କନକ ବ୍ୟୁରୋ : ଚୀନର ବିସ୍ତାରବାଦୀ ନୀତିକୁ ନେଇ ଏବେ ଚିନ୍ତାରେ ବିଶ୍ୱ । ଋଣ ନ ଶୁଝିବା କାରଣରୁ ବିଦେଶ ସମ୍ପତ୍ତି ହାସଲ କରିବା ମାମଲାରେ ଚୀନ ପୁଣି ଆଉ ଏକପାଦ ଆଗକୁ ବଢିଛି । କୁହାଯାଉଛି କି ଚୀନ ଉଗାଣ୍ଡାର ଏକମାତ୍ର ବିମାନ ବନ୍ଦର ଏଣ୍ଟେବେ ଓ ପୂର୍ବ ଆଫ୍ରିକାର କିଛି ସମ୍ପତ୍ତି ଦଖଲ କରିନେଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି କ୍ରମରେ ଉଗାଣ୍ଡାର ରାଷ୍ଟ୍ରପତି ୟୁବେରୀ ମୁସେଭେନି ଚୀନ ସରକାରଙ୍କ ସହ ପୁଣିଥରେ ଆଲୋଚନା କରିବାକୁ ଏକ ପ୍ରତିନିଧିମଣ୍ଡଳ ବେଜିଂ ପଠାଇଛନ୍ତି । ଅନ୍ୟପଟେ ଏଣ୍ଟେବେ ଅର୍ନ୍ତରାଷ୍ଟ୍ରୀୟ ବିମାନ ବନ୍ଦରର ବିସ୍ତାର ପାଇଁ ଚୀନର ଏକ୍ସିମ ବ୍ୟାଙ୍କ ଠାରୁ ୨୦ କୋଟି ୭୦ ଲକ୍ଷ ଡଲାର ଋଣ ନେବାକୁ ଏକ ଚୁକ୍ତି ସ୍ୱାକ୍ଷର କରିଥିଲେ ଉଗାଣ୍ଡା ରାଷ୍ଟ୍ରପତି । ହେଲେ ଏହାକୁ ନେଇ ଆଫ୍ରିକାର ଏକ ସମାଚାର ପୋର୍ଟାଲର ଖବର ମୁତାବକ ଋଣର ପରିପକ୍ୱତା ଅବଧି ୨୦ ବର୍ଷ ଓ ଏହାସହ ଏହି ଋଣ ସୁଝିବାକୁ ବ୍ୟାଙ୍କ ୭ ବର୍ଷ ରିହାତି ସମୟ ଦେଇଥାଲ । ହେଲେ ଏବେର ଚୁକ୍ତିକୁ ନଜର କଲେ ଉଗାଣ୍ଡାର ରାଷ୍ଟ୍ରପତି ଦେଶର ଏକମାତ୍ର ଅର୍ନ୍ତରାଷ୍ଟ୍ରୀୟ ବିମାନ ବନ୍ଦରକୁ ଚୀନ ହାତରେ ଟେକି ଦେଇଛନ୍ତି ।
କହିରଖୁ କି କିଛି ଆଫ୍ରିକୀୟ ଦେଶ ତୁରନ୍ତ ଋଣ ପାଇବା ଲକ୍ଷ୍ୟରେ ଠିକ୍ ଯାଂଚ କରିବା ବିନା ଚୁକ୍ତିରେ ସ୍ୱାକ୍ଷର କରି ଋଣ ନେଉଛନ୍ତି । ଏହାପରେ ଋଣ ଶୁଝିବାରେ ବିଫଳ ହେବା ପରେ ଚୀନ ପ୍ରତ୍ୟେକ୍ଷ ନିୟନ୍ତ୍ରଣ ମାଧ୍ୟମରେ ସେମାନଙ୍କର ରାଷ୍ଟ୍ରୀୟ ସମ୍ପତ୍ତି ଜବତ କରିବାରେ ଲାଗିଛି ।