ଦେଶରେ ପୁଣି ୪୦ ହଜାର ଉପରେ ଦୈନିକ ସଂକ୍ରମଣ । ଗତ ୨୪ ଘଂଟାରେ ୫୪୧ ଜଣଙ୍କ ମୃତ୍ୟୁ
କନକ ବ୍ୟୁରୋ : ଏପ୍ରିଲ ଓ ମେ ମାସ ତୁଳନାରେ ଏବେ ଦେଶରେ ଦୈନିକ କରୋନା ସଂକ୍ରମଣ ହ୍ରାସ ପାଇଛି । ହେଲେ ବି ଦୈନିକ ସଂକ୍ରମଣ ୪୦ ହଜାର ଉପରେ ରହୁଛି । ଗତ ୨୪ ଘଂଟାରେ ଦେଶରେ ୪୧.୮୩୧ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ୫୪୧ ଜଣଙ୍କର ମୃତ୍ୟୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ସୂଚନା ମୁତାବକ ଦେଶରେ ମୋଟ ୩,୦୮,୨୦,୫୨୧ ଜଣ ଲୋକ କରୋନା ସଂକ୍ରମଣରୁ ସୁସ୍ଥ ହୋଇଛନ୍ତି । ଏହାସହ ଗତ ୨୪ ଘଂଟାରେ ସୁସ୍ଥକଙ୍କ ସଂଖ୍ୟା ୩୯,୨୫୮ ରହିଛି । ହେଲେ ଗତ ୨୪ ଘଂଟାରେ ସଂକ୍ରମିତଙ୍କ ସଂଖ୍ୟା ଠାରୁ ସୁସ୍ଥକଙ୍କ ସଂଖ୍ୟା କମ ରହିଥିବାରୁ ଏହାକୁ ନେଇ ଚିନ୍ତା ପ୍ରକଟ କରିଛି ସ୍ୱାସ୍ଥ୍ୟ ମନ୍ତ୍ରଣାଳୟ ।
ଅନ୍ୟପଟେ ଏବେ ଦେଶରେ ୪.୧୦,୯୫୨ ଆକ୍ଟିଭ କେସ ରହିଥିବା ବେଳେ ୪ ଲକ୍ଷ ୧୦ ହଜାରରୁ ଅଧିକ ଲୋକଙ୍କ କରୋନା ସଂକ୍ରମଣ କାରଣରୁ ମୃତ୍ୟୁ ହୋଇଛି । ଏହାସହ ଟିକାକରଣ ଅଭିଯାନ ଉପରେ ଯଦି ନଜର ପକାଇବା ତେବେ ୪୭.୦୨ କୋଟି ଖୋରାକ ଦିଆଯାଇଛି । ଯାହା ମଧ୍ୟରେ ଗତ ୨୪ ଘଂଟାରେ ୬୦,୧୫,୮୪୨ ଜଣଙ୍କୁ ଟିକା ଦିଆଯାଇଛି ।
COVID19 | India reports 41,831 new cases, 541 deaths and 39,258 recoveries in the last 24 hours; Recovery Rate currently at 97.36% pic.twitter.com/67a2J7IW7g
— ANI (@ANI) August 1, 2021
କହିରଖୁ କି କରୋନା ସଂକ୍ରମଣ ମାମଲାରେ ସାରା ଦେଶରେ ସଂକ୍ରମଣ ହାର କମୁ୍ଥିବା ବେଳେ ପୁଣି ମହାରାଷ୍ଟ୍ର ଓ କେରଳରେ ଦୈନିକ ସଂକ୍ରମଣ ବୃଦ୍ଧି ପାଇବାରେ ଲାଗିଛି । ଏହାକୁ ନଜରରେ ରଖି କେନ୍ଦ୍ର ସରକାର ଏକ ସ୍ୱତନ୍ତ୍ର ଟିମ ପ୍ରସ୍ତୁତ କରିଛନ୍ତି । ସେମାନେ ଉତ୍ତରପୂର୍ବାଞ୍ଚଳ ରାଜ୍ୟ ଗସ୍ତ କରି ସଂକ୍ରମଣର କାରଣ ଓ ନିରାକରଣ ଉପରେ ଅନୁଧ୍ୟାନ କରୁଛନ୍ତି ।