କନକ ବ୍ୟୁରୋ : ସାମୁଦ୍ରିକ ବାତ୍ୟା ୟସକୁ ନେଇ ଅଶାନ୍ତ ରହିବ ସମୁଦ୍ର । ତେବେ ଭଦ୍ରକ, କେନ୍ଦ୍ରାପଡା ଓ ବାଲେଶ୍ୱର ଜିଲ୍ଲାର ଉପକୂଳରେ ସମୁଦ୍ର ଅଧିକ ଅଶାନ୍ତ ରହିବା ନେଇ ଆକଳନ କରିଛି ଆଇଏମଡି । ବାତ୍ୟା ୟାସ୍ ପ୍ରଭାବରୁ ଭଦ୍ରକରେ ୭ କିଲୋମିଟର ଭିତରକୁ ସମୁଦ୍ର ପାଣି ମାଡି ଆସିବା ଆଶଙ୍କା ରହିଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି କେନ୍ଦ୍ରାପଡାରେ ୨.୬ କିମି ଓ ବାଲେଶ୍ୱରରେ ୨.୩ କିମି ଯାଏଁ ସମୁଦ୍ର ପାଣି ସ୍ଥଳଭାଗକୁ ମାଡି ଆସିବା ଆଶଙ୍କା ରହିଛି । ଏହି ସମୟରେ ସମୁଦ୍ରରେ ପ୍ରବଳ ଉଚ୍ଚରେ ଜୁଆର ଆସିବ । ତେଣୁ ଧାମରା ଓ ପାରାଦୀପରେ ୧୦ ନମ୍ବର ବିପଦ ସଂକେତ ଜାରି କରାଯାଇଛି । ଅର୍ଥାତ ଏହି ଅଂଚଳକୁ ସର୍ବାଧିକ ବିପଦ ରହିଛି । ସେହିପରି ପୁରୀକୁ ୮ ନମ୍ବର ବିପଦ ସଂକେତ ଓ ଗୋପଳପୁରକୁ ୩ ନମ୍ବର ବିପଦ ସଂକେତ ଜାରି କରାଯାଇଛି ।