ଦେଶରେ ବଢୁଛି କରୋନା ସଂକ୍ରମିତଙ୍କ ସଂଖ୍ୟା । ଗତ ୨୪ ଘଂଟାରେ ୪୩,୬୫୪ ସଂକ୍ରମିତ ଚିହ୍ନଟ, ୬୪୦ ଜଣଙ୍କ ମୃତ୍ୟୁ
କନକ ବ୍ୟୁରୋ : ଦେଶରେ ପୁଣିଥରେ ଦୈନିକ କରୋନା ସଂକ୍ରମଣରେ ବୃଦ୍ଧି ଘଟିଛି । ଗତ ୨୪ ଘଂଟା ମଧ୍ୟରେ ଦେଶରେ ୪୩,୬୫୪ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ୬୪୦ ଜଣଙ୍କର ମୃତ୍ୟୁ ହୋଇଛି । କହିରଖୁ କି କିଛିଦିନ ହେବ ଦେଶରେ ଦୈନିକ କରୋନ ସଂକ୍ରମଣରେ ସ୍ଥିରତା ଆସୁନାହିଁ । କେବେ ବଢୁଛି ତ କେବେ କମୁଛି । କରୋନାର ତୃତୀୟ ଲହର ନେଇ ବିଶେଷଜ୍ଞମାନେ ଚେତାବନୀ ଦେଉଥିବା ଭିତରେ ଏଭଳି ଦୈନିକ ସଂକ୍ରମଣ ସଂଖ୍ୟାରେ ବୃଦ୍ଧିକୁ ନେଇ ସ୍ୱାସ୍ଥ୍ୟ ବିଭାଗ ଚିନ୍ତା ପ୍ରକଟ କରିଛି ।
Kanak News is now on WhatsApp
Join and get latest news updates delivered to you via WhatsApp
India reports 43,654 fresh COVID cases, 41,678 recoveries, and 640 deaths in the last 24 hours
Active cases: 3,99,436
Total recoveries: 3,06,63,147
Death toll: 4,22,022Total vaccination: 44,61,56,659 pic.twitter.com/C6bBRNXgVb
— ANI (@ANI) July 28, 2021
ଅନ୍ୟପଟେ ଦେଶରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୩ କୋଟି ୧୪ ଲକ୍ଷ ୮୪ ହଜାର ୬୦୫ କୁ ବୃଦ୍ଧି ପାଇଛି । କେନ୍ଦ୍ର ସ୍ୱାସ୍ଥ୍ୟମନ୍ତ୍ରଣାଳୟର ସୂଚନା ମୁତାବକ ଦେଶରେ ଏବେ ବି ୩,୯୯,୪୩୬ ଆକ୍ଟିଭ୍ ମାମଲା ରହିଛି । ଏହାସହ ୩ କୋଟି ୬ ଲକ୍ଷ ୬୩ ହଜାର ୧୪୭ ଜଣ କରୋନାରୁ ସୁସ୍ଥ ହୋଇଛନ୍ତି । ଏହି କ୍ରମରେ ଦେଶରେ ୪ ଲକ୍ଷ ୨୨ ହଜାର ୨୨ ଜଣ ଲୋକଙ୍କର କରୋନା ସଂକ୍ରମଣରେ ମୃତ୍ୟୁ ହୋଇଛି ।
ସେପଟେ କରୋନା ବିରୋଧୀ ଲଢେଇରେ ମୁଖ୍ୟଅସ୍ତ୍ର ସାଜିଥିବା ଟିକାକରଣକୁ ବି ଫୋକସ କରିଛନ୍ତି ସରକାର । କେନ୍ଦ୍ର ସରକାରଙ୍କ ସୂଚନା ମୁତାବକ ଏପର୍ଯ୍ୟନ୍ତ ୪୪,୬୧,୫୬,୬୫୯ ଜଣ ଲୋକଙ୍କୁ ଟିକା ଦିଆଯାଇଛି ।