ନୂଆ କୃଷିବିଲ୍ କୁ ନେଇ ମତ ରଖିଲେ ପ୍ରଧାନମନ୍ତ୍ରୀ । କହିଲେ ବ୍ୟବସାୟରେ ସୀମିତ ନ ରହୁ କଣ୍ଟାକ୍ଟ ଫାର୍ମିଂ
ବ୍ୟବସାୟରେ ସୀମିତ ନ ରହୁ କଣ୍ଟାକ୍ଟ ଫାର୍ମିଂ : ମୋଦି
କନକ ବ୍ୟୁରୋ : ନୂତନ କୃଷିବିଲ୍ କୁ ବିରୋଧ କରି ଗୋଟିଏ ପଟେ ୩ ମାସରୁ ଉର୍ଦ୍ଧ ହେବ କୃଷକ ମାନେ ଆନ୍ଦୋଳନ ଚଳାଇଥିବା ବେଳେ ଏନେଇ ଏକ ଅନଲାଇନ୍ କାର୍ଯ୍ୟକ୍ରମରେ ମତ ରଖିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେ କହିଛନ୍ତି କି ଦେଶରେ କୃଷିକ୍ଷେତ୍ର ଓ କୃଷକଙ୍କ ବିକାଶ ପାଇଁ କେନ୍ଦ୍ର ସରକାରଙ୍କ ଉଦ୍ୟମ ଅବ୍ୟାହତ ରହିଛି । କୃଷକ ମାନେ କିଭଳି ସେମାନଙ୍କର ଉତ୍ପାଦନ ବୃଦ୍ଧି କରିବେ ଓ ସେସବୁ କୁ ଠିକରେ ପ୍ରକିୟାକରଣ କରିବା ସହ ମୂଲ୍ୟଯୁକ୍ତ ଉତ୍ପାଦ ପ୍ରସ୍ତୁତି କରିବେ ତାହା ଉପରେ ଗୁରୁତ୍ୱ ଦେବାର ସମୟ ଆସିଛି ବୋଲି ପ୍ରଧାନମନ୍ତ୍ରୀ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ ପୂର୍ବ ସରକାରଙ୍କୁ ଟାର୍ଗେଟ୍ କରି କହିଛନ୍ତି କି ଏହି ବ୍ୟବସ୍ଥା ଯଦି ୨/୩ ଦଶକ ପୂର୍ବରୁ ଆରମ୍ଭ କରାଯାଇପାରିଥାନ୍ତା ତେବେ କୃଷକ ମାନେ ଆଜି ଆତ୍ମହତ୍ୟା କରିବା ଭଳି ପନ୍ଥା ଅପଣାଉ ନଥାନ୍ତେ । ଋଣ, ବିହନ, ସାର ଓ କୀଟନାଶକ ଆଜି ବଜାର କୃଷକ ମାନଙ୍କର ପ୍ରାଥମିକ ଆବଶ୍ୟକତା । ଏନେଇ ସେମାନଙ୍କ ପାଖରେ ଆର୍ଥିକ ସହାୟତା ଠିକ୍ ସମୟରେ ପହଂଚାଇବା ହେଉଛି ଗୁରୁତ୍ୱପୂର୍ଣ୍ଣ ।
आज ये समय की मांग है कि देश के किसान की उपज को बाज़ार में ज़्यादा से ज़्यादा विकल्प मिलें। सिर्फ उपज तक किसानों को सीमित रखने का नुकसान देश देख रहा है। हमें देश के कृषि क्षेत्र का प्रोसेस्ड फूड के वैश्विक मार्केट में विस्तार करना ही होगा: प्रधानमंत्री pic.twitter.com/Z1yIH3AO0J
— ANI_HindiNews (@AHindinews) March 1, 2021
ଅନ୍ୟପଟେ କଣ୍ଟାକ୍ଟ ଫାର୍ମିଂ ଉପରେ ବି ମତ ରଖିଛନ୍ତି ପ୍ରଧାନମନ୍ତ୍ରୀ । ସେ କହିଛନ୍ତି କି ଦେଶରେ ବହୁବର୍ଷ ଆଗରୁ କଣ୍ଟାକ୍ଟ ଫାର୍ମିଂ ଆରମ୍ଭ ହୋଇଛି । ହେଲେ ଏହା କେବଳ ବ୍ୟବସାୟରେ ସୀମିତ ରହିବା ଉଚିତ ନୁହେଁ ବୋଲି ସେ କହିଛନ୍ତି । କଣ୍ଟାକ୍ଟ ଫାର୍ମିଂ ବେଳେ ଉଭୟ ଠିକା କମ୍ପାନୀ ଓ ଚାଷୀ ମାନେ ଚାଷ ଜମି ପ୍ରତି ସଚେତନ ରହିବାକୁ ସେ ପରାମର୍ଶ ଦେଇଛନ୍ତି ।
ଏହାସହ କୃଷିକ୍ଷେତ୍ରରେ ସରକାରୀ ସଂସ୍ଥା ଗୁଡିକ ବହୁବିଧ ଗବେଷଣା ଜାରି ରଖିଛନ୍ତି । ହେଲେ ଏବେ ଏସବୁ ଗୁଡିକରେ ଘରୋଇ ସେକ୍ଟର ଗୁଡିକ କାର୍ଯ୍ୟ କରିବାକୁ ଆଗେଇ ଆସିବାକୁ ସେ ଆହ୍ୱାନ ଦେଇଛନ୍ତି । ଫଳରେ ଦେଶରେ କୃଷକ ମାନଙ୍କର ଉତ୍ପାଦ ବୃଦ୍ଧି ସହିତ କୃଷକ ମାନଙ୍କର ଆର୍ଥିକ ବିକାଶ ହୋଇପାରିବ ବୋଲି ପ୍ରଧାନମନ୍ତ୍ରୀ ମତ ଦେଇଛନ୍ତି ।