ଗାଜିଆବାଦ ଭିଡିଓ ମାମଲା । ସ୍ୱରା ଭାସ୍କର ଓ ଟ୍ୱିଟ୍ ଇଣ୍ଡିଆ ଅଧିକାରୀଙ୍କ ବିରୋଧରେ ଅଭିଯୋଗ
କନକ ବ୍ୟୁରୋ : ଗାଜିଆବାଦର ଏକ ବିବାଦୀୟ ଭିଡିଓ ଟ୍ୱିଟ କରିଥିବା ଅଭିଯୋଗରେ ଚଳଚିତ୍ର ଅଭିନେତ୍ରୀ ସ୍ୱରା ଭାସ୍କର, ସାମ୍ବାଦିକ ଆରଫା ଖାନମ ସେରବାନୀ, ଆସିଫ୍ ଖାନ ଓ ଟ୍ୱିଟର ଇଣ୍ଡିଆର ଅଧିକାରୀ ମନୀଷ ମାହେଶ୍ୱରୀଙ୍କ ବିରୋଧରେ ଥାନାରେ ଅଭିଯୋଗ ହୋଇଛି । ଓଳିଲ ଅମିତ ଆଚାର୍ଯ୍ୟ ଦିଲ୍ଲୀର ତିଲକ ମାର୍ଗ ଥାନାରେ ଅଭିଯୋଗ ଦାଖଲ କରିଛନ୍ତି । ଏନେଇ ଏଫଆଇଆର ଗ୍ରହଣ ହୋଇନଥିବା ବେଳେ ଦିଲ୍ଲୀ ପୋଲିସ ପ୍ରାଥମିକ ତଦନ୍ତ ଆରମ୍ଭ କରିଛି ।
ଏହାପୂର୍ବରୁ ଉତ୍ତରପ୍ରଦେଶ ପୋଲିସ ସୋସିଆଲ ମିଡିଆରେ ଏକ ଭିଡିଓ ପ୍ରଚାର ଅଭିଯୋଗରେ ମାଇକ୍ରୋବ୍ଲଗିଂ ସାଇଟ୍ ଟ୍ୱିଟର,ଏକ ସମାଚାର ପୋର୍ଟାଲ ୬ ଜଣ ଲୋକଙ୍କ ବିରୋଧରେ ମାମଲା ରୁଜୁ କରିଥିଲା । ଏହି ଭିଡିଓରେ ଜଣେ ବୟସ୍କ ମୁସଲିମ ଗାଜିଆବାଦର କିିଛି ଲୋକ ତାଙ୍କ ଉପରେ ଆକ୍ରମଣ କରିଥିବା ନେଇ କିଛି କହୁଥିବା ଦେଖିବାକୁ ମଳିଥିଲା । ପୋଲିସ କହିଛି କି, ସାଂପ୍ରଦାୟିକ ହିଂସାକୁ ଉସକାଇବାକୁ ଏଭଳି ଭିଡିଓ ଭାଇରାଲ କରାଯାଇଛି । ଗାଜିଆବାଦର ଲୀନ ସୀମା ଥାନାରେ ଏକ ସ୍ଥାନୀୟ ପୋଲିସକର୍ମୀ ଅଭିଯୋଗ ଦାଖଲ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
Delhi Police say they’ve received complaint against actor Swara Bhaskar, Twitter India MD Manish Maheshwari & others at Police Station Tilak Marg, in connection with incident in Loni (Ghaziabad) where a man was thrashed & his beard was chopped off. “It is under inquiry,” they say
— ANI (@ANI) June 17, 2021
ଏହି ଅଭିଯୋଗ ଆଧାରରେ ପୋଲିସ ମଙ୍ଗଳବାର ରାତି ୧୧.୩୦ ରେ ପ୍ରାଥମିକ ଅଭିଯୋଗ ଗ୍ରହଣ କରିଥିଲା । ଏଥିରେ ଅଭିଯୋଗ କରାଯାଇଥିଲା କି ଏଭଳି ଭିଡିଓ ସାଂପ୍ରଦାୟିକ ହିଂସା ଉସକାଇବା ଉର୍ଦ୍ଦେଶ୍ୟରେ ପ୍ରଚାର କରାଯାଇଥିଲା । ଏଭଳି ଭିଡିଓ ପ୍ରଶାରିତ ହେବାକୁ ଅନୁମତି ଦେଇଥିବା ଅପରାଧରେ ଟ୍ୱିଟର ଇଙ୍କ୍,ଟ୍ୱିଟର କମ୍ୟୁନିକେସନ ଇଣ୍ଡିଆ,ସମାଚାର ୱେବସାଇଟ୍ ‘ଦି ବାୟର’, ପତ୍ରକାର ମହମ୍ମଦ ଜୁବେର ଓ ରାଣା ଆୟୁବ, କଂଗ୍ରେସ ନେତା ସଲମାନ ନୀଜାମୀ, ମସକ୍ୟୁ ଓସ୍ମାନୀ, ଡ.ଶାମା ମହମ୍ମଦ ଓ ଲେଖିକା ସବା ନକବୀଙ୍କ ବିରୋଧରେ ପ୍ରାଥମିକ ଅଭିଯୋଗ ଦାଖଲ ହୋଇଛି । ପ୍ରାଥମିକ ତଦନ୍ତ ପରେ କୁହାଯାଇଛି କି, ଏହି ଲୋକମାନେ ଭିଡିଓରେ ସଠିକ୍ ତଥ୍ୟ ନଦେଇ ସର୍ବ ସାଧାରଣ ଭିତରେ ଧାର୍ମିକ ସମୁହ ମଧ୍ୟରେ ବିଭାଜନ କରିବା ଉର୍ଦ୍ଦେଶ୍ୟରେ ପବ୍ଲିସ କରାଯାଇଥିଲା ।