ହାଇଦରକୁ ଏନକାଉଣ୍ଟର ହେବା ନେଇ ସୂଚନା ଦେଲେ କଟକ ଡିସିପି । କହିଲେ, ଫେରାର୍ ହେଉଥିବାବେଳେ ଅଟକାଇବାକୁ ଗୁଳି ମାରିଥିଲା ପୋଲିସ ।
କନକ ବ୍ୟୁରୋ: ଗ୍ୟାଙ୍ଗଷ୍ଟାର ହାଇଦରକୁ ଗୁଳି ବାଜିବା ନେଇ ସୂଚନା ଦେଲେ କଟକ ଡିସିପି । ଆଜି ହାଇଦରକୁ ସ୍ଥାନାନ୍ତର କରିବା ସମୟରେ ସେ ଫେରାର୍ ହେବାକୁ ଉଦ୍ୟମ କରୁଥିଲା । ଏହି ସମୟରେ ପୋଲିସ ତାକୁ ଗୁଳି ମାରିଥିବା ନେଇ ସୂଚନା ଦେଇଛନ୍ତି କଟକ ଡିସିପି ପ୍ରତୀକ ସିଂ । ତେବେ ଆଜି ଦିନ ୩ଟା ୨୦ ମିନିଟ୍ ସମୟରେ ଏହି ଘଟଣା ଘଟିଥିବା ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ହାଇଦରକୁ ଏନକାଉଣ୍ଟର ହେବା ନେଇ କଟକ ଡିସିପିଙ୍କ ସୂଚନା
ହାଇଦରର ପେଟରେ ଗୁଳି ବାଜିଛି
ଦୌଡି ପଳାଇବାକୁ ଉଦ୍ୟମ ବେଳେ ଗୁଳି ମାରିଲା ପୋଲିସ
ଆହତ ଅବସ୍ଥାରେ ହସ୍ପିଟାଲକୁ କରାଯାଉଛି ସ୍ଥାନାନ୍ତର
ପ୍ରାୟ ୩ଟା ୨୦ ରେ ବାଟରେ ଅଟକିଥିଲା ହାଇଦର@cpbbsrctc @dcp_cuttack #KanakNews pic.twitter.com/IT6PtuqLc2— Kanak News (@kanak_news) July 24, 2021
କିଛି ଦିନ ତଳେ ହାଇଦର କଟକ ଏସସିବି ହସ୍ପିଟାଲରୁ ଫେରାର୍ ହୋଇଯାଇଥିଲା । ଏହାପରେ ଜୋରଦାର କସରତ ପରେ ପୋଲିସ ହାଇଦରକୁ ହାଇଦ୍ରାବାଦରୁ ଗିରଫ କରିଥିଲା । ଏହାପରେ ତାକୁ ଚୌଦାର ଜେଲରେ ରଖାଯାଇଥିଲା । ଆଜି ତାକୁ ଚୌଦାରରୁ ବାରିପଦା ସ୍ଥାନାନ୍ତର କରିବା ସମୟରେ ସେ ଫେରାର୍ ହେବାକୁ ଉଦ୍ୟମ କରିବା ସମୟରେ ପୋଲିସ ଗୁଳି ଖାଇଛି । ଗୁରୁତ୍ୱପୂର୍ଣ୍ଣ କଥା ହେଉଛି, ଗ୍ୟାଙ୍ଗଷ୍ଟାର ହାଇଦରର ପେଟରେ ଗୁଳି ବାଜିଛି । ଗୁଳି ବାଜିବା ପରେ ତାକୁ ନିକଟସ୍ଥ ବାଲେଶ୍ୱର ମେଡିକାଲକୁ ସ୍ଥାନାନ୍ତର କରାଯାଇଛି । ତେବେ ଏବେ ତାଙ୍କର ସ୍ୱାସ୍ଥ୍ୟାବସ୍ଥା କିପରି ଅଛି ସେନେଇ କୌଣସି ନିର୍ଦ୍ଧିଷ୍ଟ ସୂଚନା ମିଳିପାରିନାହିଁ ।