ଆଜିଠୁ ଦ୍ୱିତୀୟ ପର୍ଯ୍ୟାୟ ଟିକାକରଣ : ଏନେଇ ବିହାର ସରକାରଙ୍କ ବଡ ଘୋଷଣା; ଘରୋଇ ହସ୍ପିଟାଲରେ ଟିକାକରଣର ଖର୍ଚ୍ଚ ବହନ କରିବେ ନୀତିଶ ସରକାର
ବିହାର ଲୋକଙ୍କୁ ଦେବାକୁ ପଡ଼ିବ ନାହିଁ ୨୫୦ ଟଙ୍କାର ଦେୟ
କନକ ବ୍ୟୁରୋ : ଆଜି ସାରାଦେଶରେ ଦ୍ୱିତୀୟ ପର୍ଯ୍ୟାୟ ଟିକାକରଣ ଆରମ୍ଭ ହେଉଥିବା ବେଳେ ଟିକାକରଣ ନେଇ ବଡ ଘୋଷଣା କରିଛନ୍ତି ବିହାର ସରକାର । ଜାତୀୟ ଗଣମାଧ୍ୟମର ସୂଚନା ଅନୁସାରେ, ବିହାରରେ ଘରୋଇ ହସ୍ପିଟାଲଗୁଡିକରେ ଟିକା ନେଉଥିବା ଲୋକଙ୍କ ଖର୍ଚ୍ଚ ବହନ କରିବେ ରାଜ୍ୟ ସରକାର । ଆଜି ବିହାର ମୁଖ୍ୟମନ୍ତ୍ରୀ ନୀତିଶ କୁମାର ମଧ୍ୟ ଟିକା ନେବାର କାର୍ଯ୍ୟକ୍ରମ ରହିଛି ।
Kanak News is now on WhatsApp
Join and get latest news updates delivered to you via WhatsApp
ସାରାଦେଶରେ ୬୦ବର୍ଷରୁ ଅଧିକ ବୟସ୍କ ଏବଂ ବିଭିନ୍ନ ରୋଗ ଥିବା ୪୫ବର୍ଷରୁ ଅଧିକ ବୟସ୍କ ଲୋକଙ୍କୁ ଟିକା ଦିଆଯିବ । ଏଥିପାଇଁ ଦେଶରେ ୧୦ହଜାର ସରକାରୀ ଟିକାକରଣ କେନ୍ଦ୍ର ଏବଂ ୨୦ହଜାର ଘରୋଇ ଟିକାକରଣ କେନ୍ଦ୍ରରେ ଟିକାଦାନ କରାଯିବ । ଘରୋଇ ଟିକାକରଣ କେନ୍ଦ୍ରରେ ଟିକା ନେବା ପାଇଁ ୨୫୦ଟଙ୍କା ଦେୟ ବ୍ୟବସ୍ଥା କରାଯାଇଥିବା ବେଳେ ବିହାରରେ ଏହି ଖର୍ଚ୍ଚ ବହନ କରିବେ ରାଜ୍ୟ ସରକାର ।