ସାମନାକୁ ଆସିଲା ଜଣେ କରୋନା ଯୋଦ୍ଧାଙ୍କ ବୀରତ୍ୱର କାହାଣୀ । ଡ୍ୟୁଟିରେ ଯୋଗ ନଦେବା ପାଇଁ ଚାପ ପକାଇଥିଲେ ପରିବାର ସଦସ୍ୟ, ହେଲେ ରାଜଧର୍ମ ଆଗ ବୋଲି କହିଥିଲେ ହରିହର ଲେଙ୍କା । କରୋନାରେ ଆକ୍ରାନ୍ତ ହେବା ପରେ ଚାଲିଗଲା ଜୀବନ ।
କନକ ବ୍ୟୁରୋ: ହରିହର ଲେଙ୍କା । ଟ୍ରେନ ସୁପରିନ୍ଟେଣ୍ଡେଂଟ । ମେ ୧୨ ତାରିଖରେ ସରକାରଙ୍କ ପକ୍ଷରୁ ଡକରା ଆସିଲା କାମରେ ଯୋଗ ଦେବା ପାଇଁ । ଘରେ ସମସ୍ତେ ମନା କଲେ, କରୋନା ଆସିଛି, ଆକ୍ରାନ୍ତ ହେବାର ଆଶଙ୍କା ରହିଛି, ସମସ୍ତେ ଜିଦ୍ ଧରିଲେ ଚାକିରି ପଛେ ଛାଡିଦିଅ, ହେଲେ ଟ୍ରେନକୁ ଯାଅ ନାହିଁ । କିନ୍ତୁ ହରିହରଙ୍କ ଉତର ଏବେ ବି ସମସ୍ତଙ୍କ ମନେ ଅଛି । କହିଥିଲେ, ରାଜଧର୍ମ ଆଗ । ଅର୍ଥାତ୍ ଯେଉଁ କାମ ପାଇଁ କଥା ଦେଇଛନ୍ତି, ସେହି ଧର୍ମରକ୍ଷା ପ୍ରଥମ । ଏହା କହି କାମକୁ ବାହାରିଯାଇଥିଲେ ହରିହର ।
Kanak News is now on WhatsApp
Join and get latest news updates delivered to you via WhatsApp
ମେ ୧୫ ତାରିଖରେ ସ୍ୱତନ୍ତ୍ର ଟ୍ରେନରେ ଦିଲ୍ଲୀ ଗସ୍ତ କରିଥିଲେ ନିଜ ଦାୟିତ୍ୱ ସମ୍ପାଦନ କରିବା ପାଇଁ ହରିହର । କିନ୍ତୁ ଜୁନ ୧୫ ତାରିଖରେ ତାଙ୍କର ନମୁନା କରୋନା ପଜିଟିଭ୍ ବାହାରିଥିଲା । ଫଳରେ ସେ ସ୍ଥାନୀୟ ଅଶ୍ୱିନ ହସ୍ପିଟାଲରେ ଭର୍ତି ହୋଇଥିଲେ । କିନ୍ତୁ ଗତ ୨୧ ତାରିଖ ଦିନ ତାଙ୍କ ପରଲୋକ ହୋଇଥିଲା । ନିଜ କର୍ତବ୍ୟ ସଂପାଦନ କରିବା ଯାଇ ପ୍ରାଣ ହରାଇଛନ୍ତି ହରିହର ।
ପରିବାର ଉପରେ ସତେ ଯେମିତି ଦୁଃଖର ପାହାଡ ଛିଡିପଡିଛି । ବାପାଙ୍କ କରୋନା ମୃତ୍ୟୁ ପରେ ପରେ ମାଆ ଏବେ କରୋନା ଆକ୍ରାନ୍ତ । ଏବେ ପରିବାରର ଅନ୍ୟମାନଙ୍କ ନମୁନା ମଧ୍ୟ ପରୀକ୍ଷା ପାଇଁ ପଠାଯାଇଛି ।