ହସ୍ପିଟାଲରେ ଅକ୍ସିଜେନ ଅଭାବ ନେଇ କେନ୍ଦ୍ର ସରକାରଙ୍କୁ ଦିଲ୍ଲୀ ହାଇକୋର୍ଟଙ୍କ ଭର୍ତ୍ସନା : କହିଲେ, ଲୋକଙ୍କ ଜୀବନଠାରୁ ଶିଳ୍ପସଂସ୍ଥାକୁ ଅଧିକ ଗୁରୁତ୍ୱ ଦେଉଛନ୍ତି ସରକାର
ଯେକୌଣସି ଉପାୟରେ ଡାକ୍ତରଖାନାକୁ ଅକ୍ସିଜେନ ଯୋଗାଇବାକୁ ନିର୍ଦ୍ଦେଶ
କନକ ବ୍ୟୁରୋ : କରୋନା ରୋଗୀଙ୍କ ପାଇଁ ଅକ୍ସିଜେନ୍ ଅଭାବକୁ ନେଇ କେନ୍ଦ୍ର ସରକାରକୁ ଭର୍ତ୍ସନା କରିଛନ୍ତି ଦିଲ୍ଲୀ ହାଇକୋର୍ଟ । ହାଇକୋର୍ଟ କହିଛନ୍ତି, ଲୋକଙ୍କ ଜୀବନ ଠାରୁ ଶିଳ୍ପ ସଂସ୍ଥାକୁ ଅଧିକ ଗୁରୁତ୍ୱ ଦେଉଛନ୍ତି ସରକାର । ଡାକ୍ତରଖାନାରେ ଅକ୍ସିଜେନ୍ ଅଭାବ ନେଇ ମାକ୍ସ ହସ୍ପିଟାଲ ଦାୟର କରିଥିବା ପିଟିସନର ଜରୁରୀକାଳୀନ ଶୁଣାଣୀ କରି ହାଇକୋର୍ଟ କହିଛନ୍ତି, ଏଭଳି ଜରୁରୀ ସ୍ଥିତିରେ ମେଡିକାଲରେ ଅକ୍ସିଜେନ୍ ଅଭାବ, କୋର୍ଟକୁ ମର୍ମାହତ କରୁଛି ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇ ହାଇକୋର୍ଟ କହିଛନ୍ତି, ଲୋକଙ୍କ ଜବୀନ ଧାରଣ ଅଧିକାରକୁ ସୁରକ୍ଷିତ ରଖି ଯେ କୌଣସି ପ୍ରକାର ହସ୍ପିଟାଲଗୁଡିକୁ ଅକ୍ସିଜେନ୍ ଯୋଗାଇ ଦିଆଯାଉ । ଷ୍ଟିଲ ଓ ପେଟ୍ରୋଲିୟମ ଆଦି ଶିଳ୍ପ, ମେଡିକାଲ ପାଇଁ ଅକ୍ସିଜେନ୍ ଉତ୍ପାଦନ କରନ୍ତୁ ଏବଂ ଶିଳ୍ପ ପାଇଁ ଆବଶ୍ୟକ ହେଉଥିବା ଅକ୍ସିଜେନକୁ କିଛି ଦିନ ପାଇଁ ବନ୍ଦ ରଖନ୍ତୁ । ହାଇକୋର୍ଟ କହିଛନ୍ତି, ସପ୍ତାହ ଓ ଦୁଇ ସପ୍ତାହ ପାଇଁ ଶିଳ୍ପ ସଂସ୍ଥାଗୁଡିକ ଅପେକ୍ଷା କରିପାରିବେ । କିନ୍ତୁ ଲୋକଙ୍କ ଜୀବନ ସବୁଠାରୁ ଅଧିକ ମୂଲ୍ୟବାନ । ମାକ୍ସ ହସ୍ପିଟାଲ ପିଟିସନରେ ଉଲ୍ଲେଖ କରିଥିଲେ ଯେ ବିଭିନ୍ନ ମାକ୍ସ ହସ୍ପିଟାଲରେ ପ୍ରାୟ ୧୪ ଶହ କରୋନା ଆକ୍ରାନ୍ତଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ରହିଛି । ସେମାନେ ଅକ୍ସିଜେନ୍ ସହାୟତାରେ ରହିଛନ୍ତି ।