କରୋନାର ପ୍ରଥମ ଡୋଜ୍ ନେବା ପରେ କେତେ ସୃଷ୍ଟି ହେଉଛି ରୋଗ ପ୍ରତିରୋଧକ ଶକ୍ତି ? ଦିଲ୍ଲୀର ସାର ଗଙ୍ଗାରାମ ହସ୍ପିଟାଲରେ ୪ହଜାର ୨୯୬ଜଣଙ୍କ ଉପରେ ଗବେଷଣା
କନକ ବ୍ୟୁରୋ : କରୋନାର ପ୍ରଥମ ଡୋଜ୍ ନେବା ପରେ କେତେ ସୃଷ୍ଟି ହେଉଛି ରୋଗ ପ୍ରତିରୋଧକ ଶକ୍ତି । ଷ୍ଟଡିରୁ ଜଣାପଡିଛି ଯେ, କରୋନା ମୁକାବିଲା ପାଇଁ ଆବଶ୍ୟକ ପ୍ରତିରୋଧକ ଶକ୍ତି ଦେଉନାହିଁ ପ୍ରଥମ ଡୋଜ୍ ଟିକା । ପ୍ରଥମ ଟିକା ନେବା ପରେ ମିଳୁଛି ଅତି କମ୍ ପ୍ରତିରୋଧକ ଶକ୍ତି । ଦିଲ୍ଲୀର ସାର ଗଙ୍ଗାରାମ ହସ୍ପିଟାଲରେ ୪ହଜାର ୨୯୬ଜଣଙ୍କ ଉପରେ ଗବେଷଣା କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
କରୋନର ଦ୍ୱିତୀୟ ୱେଭ ସମୟରେ ମାର୍ଚ୍ଚ ୧ରୁ ୩୧ ମଧ୍ୟରେ ଦିଲ୍ଲୀର ସାର ଗଙ୍ଗାରାମ ହସ୍ପିଟାଲରେ ଷ୍ଟଡି କରାଯାଇଥିଲା । ଏଥିରୁ ଜଣାପଡ଼ିଥିଲା ଯେ ଯେଉଁମାନେ ଟିକା ନେଇନାହାନ୍ତି ଓ ପ୍ରଥମ ଡୋଜ୍ ନେଇଥିବା ଲକ୍ଷଣ ଥିବା ଏବଂ ଗୁରୁତର ହୋଇଥିବା ରୋଗୀଙ୍କ କ୍ଷେତ୍ରରେ ସେପରି କିଛି ପାର୍ଥକ୍ୟ ଦେଖିବାକୁ ମିଳୁନାହିଁ । ଅଧ୍ୟୟନ ଅନୁଯାୟୀ ଟିକା ନେଇନଥିବା ସ୍ୱାସ୍ଥ୍ୟକର୍ମୀଙ୍କ ସଂଖ୍ୟା ୧୩.୯ ପ୍ରତିଶତ ବେଳେ ଟିକାକରଣର ଗୋଟିଏ ମାତ୍ର ଡୋଜ୍ ନେଇଥିବା ସ୍ୱାସ୍ଥ୍ୟକର୍ମୀଙ୍କ ସଂଖ୍ୟା ୧୨.୩ ପ୍ରତିଶତ ଥିଲା । ସେହିପରି ପ୍ରଥମ ଡୋଜ୍ ନେବା ପରେ ଗୁରୁତର ଆକ୍ରାନ୍ତ ୨ ପ୍ରତିଶତ ହେଉଥିବା ବେଳେ ୩.୩ ପ୍ରତିଶତ ଟିକା ନେଇନଥିବା ସ୍ୱାସ୍ଥ୍ୟକର୍ମୀ ଗୁରୁତର ହେଉଛନ୍ତି ।