କନକ ବ୍ୟୁରୋ : ରାଜ୍ୟରେ କରୋନା ସଂକ୍ରମଣର ହାର କମିବାରେ ଲାଗିଛି । ଓଡିଶା ମାନଚିତ୍ର ଧିରେ ଧିରେ ସବୁଜ ହେବାରେ ଲାଗିଛି । ରାଜ୍ୟ ସ୍ୱାସ୍ଥ୍ୟ ବିଭାଗର କୋଭିଡ ଡ୍ୟାସବୋର୍ଡ ଅନୁସାରେ ଏବେ ରାଜ୍ୟର ୧୨ଟି ଜିଲ୍ଲା ଗ୍ରୀନ ଜୋନରେ ରହିଛି । ସେହିପରି ୟେଲୋ ଜୋନରେ ୧୧ଟି ଜିଲ୍ଲା ଓ ରୋଡ ଜୋନରେ ରହିଛି ମାତ୍ର ୭ଟି ଜିଲ୍ଲା । ତେଣୁ ରଜ ବେଳକୁ ସଂକ୍ରମଣ ଅଧିକ କମିବା ଆଶା କରାଯାଉଛି ଓ ରଜ ପରେ ରାଜ୍ୟର ଅଧା ଜିଲ୍ଲାରୁ ଲକଡାଉନ ହଟିବା ସମ୍ଭାବନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ଗ୍ରୀନ ଜୋନରେ ଥିବା ଜିଲ୍ଲାଗୁଡିକ ହେଉଛି, ମାଲକାନଗିରି, ଗଜପତି, ଗଂଜାମ, କନ୍ଧମାଳ, କଳାହାଣ୍ଡି, ବଲାଙ୍ଗିର, ନୂଆପଡା, ସୁବର୍ଣ୍ଣପୁର, ସମ୍ବଲପୁର, ଝାରସୁଗୁଡା, ଦେବଗଡ ଓ କେନ୍ଦୁଝର । ଅର୍ଥାତ ଏହି ୧୨ଜିଲ୍ଲାରେ ସକ୍ରିୟ ସଂକ୍ରମିତଙ୍କ ସଂଖ୍ୟା ଏକ ହଜାରେ ତଳେ ରହିଛି । ତେବେ ଗ୍ରୀନ ଜୋନରେ ଥିବା ନୂଆପଡା, ଦେବଗଡ, ଗଜପତି, ଗଂଜାମ ଓ ଝାରସୁଗୁଡାରେ ଆକ୍ଟିଭ ମାମଲା ୫ଶହ ତଳେ ରହିଛି ।
ସେହିପରି ୟେଲୋ ଜୋନରେ ରହିଛି ୧୧ଟି ଜିଲ୍ଲା । ଏହି ଜିଲ୍ଲାଗୁଡିକରେ ଆକ୍ଟିଭ ମାମଲା ୨୫ ଶହ ତଳକୁ ରହିଛି । ଆଉ ରାଜ୍ୟର ୭ଟି ଜିଲ୍ଲା ଏବେ ବି ରେଡ ଜୋନରେ ରହିଛି । ରେଡ ଜୋନରେ ଥିବା ଜିଲ୍ଲାଗୁଡିକ ହେଉଛି, ଖୋର୍ଦ୍ଧା, କଟକ, ଯାଜପୁର, ଭଦ୍ରକ, ବାଲେଶ୍ୱର, ମୟୂରଭଞ୍ଜ ଓ ଅନୁଗୁଳ । ଏସବୁ ଜିଲ୍ଲାରେ ସକ୍ରିୟ ସଂକ୍ରମିତଙ୍କ ସଂଖ୍ୟା ୨୫ଶହ ଉପରେ ରହିଛି ।