କନକ ନ୍ୟୁଜର ମହାପ୍ରଭାବ: ସ୍ୱାଭିମାନ ଅଂଚଳ ପାଇଖାନା ମହାଦୁର୍ନୀତି ଘଟଣାରେ ସରକାରଙ୍କ କାର୍ଯ୍ୟାନୁଷ୍ଠାନ । ଚିତ୍ରକୋଣ୍ଡା ବିଡ଼ିଓ ଲରିମନ ଖର୍ସେଲ ନିଲମ୍ବିତ ।
କନକ ବ୍ୟୁରୋ: ନିଲମ୍ବିତ ହେଲେ ଚିତ୍ରକୋଣ୍ଡା ବିଡିଓ । କନକ ନ୍ୟୁଜର ମହା ପ୍ରଭାବ । ସ୍ୱାଭିମାନ ଅଂଚଳରେ ପାଇଖାନାର ମହା ଦୁର୍ନୀତି ନେଇ ବିଡିଓଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ରାଜ୍ୟ ସରକାର । ବିଳମ୍ବରେ ହେଉ ପଛେ ଚିତ୍ରକୋଣ୍ଡା ଲରିମନ୍ ଖର୍ସେଲଙ୍କୁ କାର୍ଯ୍ୟରୁ ନିଲମ୍ବନ ନେଇ ବିଜ୍ଞପ୍ତି ପ୍ରକାଶ କରିଛି ରାଜ୍ୟ ପଂଚାୟତରାଜ ବିଭାଗ । ସ୍ୱାଭିମାନ ଅଂଚଳରେ ପାଇଖାନା ନିର୍ମାଣ କାମରେ ମହାଦୁର୍ନିତୀ ହୋଇଥିବା ନେଇ ବାରମ୍ବାର ଖବର ପ୍ରସାରଣ କରି ଆସୁଥିଲା କନକ ନ୍ୟୁଜ ।
Kanak News is now on WhatsApp
Join and get latest news updates delivered to you via WhatsApp
ସ୍ୱାଭିମାନ ଅଂଚଳରେ ହଜାର ହଜାର ପାଇଖାନା କେବଳ କାଗଜ କଲମରେ ସାରି କୋଟି କୋଟି ଟଙ୍କା ଲୁଟ ହୋଇଥିବା ଆମେ ଦେଖାଇଥିଲୁ । ଏଥିସହ ସରକାରୀ କଳ ଏବଂ ପଦ ପଦବୀର ଅପବ୍ୟବହାର କରି ସ୍ୱାଭିମାନ ଅଂଚଳ ଓ ନିଜ ସରକାରୀ ବାସ ଭବନରେ ବିଡିଓ ଆଲବମ୍ ସୁଟିଂ କୁ ନେଇ ବିବାଦୀୟ ହୋଇପଡିଥିଲେ ବିଡିଓ । ଶେଷରେ ପାଇଖାନା ମହା ଦୁର୍ନିତୀରେ ବିଡିଓ ଲରିମନ ଖର୍ସେଲଙ୍କ ସିଧାସଳଖ ସଂପୃକ୍ତି ପ୍ରମାଣିତ ହେବା ପରେ କାର୍ଯ୍ୟରୁ ନିଲମ୍ବିତ ହୋଇଛନ୍ତି ।