କନକ ବ୍ୟୁରୋ : ଦେଶରେ ଏବେ ମନ୍ଦିର ଓ ମସଜିଦକୁ ନେଇ ବିବାଦ ଜୋର ଧରିଛି । ଏହି କ୍ରମରେ ଉତ୍ତର ପ୍ରଦେଶ ସରକାର ରାଜ୍ୟ ଶିକ୍ଷା ବିଭାଗକୁ ଏକ ବଡ ନିର୍ଦ୍ଦେଶ ଦେଇଛନ୍ତି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହିଛନ୍ତି କି ରାଜ୍ୟର ଧର୍ମସ୍ଥଳୀଗୁଡିକରୁ ଓହ୍ଲାଇ ଦିଆଯାଇଥିବା ଲାଉଡସ୍ପିକରଗୁଡିକୁ ସ୍କୁଲରେ ଲଗାଯାଉ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଏବେ ଯଦି କୌଣସି ଧର୍ମସ୍ଥଳୀରେ ଲାଉଡସ୍ପିକର ଶବ୍ଦକୁ ନେଇ କିଛି ଅଭିଯୋଗ ଆସେ ତେବେ ସ୍ଥାନୀୟ ପୋଲିସ ଓ ଉପଜିଲ୍ଲାପାଳଙ୍କ ଉପରେ କଡା କାର୍ଯ୍ୟାନୁଷ୍ଠାନ ନେବାକୁ ମୁଖ୍ୟମନ୍ତ୍ରୀ ଚେତାବନୀ ଦେଇଛନ୍ତି ।
କେବଳ ସେତିକି ନୁହେଁ ରାଜ୍ୟର ଅବୈଧ ଭାବେ କରାଯାଇଥିବା ଗାଡି ଷ୍ଟାଣ୍ଡଗୁଡିକୁ ବି ତୁରନ୍ତ ହଟାଇବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ଏନେଇ ସେ କହିଛନ୍ତି କି, ଏଭଳି ଗାଡି ଷ୍ଟାଣ୍ଡଗୁଡିକୁ ୪୮ ଘଂଟା ମଧ୍ୟରେ ଉଠାଇ ଦିଆନଗଲେ ବିଭାଗୀୟ ଅଧିକାରୀଙ୍କ ଉପରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଏହାସହ ତୁରନ୍ତ ରାଜ୍ୟରେ ସ୍ଥାୟୀ ଓ ବୈଧ ଗାଡି ଷ୍ଟାଣ୍ଡ ନିର୍ମାଣ ପାଇଁ ସ୍ଥାନ ଚିହ୍ନଟ କରିବାକୁ ସେ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି ।
ସେପଟେ ସଡକ ସୁରକ୍ଷା ଓ ଯାତାୟତ ନିୟମ ଉପରେ ବି କଠୋର ହୋଇଛନ୍ତି ଯୋଗୀ ସରକାର । ସେ କହିଛନ୍ତି କି ସ୍କୁଲ ଓ ବିଶ୍ୱ ବିଦ୍ୟାଳୟ ମାନଙ୍କରେ ପିଲାମାନଙ୍କୁ ଯାତାୟତ ନିୟମ ଓ ସଡକ ସୁରକ୍ଷା ନେଇ ସ୍ୱତନ୍ତ୍ର ପ୍ରଶିକ୍ଷଣ ଦିଆଯିବ ।