ସାହସ ଦେଖାଇଲେ, ସାବାସୀ ପାଇଲେ । ମାଡି ଆସୁଥିବା ଟ୍ରକ ମୁହଁରୁ ୪ ଜଣଙ୍କ ଜୀବନ ବଞ୍ଚାଇଥିବାରୁ ସମ୍ବର୍ଦ୍ଧିତ ହେଲେ ଲଳିତ ମୋହନ
କନକ ବ୍ୟୁରୋ: ସାହସ ଦେଖାଇଲେ, ସାବାସୀ ପାଇଲେ । ୪ ଜଣଙ୍କ ଜୀବନ ରକ୍ଷା କରି ସମ୍ବର୍ଦ୍ଧିତ ହେଲେ ଟ୍ରାଫିକ ହାବିଲଦାର । ରାତିରେ ଟ୍ରାଫିକ ପୋଷ୍ଟରୁ ଡିଆଁ ମାରି ଦୃତଗାମୀ ଟ୍ରକ ମୁହଁରୁ ୪ ଜଣଙ୍କ ଜୀବନ ରକ୍ଷା କରିଥିବା ଟ୍ରାଫିକ ହାବିଲଦାର ଲଳିତ ମୋହନ ରାଉତଙ୍କୁ ଆଜି ସମ୍ବର୍ଦ୍ଧିତ କରିଛନ୍ତି ପୋଲିସ କମିସନର ସୁଧାଂଶୁ ଷଡଙ୍ଗୀ ।
Kanak News is now on WhatsApp
Join and get latest news updates delivered to you via WhatsApp
ନଭେମ୍ବର ୨୩ ତାରିଖ ରାତି ପ୍ରାୟ ୮.୩୦ ସମୟରେ କଟକର ଶିଖରପୁର ଛକରେ ଲଲିତ ମୋହନ ରାଉତ ଟ୍ରାଫିକ୍ ଡିୟୁଟି କରୁଥିଲେ। ସେହି ସମୟରେ ଜଗତପୁରରୁ ଓଏମପି ଆଡ଼େ ଆସୁଥିବା ଦୁଇଟି ବାଇକରେ ବସିଥିବା ୪ ଜଣ ଆରୋହୀଙ୍କ ଆଡ଼େ ଏକ ଟ୍ରକ୍ ମାଡ଼ି ଆସୁଥିଲା। ଆଉ ଟିକକରେ ସେମାନେ ଟ୍ରକ୍ ସହ ମୁହାଁମୁହିଁ ଧକ୍କା ହୋଇଥାନ୍ତେ। ମାତ୍ର ଲଲିତ ମୋହନ ତାଙ୍କର ସାହସିକତା ଦେଖାଇ ଟ୍ରାଫିକ୍ ପୋଷ୍ଟରୁ ଡେଇଁ ବାଇକରୁ ୪ ଜଣଙ୍କୁ ଟାଣି ଆଣିଥିଲେ। ଡିୟୁଟି ସମୟରେ ଏପରି ସାହସିକତା ଦେଖାଇ ୪ ଜଣଙ୍କ ଜୀବନ ବଞ୍ଚାଇଥିବା କାରଣରୁ ତାଙ୍କୁ ସମ୍ମାନିତ କରାଯାଇଛି।