ଚେନ୍ନାଇରେ ପହଞ୍ଚିଲେ ଚୀନ ରାଷ୍ଟ୍ରପତି ଜିନପିଙ୍ଗ। ଏୟାରପୋର୍ଟରେ ପାରମ୍ପରିକ ନାଚ, ଗୀତ ସହ ଜିନପିଙ୍ଗଙ୍କୁ ଭବ୍ୟ ସ୍ୱାଗତ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ହେବ ଅନଔପଚାରିକ ସାକ୍ଷାତ
କନକ ବ୍ୟୁରୋ: ଏକାଠି ହେବେ ଦୁଇ ମହାଶକ୍ତିି । ଚେନ୍ନାଇ ବିମାନବନ୍ଦରରେ ପହଂଚିଛନ୍ତି ଚୀନ ରାଷ୍ଟ୍ରପତି ସି ଜିନପିଙ୍ଗ । ତାମିଲନାଡୁ ମହାବଳୀପୁରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିବେ ଜିନପିଙ୍ଗ । ମହାବଳିପୁରମରେ ଉଭୟଙ୍କ ମଧ୍ୟରେ ଦ୍ୱିତୀୟ ଅନୈାପଚାରିକ ଆଲୋଚନା ହେବେ । ଏହାସହ କିଛି ଐତିହାସିକ ସ୍ଥାନ ପରିଦର୍ଶନ କରିବେ । ୨୪ ଘଂଟା ରହଣୀ ମଧ୍ୟରେ ୭ ଘଂଟା ସମୟ ମୋଦିଙ୍କ ସହ ଅତିବାହିତ କରିବେ ଜିନପିଙ୍ଗ । ସମୁଦ୍ର କୂଳରେ ଥିବା ମନ୍ଦିରର ସହର ମହାବଳୀପୁରମ ଚେନ୍ନାଇଠାରୁ ୬୦ କିଲୋମିଟର ଦୂରରେ ରହିଛି । ଏଠାରେ ଅନେକ ପ୍ରାଚୀନ ମନ୍ଦିର ରହିଛି । ଆଉ ଏହି ମନ୍ଦିରଗୁଡିକ ସହ ଚୀନର ବହୁ ପୁରୁଣା ସମ୍ପର୍କ ଥିବା ବିଶ୍ୱାସ କରାଯାଏ ।
Kanak News is now on WhatsApp
Join and get latest news updates delivered to you via WhatsApp
ଗୁରୁତ୍ୱପୂର୍ଣ୍ଣ କଥା ହେଲା, ମହାବଳୀପୁରମର ଶାସକ ତିବତର ସୁରକ୍ଷା ପାଇଁ ଚୀନ ସହ ବୁଝାମଣା କରିଥିଲେ ଏବଂ ମୋଦି ଆଜି ସେହି ଇତିହାସକୁ ଦୋହରାଇବେ । ମହାବଳୀପୁରମକୁ ପଲ୍ଲବ ରାଜା ନରସିଂହ ଦେବ ବର୍ମନ ତିଆରି କରିଥିଲେ । ସେ ଏଠାରେ ଅନେକ ମନ୍ଦିର ତିଆରି କରିଥିଲେ । ମନ୍ଦିର ଗୁଡିକ ଶୈବ ପରମ୍ପରା ଉପରେ ଆଧାରିତ ହୋଇଛି । ଏଏସଆଇର ଖନନ ବେଳେ ଏଠାରେ ଚୀନ ଓ ରୋମର ମୁଦ୍ରା ମିଳିଛି । ତେଣୁ ବିଶ୍ୱାସ କରାଯାଉଛି, ଚୀନ ସହିତ ମହାବଳୀପୁରମର ବ୍ୟବସାୟିକ ସମ୍ପର୍କ ରହିଥିଲା । ମହାବଳୀପୁରମରେ ମହାଭାରତର ଅନେକ କଳାକୃତି ରହିଛି । ଅନେକ ଗୁମ୍ଫା ବି ଏଠାରେ ନିର୍ମାଣ କରାଯାଇଥିଲା । ଚୀନ ପରିବ୍ରାଜକ ହୁଏନଂସା ବି ମହାବଳୀପୁରମ ପରିଦର୍ଶନ କରିଥିଲେ । ଏଠାକାର ସଂସ୍କୃତି ସମ୍ପର୍କରେ ଅବଗତ କରାଇବେ ମୋଦି ।
Tamil Nadu: Chinese President Xi Jinping arrives in Chennai, received by Governor Banwarilal Purohit. The second informal summit between Prime Minister Narendra Modi and President Xi will begin in Mahabalipuram today. pic.twitter.com/rkhJ8ISy6E
— ANI (@ANI) October 11, 2019
ଚୀନ ରାଷ୍ଟପତି ଚେନ୍ନାଇରେ ପହଂଚିଛନ୍ତି । ଏହାପରେ ସେ ସିଧା ମହାବଳୀପୁରମ ଯିବେ । ଏଠାରେ ଅପରାହ୍ନ ୫ଟାରେ ପ୍ରସିଦ୍ଧ ଅର୍ଜୁନ ତପସ୍ୟାସ୍ଥଳ, ପଂଚରଥ ଓ ସୋରେ ମନ୍ଦିର ଯିବେ । ଏହି ୩ ଐତିହ୍ୟସ୍ଥଳ ମହାବଳୀପୁରମର ପ୍ରସିଦ୍ଧ ସ୍ଥାନ ମଧ୍ୟରେ ସ୍ଥାନ ପାଇଛି । ଅନେକ ଇତିହାସର ମୁକସାକ୍ଷୀ ହୋଇଛି ଏହି ୩ସ୍ଥାନ । ସୋରେ ମନ୍ଦିରରେ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯାଇଛି । ମହାବଳୀପୁରମର ୩୫ଟି ସ୍ଥାନରେ ସାଂସ୍କୃତିକ କାର୍ଯ୍ୟକ୍ରମ ହେବ । ଏଥିପାଇଁ ୧୦ ହଜାର ସୁରକ୍ଷା କର୍ମୀ ମୁତୟନ ହୋଇଛି । ଅର୍ଜୁନ ତପସ୍ୟାସ୍ଥଳରେ ମହାଭାରତର କଥାବସ୍ତୁ ବର୍ଣ୍ଣନା କରାଯାଇଛି । ଏଠାରେ ଅର୍ଜୁନ କିଭଳି ତପସ୍ୟାରତ ଥିଲେ ତାହା ଦର୍ଶାଯାଇଛି । ସୋରେ ମନ୍ଦିର ଅଷ୍ଟମ ଶତାଦ୍ଦୀରେ ନିର୍ମାଣ କରାଯାଇଥିଲା । ଗ୍ରାନାଇଟିରେ ନିର୍ମିତ ଏହି ମନ୍ଦିର ମହାବଳୀପୁରମ ଇତିହାସର ମୂକସାକ୍ଷୀ ହୋଇ ରହିଛି । ଏହା ଦକ୍ଷିଣ ଭାରତର ପୁରୁଣା ମନ୍ଦିର ମଧ୍ୟରେ ଅନ୍ୟତମ ଓ ଏଥିରେ ଦ୍ରାବିଡଙ୍କ ସଂସ୍କୃତି ଏବଂ ପରମ୍ପରା ସ୍ଥାନ ପାଇଛି । ମହାବଳିପୁରମର ପଂଚରଥ ବି ପଲ୍ଲବ ରାଜତ୍ୱ ସମୟରେ ତିଆରି ହୋଇଥିଲା ।ବଙ୍ଗୋପସାଗର କୂଳରେ ଥିବା ଏହି ପଂଚରଥକୁ ପାଣ୍ଡବଙ୍କ ରଥ ବୋଲି ବି କୁହାଯାଏ ।
#WATCH Tamil Nadu: Chinese President Xi Jinping welcomed by folk dancers and musicians, upon his arrival at Chennai airport pic.twitter.com/HB37PVAyh9
— ANI (@ANI) October 11, 2019
ତେବେ ଉଭୟ ନେତାଙ୍କ ମଧ୍ୟରେ ଆତଙ୍କବାଦ, ଅନ୍ତର୍ଜାତୀୟ ପ୍ରସଙ୍ଗ, ବ୍ୟବସାୟ, ଆତଙ୍କବାଦ, ସୀମା ବିବାଦ, ଜାତିସଂଘ ଓ ବିଭିନ୍ନ ଆଂଚଳିକ ପ୍ରସଙ୍ଗରେ ଆଲୋଚନା ହେବ । ଧାରା ୩୭୦ ହଟିବା ପରେ ଦୁଇ ମହାଶକ୍ତିର ଏହା ହେବ ପ୍ରଥମ ସାକ୍ଷାତ । କାଶ୍ମୀର ପ୍ରସଙ୍ଗରେ ଚୀନ ନିଜର ଆଭିମୁଖ୍ୟ ସ୍ପଷ୍ଟ କରିସାରିଛି । ଏହା ଦୁଇଦେଶ୍ର ଦ୍ୱିପାକ୍ଷିକ ପ୍ରସଙ୍ଗ ବୋଲି କହିଛି ବେଜିଂ । ବିଶେଷକରି ଆତଙ୍କବାଦ ଓ ବ୍ୟବସାୟ ଉପରେ ଦୁଇଦେଶ ଅଧିକ ଫୋକସ କରିପାରନ୍ତି ।