ଚୀନ ମାନିଲା ସତ ! ଡ୍ରାଗନ ସେନା ମୁଖ୍ୟ କହିଲେ ଡୋକଲାମକୁ ନେଇ ଅଯଥାରେ ବିବାଦ ହୋଇଥିଲା
କନକ ବ୍ୟୁରୋ : ସତ ମାନିଲେ ଚୀନ ସେନା ମୁଖ୍ୟ । ପିପୁଲସ ଲିବରେସନ ଆର୍ମିର ମେଜର ଜେନେରାଲ କ୍ୱିଆଓ ଲିଆଙ୍ଗ କହିଛନ୍ତି ଡୋକଲାମରେ ରାସ୍ତା ନିର୍ମାଣକୁ ନେଇ ଯେଉଁ ବିବାଦ ଦେଖାଦେଇଥିଲା ତାହା ଉଚିତ୍ ନଥିଲା, ଅଯଥାରେ ବିବାଦ ସୃଷ୍ଟି ହୋଇଥିଲା । ଲିଆଙ୍ଗ କହିଛନ୍ତି ଡୋକଲାମରେ ଚୀନ ରାସ୍ତା ନିର୍ମାଣ ପାଇଁ ସେହି ସମୟ ଉପଯୁକ୍ତ ସମୟ ନଥିଲା । ଏହା ସହ ଭାରତୀୟ ସେନା ବିରୋଧୀ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ଚୀନର ସରକାରୀ ଗଣମାଧ୍ୟମ ଯେଉଁଭଳି ଭାବେ ଉତ୍ତେଜନା ପୂର୍ଣ୍ଣ ଲେଖା ପ୍ରକାଶ କରୁଥିଲା ତାହା ଅତ୍ୟନ୍ତ ଦାୟିତ୍ୱହୀନ ବୋଲି ସେ ଏକ ଆଲେଖ୍ୟରେ ଦର୍ଶାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
୭୨ ଦିନର ଉତ୍ତେଜନା ପରେ ଉଭୟ ରାଷ୍ଟ୍ର ଅତ୍ୟନ୍ତ ସଞ୍ଜମତାରେ ସହ ମାମଲାର ସମାଧାନ କରିଥିବାରୁ ସେ ଏହାକୁ ସ୍ୱାଗତ କରିଛନ୍ତି । ଆପୋସ ବୁଝାମଣା ହିଁ ଶ୍ରେଷ୍ଠ ସମାଧାନ ପନ୍ଥା ବୋଲି ସେ ଏଥିରେ ଲେଖିଛନ୍ତି । ବିବାଦ ସମୟରେ ଚୀନର ସରକାରୀ ଗଣମାଧର ବୟାନ ଯୁଦ୍ଧ ସ୍ଥିତି ସୃଷ୍ଟି କରିଥିଲା । କିନ୍ତୁ ଚୀନ ସେନାର ଆଭିମୁଖ୍ୟ ଭିନ୍ନ ଥିଲା ବୋଲି ସେ କହିଛନ୍ତି । ତେବେ ସଠିକ ସମୟରେ କାର୍ଯ୍ୟ ସମ୍ପାଦନ ହିଁ ସଠିକ ନିଷ୍ପତି ବୋଲି ଲିଆଙ୍ଗ କହିଛନ୍ତି ।