କନକ ବ୍ୟୁରୋ: ବିପଦ ବେଳାରେ ଆପଣାର କେହି ନା କେହି ଜଣେ ଠିଆ ହୋଇଥାନ୍ତି । ହେଲେ ଭୂତାଣୁ ମଣିଷକୁ ଏତେ ଅସହାୟ କରିଦେଇଛି ଯେ, କିଏ କାହା ପାଖରେ ଠିଆ ହେବା ତ’ ଦୂରର କଥା, କେହି କାହାରି ମୁହଁ ଚାହିଁବା ସ୍ଥିତିରେ ନାହାଁନ୍ତି । କରୋନା ଯୋଗୁଁ ଏଭଳି କିଛି ସ୍ଥିତି ଦେଇ ଗତି କରୁଛନ୍ତି କୁଦପାଟଣା ସ୍କୁଲ ଶିକ୍ଷୟତ୍ରୀଙ୍କ ପରିବାର ।
Kanak News is now on WhatsApp
Join and get latest news updates delivered to you via WhatsApp
ନିଆଳି କୁଦପାଟଣା ୟୁପି ସ୍କୁଲର ଶିକ୍ଷୟତ୍ରୀ ସସ୍ମିତା ସାହୁ କରୋନାରେ ଆକ୍ରାନ୍ତ ହେବା ପରେ ଏବେ ନୀଳାଚଳ କୋଭିଡ୍ ହସ୍ପିଟାଲରେ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି । ତାଙ୍କ ୧୦ ବର୍ଷର ଝିଅ, କୋଣାର୍କ ହସ୍ପିଟାଲରେ ଭର୍ତି ହୋଇଛନ୍ତି । ମା’ ଓ ଭାଇ କଟକ କୋଭିଡ୍ ହସ୍ପିଟାଲରେ ଚିକିତ୍ସତ ହେଉଛନ୍ତି । ଆଉ ଏସବୁ ଭିତରେ ସସ୍ମିତାଙ୍କ ବାପା ପୁରୀ କୋଭିଡ୍ ହସ୍ପିଟାଲରେ ଚିକିତ୍ସାଧିନ ଅବସ୍ଥାରେ ସବୁ ଦିନ ପାଇଁ ଆଖି ବୁଜି ଦେଇଛନ୍ତି ।
ଭୂତାଣୁ କେତେ ଭୟାବହ ହୋଇପାରେ ଏବଂ ଭଗବାନ କେତେ ନିଷ୍ଠୁର ହୋଇପାରନ୍ତିି, ନିଆଳିରୁ ଆସିଥିବା ଏହି ଖବର ହିଁ ବୟାନ କରୁଛି । ସସ୍ମିତା ନା’ ମା କିମ୍ବା ଭାଇଙ୍କ ପାଖକୁ ଯିବା ସ୍ଥିତିରେ ଅଛନ୍ତି, ନା କୁନି ଝିଅ ପାଖକୁ ଯାଇ ତା କଥା ବୁଝିବା ଅବସ୍ଥାରେ ଅଛନ୍ତି ।
ପରିବାରର ଅନ୍ୟ ସଦସ୍ୟମାନେ ବି କେହି କାହା ପାଖକୁ ଆସପାରୁ ନାହାଁନ୍ତି । ଆସିବେ ବା କେମିତି, ନିଜେ ସସ୍ମିତା ବାଳକାଟି କୋଭିଡ୍ ହସ୍ପିଟାଲରେ ଥିବାବେଳେ ଝିଅ କୋଣାର୍କ କୋଭିଡ୍ ହସ୍ପିଟାଲ ଭର୍ତି ହୋଇଛନ୍ତି । ଏପଟେ ମା’ ଓ ଭାଇ କଟକର କୌଣସି ଏକ କୋଭିଡ୍ ହସ୍ପିଟାଲରେ ଜୀବନ ସହ ସଂଗ୍ରାମ କରୁଛନ୍ତି । ଆଉ ଘରର ମୁରବି ଥିବା ସସ୍ମିତାଙ୍କ ବାପା ପୁରୀ କୋଭିଡ୍ ହସ୍ପିଟାଲରେ ଚିକିତ୍ସାଧିନ ଅବସ୍ଥାରେ ପ୍ରାଣ ହରାଇଛନ୍ତି ।