ଆସନ୍ତା ୧୬ ପରେ ରାଜ୍ୟରେ କିପରି ହେବ କରୋନା କଟକଣା ? ତାଲାବନ୍ଦ ହଟିବ କି ନାହିଁ କଳ୍ପନା ଜଳ୍ପନା ଜାରି , ୨୮ ଜିଲ୍ଲା ହୋଇପାରେ ଅନଲକ୍
କନକ ବ୍ୟୁରୋ : ଆସନ୍ତା ୧୬ ତାରିଖରେ ଲକଡାଉନ୍ ହଟିବ କି ନାହିଁ ? ଏହାକୁ ନେଇ ସାରା ରାଜ୍ୟରେ କଳ୍ପନା ଜଳ୍ପନା ଲାଗି ରହିଛି । ରାଜ୍ୟରେ ଦୈନିକ ସଂକ୍ରମଣ କମୁଥିବା ବେଳେ ଲକଡାଉନ୍ କୋହଳ ହେବା ନେଇ ସାଧାରଣରେ ଆଶା ପ୍ରକାଶ ପାଇଛି । ତେବେ ଉପକୂଳ ଜିଲ୍ଲା ବିଶେଷକରି କଟକ ଓ ଖୋର୍ଦ୍ଧା ଜିଲ୍ଲାରେ ସଂକ୍ରମଣ ସବୁଠୁ ଅଧିକ ରହୁଥିବାରୁ ସରକାରଙ୍କ ଫୋକସରେ ରହିଛି ଏହି ଦୁଇ ଜିଲ୍ଲା ।
Kanak News is now on WhatsApp
Join and get latest news updates delivered to you via WhatsApp
ଏହି ଦୁଇ ଜିଲ୍ଲାକୁ ବାଦ ଦେଇ ବାକି ୨୮ଟି ଜିଲ୍ଲାରେ ଲକଡାଉନ୍ ଉଠାଇବା ନେଇ ବିଶେଷ ଅସୁବିଧା ହେବନାହିଁ । ଏହି ଦୁଇଟି ଜିଲ୍ଲାରେ ଲକଡାଉନର ରୂପରେଖ କ’ଣ ରହିବ ତାକୁ ନେଇ ଏବେ ତର୍ଜମା ଚାଲିଛି । ଗତ କିଛିଦିନର ସଂକ୍ରମଣ ଓ ପଜିଟିଭ ହାରକୁ ସମୀକ୍ଷା କରିବା ପରେ ସରକାର ଏନେଇ ନିଷ୍ପତ୍ତି ନେବେ । ସେପ୍ଟେମ୍ବର ୧୨ ତାରିଖରେ ନିଟ୍ ପରୀକ୍ଷା ହେବ ତେଣୁ ନିଷ୍ପତ୍ତି ନେବା ଆଗରୁ କେନ୍ଦ୍ର ଗାଇଡଲାଇନକୁ ଅପେକ୍ଷା କରାଯାଇଛି ।