ନେଇ ପ୍ରସ୍ତାବକୁ ଚାଷୀ ସଂଗଠନର ନେତାମାନେ ଗ୍ରହଣ କରିନଥିଲେ ।
Kanak News is now on WhatsApp
Join and get latest news updates delivered to you via WhatsApp
ଫଳରେ ଚାଷୀ ସଂଗଠନ ସମାଧାନ ଆଡକୁ କୌଣସି ଆଭିମୁଖ୍ୟ ଦେଖାଉନଥିବାରୁ ଆଗକୁ ୧୧ତମ ବୈଠକ ବସିବା ନେଇ ସମ୍ଭାବନା ଦେଖା ଦେଇଛି । ଆଜି କୃଷକ ସଂଗଠନର ନେତାମାନଙ୍କର ବୈଠକ ହେବ ଏବଂ ସରକାରଙ୍କ ପ୍ରସ୍ତାବ ଉପରେ ଆଲୋଚନା ହେବ । ଆସନ୍ତା ୨୨ ତାରିଖରେ ହେବାକୁ ଥିବା ପରବର୍ତ୍ତୀ ବୈଠକରେ ସେମାନେ ନିଜର ମତ ସରକାରଙ୍କୁ ଜଣାଇବେ । ଗତକାଲି କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ର ସିଂ ତୋମରଙ୍କ ସହ କେନ୍ଦ୍ରମନ୍ତ୍ରୀ ପିୟୁଷ ଗୋଏଲଙ୍କ ସହ ୪୦ରୁ ଅଧିକ ଚାଷୀ ସଂଗଠନ ଆଲୋଚନାରେ ସାମିଲ ହୋଇଥିଲେ ।