କନକ ବ୍ୟୁରୋ: କରୋନା ବଦଳାଇଦେଲା ଜୀବନର ମୋଡ । ଦାଦନ ଶ୍ରମିକରୁ ପାଲଟିଗଲେ ଚାଷୀ । ପଡିଆ ପଡିଥିବା ଜମିକୁ କରିଛନ୍ତି ଶସ୍ୟ ଶାମଳା, ତାସହ କରିଛନ୍ତି କଡକନାଥ କୁକୁଡା ଚାଷ । ଯାହା ତାଙ୍କୁ ସ୍ୱାବଲମ୍ବୀ କରିବା ସହ ସ୍ତାନୀୟ ଅଞ୍ଚଳରେ ଯୁବ ଚାଷୀ ଭାବେ ପରିଚୟ ସୃଷ୍ଟି କରିପାରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗଞ୍ଜାମ ଜିଲ୍ଲା ଖଲ୍ଲିକୋଟ ବ୍ଲକ ମଥୁରା ପଞ୍ଚାୟତ ବି.ନୂଆପଲ୍ଲୀ ଗ୍ରାମର ଶ୍ରୀଧର ଦୀର୍ଘ ବର୍ଷ ସୁରତରେ ସୂତାକଳରେ କାମ କରୁଥିଲେ । ହେଲେ କରୋନା ସମୟରେ କାମ ବନ୍ଦ ହୋଇଯିବାରୁ ଗାଁକୁ ଫେରିଥିଲେ । ଏବେ ନିଜେ କିଛି କରିବେ ଭାବି ଦୁଇ ଏକର ଜମିରେ ପରିବା ଚାଷ ଆରମ୍ଭ କଲେ । ସେଠାରେ ଫୁଲ କୋବି, ବାଇଗଣ, ଧନିଆ ପତ୍ର, ଫୁଲ କୋବି, ଭେଣ୍ଡି ଭଳି ବିଭିନ୍ନ ପନିପରିବା ଚାଷ କରିଛନ୍ତି । ଏହାସହ ବିଲ ପାଖରେ ଏକ କୁକୁଡା ଫାର୍ମ ମଧ୍ୟ କରିଛନ୍ତି । ଏହି ଫାର୍ମରେ ପାଖାପାଖି ୩୦୦ କଡକନାଥ କୁକୁଡା ଅଛନ୍ତି । ସେ ସ୍ଥାନୀୟ ବଜାରରେ ପରିବା, କୁକୁଡା ଓ ଅଣ୍ଡା ବିକି ବେଶ୍ ଦୁଇ ପାଇସା ରୋଜଗାର କରିବା ସହ ସ୍ୱାବଲମ୍ବୀ ହୋଇପାରିଛନ୍ତି ।
ଏହି ଚାଷରୁ କେବଳ ଶୀଧର ସ୍ୱାବଲମ୍ବୀ ହୋଇ ନାହାନ୍ତି ବରଂ କିଛି ସ୍ଥାନୀୟ ଲୋକଙ୍କୁ ମଧ୍ୟ ରୋଜଗାର ପନ୍ଥା ଯୋଗାଇଛନ୍ତି । ତାଙ୍କ କ୍ଷେତରେ ଏବେ ୩ରୁ ୪ ଜଣ କାମ କରୁଛନ୍ତି । ଘର ପାଖରେ ରହି କାମ ମିଳୁଥିବାରୁ ସେମାନେ ମଧ୍ୟ ଖୁସି ଅଛନ୍ତି ।