କନକ ବ୍ୟୁରୋ : ଟ୍ରାଫିକ କର୍ମଚାରୀଙ୍କ ପାଇଁ ଖୁସି ଖବର । କାରଣ ଟ୍ରାଫିକ କର୍ମଚାରୀଙ୍କ ପାଇଁ ଆସିଲା କୁଲିଂ ଜ୍ୟାକେଟ । ଯାହା ଖରାରେ ଛିଡା ହୋଇ କାମ କରୁଥିବା ଟ୍ରାଫିକ କର୍ମଚାରୀଙ୍କ ପାଇଁ ବଡ ଆଶ୍ୱସ୍ତି ଆଣିଛି । କାରଣ ଏହି କୁଲିଂ ଜ୍ୟାକେଟ ପିନ୍ଧିବା ଦ୍ୱାରା ତାପମାତ୍ରା ୧୦ରୁ ୧୨ ଡିଗ୍ରୀ ପର୍ଯ୍ୟନ୍ତ କମିଯିବ । ଆଉ ଟ୍ରାଫିକ କର୍ମଚାରୀଙ୍କୁ ଏଭଳି କୁଲିଂ ଜ୍ୟାକେଟ ଯୋଗାଇ ଦେଇଛି ପୋଲିସ ବିଭାଗ । ଏହାବାଦ୍ ଟ୍ରାଫିକ କର୍ମଚାରୀଙ୍କୁ ପେଟ୍ରୋଲିଂ ପାଇଁ ୧୬ଟି ନୂଆ ବାଇକ ମଧ୍ୟ ଯୋଗାଇ ଦିଆଯାଇଛି । ଆଉ ଏଥିପାଇଁ ପୋଲିସ ବିଭାଗକୁ ଧନ୍ୟବାଦ ଦେଇଛନ୍ତି ଟ୍ରାଫିକ କର୍ମଚାରୀ ।
Kanak News is now on WhatsApp
Join and get latest news updates delivered to you via WhatsApp
ଟ୍ୱିନ ସିଟିରେ ଦିନକୁ ଦିନ ଟ୍ରାଫିକ ସମସ୍ୟା ବଢି ଚାଲିଥିବା ବେଳେ ଏହାର ସମାଧାନ ପାଇଁ ଅଣ୍ଟା ଭିଡିଛି କମିଶନରେଟ ପୋଲିସ । ଲୋକଙ୍କ ମଧ୍ୟରେ ସଡକ ସୁରକ୍ଷା ସଚେତନତା ସୃଷ୍ଟି କରିବାକୁ କମିଶନରେଟ ପୋଲିସ ପକ୍ଷରୁ ଟ୍ରାଫିକ ୱେବ ପୋର୍ଟାଲ ଲଞ୍ଚ ହୋଇଛି । ଏହି ପୋର୍ଟାଲରେ ସାଧାରଣ ଲୋକଙ୍କ ପାଇଁ ଟ୍ୱିନ୍ ସିଟିର ଟ୍ରାଫିକ ନିୟମ ଓ ସମସ୍ତ ତଥ୍ୟ ଉପଲବ୍ଧ ରହିବ । ଏପରିକି ଟ୍ରାଫିକ ସମ୍ବନ୍ଧୀୟ ଯେକୌଣସି ପ୍ରଶ୍ନର ଉତ୍ତର ମଧ୍ୟ ଏହି ୱେବ ପୋର୍ଟାଲରେ ଉପଲବ୍ଧ ରହିବ । ଆଜି ପୋଲିସ କମିଶନରଙ୍କ କାର୍ଯ୍ୟାଳୟରେ ଏହି ୱେବ ପୋର୍ଟାଲର ଉଦଘାଟନ କରିଛନ୍ତି ପୋଲିସ କମିଶନର ୱାଇ.ବି ଖୁରାନିଆ ।
ସାଧାରଣତଃ ଟ୍ୱିନସିଟିର ଅଧିକାଂଶ ଲୋକ ଟ୍ରାଫିକ ନିୟମ ବାବଦରେ ଅଜ୍ଞ । ଯାହାଦ୍ୱାରା ଅନେକ ସମୟରେ ଟ୍ରାଫିକ ସମସ୍ୟାର ସମ୍ମୁଖୀନ ହୋଇଥାନ୍ତି ଟ୍ୱିନସିଟିବାସୀ । ତେଣୁ ଟ୍ରାଫିକ ନିୟମ ବିଷୟରେ ଲୋକମାନଙ୍କୁ ଅବଗତ କରିବା ପାଇଁ ଏହି ୱେବ ପୋର୍ଟାଲ ଲଞ୍ଚ କରାଯାଇଛି । ଏପରିକି ଲୋକମାନଙ୍କୁ ଟ୍ରାଫିକ ନିୟମ ନେଇ ସଚେତନ କରିବାକୁ ଏକ କୁଇଜ ପ୍ରତିଯୋଗିତା ମଧ୍ୟ ଆରମ୍ଭ କରାଯାଇଛି । ଚାରୋଟି ପର୍ଯ୍ୟାୟରେ ହେବାକୁ ଥିବା ଏହି ପ୍ରତିଯୋଗିତାରେ ୧୦ଟି ଲେଖାଏଁ ପ୍ରଶ୍ନ ପଚରାଯିବ । ପ୍ରତ୍ୟେକ ପର୍ଯ୍ୟାୟରେ ୧୦ଟିରୁ ୪ଟି ଉତ୍ତର ଠିକ୍ ଦେଲେ ପରବର୍ତ୍ତୀ ପର୍ଯ୍ୟାୟକୁ ଯାଇପାରିବେ ପ୍ରତିଯୋଗୀ । ପ୍ରତିଦିନ ଠିକ୍ ଉତ୍ତର ଦେଇଥିବା ପ୍ରତିଯୋଗୀଙ୍କ ମଧ୍ୟରୁ ୫ ଜଣଙ୍କୁ ବଛାଯିବ । ଯେଉଁମାନଙ୍କୁ ପରବର୍ତ୍ତୀ ପଯ୍ୟାୟରେ ପୁରସ୍କୃତ ମଧ୍ୟ କରାଯିବ । ଏହି ୱେବ ପୋର୍ଟାଲ ମାଧ୍ୟମରେ ନିଜର ପ୍ରତିକ୍ରିୟା ମଧ୍ୟ ରଖିପାରିବେ ।