କନକ ବ୍ୟୁରୋ : ଲଗାଣ ବର୍ଷାରେ ବିଭିନ୍ନ ସ୍ଥାନରେ ଲୋକେ ଜଳବନ୍ଦୀ ହୋଇ ରହିଛନ୍ତି । ଆଉ କିଛି ସ୍ଥାନରେ ନଦୀ ଜଳ ସ୍ତର ବଢୁଥିବାରୁ ବିଭିନ୍ନ ଗାଁ ଗୁଡିକରେ ଜଳ ପଶି ଅସ୍ତବ୍ୟସ୍ତ ହୋଇପଡ଼ିଛି ଜୀବନ । ସେହିଭଳି ଭଟ୍ଟାରିକା ମନ୍ଦିର ବେଢା ଛୁଇଁଲାଣି ମହାନଦୀର ବନ୍ୟା ଜଳ । ଅଧିଷ୍ଠାତ୍ରୀ ଦେବୀ ମାଆ ଭଟ୍ଟାରିକାଙ୍କ ମନ୍ଦିର ବେଢା ଛୁଇଁଛି ମହାନଦୀର ପ୍ରଥମ ବନ୍ୟା ଜଳ ।
Kanak News is now on WhatsApp
Join and get latest news updates delivered to you via WhatsApp
ମହାନଦୀର ଉପରମୁଣ୍ଡରେ ବର୍ଷା ସାଙ୍ଗକୁ ହୀରାକୁଦ ଡ୍ୟାମରୁ ଜଳ ନିଷ୍କାସିତ ହେଉଥିବାରୁ ମନ୍ଦିର ଭିତରେ ବନ୍ୟାଜଳ ପ୍ରବେଶ କରିବା ଆରମ୍ଭ ହୋଇଗଲାଣି । ମାଆଙ୍କ ମୁଖଶାଳା ପାହାଚରେ ବନ୍ୟାଜଳ ଛୁଇଁଲାଣି । ସେପଟେ ପାଣି ନିଷ୍କାସନ ପାଇଁ ମନ୍ଦିର ବେଢାକୁ ଲାଗିଥିବା ଅସ୍ଥାୟୀ ପାଚେରୀ ଖୋଲାଯାଉଛି । ମାଆଙ୍କ ରୀତିନୀତିରେ ଯେପରି କିଛି ବ୍ୟାଘାତ ନଘଟେ ସେନେଇ ସମସ୍ତ ପ୍ରକାର ବ୍ୟବସ୍ଥା କରାଯାଇଛି ।