କନକ ବ୍ୟୁରୋ : ଜାରି ହେଲା ସଚ୍ଚୋଟ ଦେଶର ତାଲିକା । ସଚ୍ଚୋଟ ଦେଶରେ କେଉଁ ଦେଶ ସବୁଠାରୁ ଆଗରେ ରହିଛି । ଆଉ କେଉଁ ଦେଶ ଦୁର୍ନୀତିରେ ବୁଡି ରହିଛି ତାହା ଏହି ଲିଷ୍ଟ ଦେଖିଲେ ଜଣାପଡିବ । ଏହି ତାଲିକା ଜାରି କରିଛି ଟ୍ରାନ୍ସପରେନ୍ସି ଇଣ୍ଟରନ୍ୟାସନାଲ । ତେବେ ଏହି ତାଲିକା ଜାରି ହେବା ପରେ ଆପଣଙ୍କ ମନରେ ନିଶ୍ଚୟ ପ୍ରଶ୍ନ ଆସୁଥିବା ଭାରତ ଏହି ତାଲିକାରେ କେତେ ନମ୍ବରରେ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଟ୍ରାନ୍ସପରେନ୍ସି ଇଣ୍ଟରନ୍ୟାସନାଲର ରିପୋର୍ଟରେ କୁହାଯାଇଛି ଯେ କରୋନା ସମୟରେ ସବୁଠାରୁ ସଚ୍ଚୋଟ ଦେଶ ହେଉଛନ୍ତି ଡେନମାର୍କ, ନ୍ୟୁଜିଲାଣ୍ଡ, ଫିନ ଲାଣ୍ଡ, ସିଙ୍ଗାପୁର ଓ ସ୍ୱିଡେନ । ସେହିପରି ଅଧିକ ଦୁର୍ନିତୀଗ୍ରସ୍ତ ଦେଶ ହେଉଛନ୍ତି ବେନେଜୁଏଲା, ୟମନ, ସିରିୟା, ସୋମାଲିୟା ଓ ଦକ୍ଷିଣ ସୁଡାନ । ଏହି ୧୮୦ ଦେଶ ମଧ୍ୟରେ ଭାରତ ୮୬ ନମ୍ବରରେ ରହିଛି । ୨୦୧୯ରେ ଭାରତ ଦୁର୍ନୀତିରେ ୮୦ତମ ସ୍ଥାନରେ ରହିଥିଲା । ଏହି ରିପୋର୍ଟରେ ସ୍ପଷ୍ଟ ଭାବରେ କୁହାଯାଇଛି ଯେ ଯେଉଁ ଦେଶରେ ଦୁର୍ନୀତି କମ ଅଛି ସେହି ଦେଶରେ କରୋନା ମୁକାବିଲା ସଠିକ ଭାବରେ ହୋଇଛି ।
ଟ୍ରାନ୍ସପରେନ୍ସି ଇଣ୍ଟରନାସନାଲ ଏହି ରିପୋର୍ଟ ତିଆରି କରିବାକୁ ବିଭିନ୍ନ କ୍ଷେତ୍ରରେ ଥିବା ଲୋକଙ୍କ ମତ ନେଇଥାନ୍ତି । ଏହି ଆଧାରରେ ସବୁ ଦେଶକୁ ରେଟିଙ୍ଗ କରାଯାଇଥାଏ । ଏହି ତାଲିକାର ରାଙ୍କର ସ୍ଥାନ ୧୦୦ରୁ ଶୂନ ଯାଏଁ ରହିଛି । ଶୂନ ଅଙ୍କ ମିଳିଥିବା ଦେଶ ସବୁଠାରୁ ଦୁର୍ନୀତି ଗ୍ରସ୍ତ ଆଉ ୧୦୦ ଅଙ୍କ ମିଳିଥିବା ଦେଶ ସବୁଠାରୁ ସଚ୍ଚୋଟ ଦେଶ ।
ତେବେ ଆସନ୍ତୁ ନଜର ପକାଇବା ଏହି ତାଲିକାରେ ଭାରତର ପଡୋଶୀ ଦେଶମାନଙ୍କର କଣ ସ୍ଥିତି ରହିଛି । ଏହି ତାଲିକାରେ ପାକସ୍ତାନସ୍ଥିତି ଅତି ଶୋଚନୀୟ ରହିଛି । ପାକିସ୍ତାନ ୧୮୦ ଦେଶରୁ ୧୨୪ ତମ ସ୍ଥାନରେ ରହିଛି । ସେହିପରି ଚୀନ ୭୮, ନେପାଳ ୧୧୭ ଓ ବାଂଲାଦେଶ ୧୪୬ ତମ ସ୍ଥାନରେ ରହିଛି । ଅନ୍ୟପକ୍ଷରେ ଏହି ତାଲିକାରେ ବିଶ୍ୱର ସବୁଠାରୁ ଶକ୍ତିଶାଳୀ ଦେଶ ଆମେରିକା ୬୭ ତମ ସ୍ଥାନରେ ରହିଛି ।
ଏହି ବର୍ଷ ୨୬ଟି ଦେଶ ଦୁର୍ନୀତି ମାମଲାରେ ନିଜ ସ୍ଥିତିକୁ ସୁଧାରିଛନ୍ତି । ସେହି ଦେଶମାନଙ୍କ ମଧ୍ୟରୁ ଗ୍ରୀସ ସବୁଠାରୁ ଆଗରେ ରହିଛି । ଗ୍ରୀସ ଚଳିତ ବର୍ଷ ୧୪ଟି ସ୍ଥାନ ଉପରକୁ ଉଠିଛି । ସେହିପରି ମିଆଁମାର ୧୩ ସ୍ଥାନ ଓ ଇକ୍ୱାଡୋର ୭ ସ୍ଥାନ ଉପରକୁ ଉଠିଛି । ଅନ୍ୟପକ୍ଷ ଅନେକ ଦେଶ ନିଜ ସ୍ଥିତି ସୁଧାରିବାକୁ ବିଫଳ ହୋଇଛନ୍ତି ।