ବ୍ରହ୍ମପୁତ୍ର ନଦୀ ଉପରେ ଚୀନର ନଜର । ବ୍ରହ୍ମପୁତ୍ର ନଦୀ ଜଳକୁ ନେଇ ଷଡ଼ଯନ୍ତ୍ର ରଚିପାରେ ଚୀନ୍

କନକ ବ୍ୟୁରୋ: ଯେତେ ବୁଦ୍ଧି ଶିଖିଲେ ବି ଚେତୁନି ଚୀନ୍ । ବରଂ ଭାରତ ବିରୋଧରେ ଗୋଟିଏ ପରେ ଗୋଟିଏ ଷଡ଼ଯନ୍ତ୍ର କରୁଛି । ସୀମାରେ ଭାରତୀୟ ସେନା ଚୀନର ପିଏଲଏକୁ ବାରମ୍ବାର କଡ଼ା ଜବାବ ଦେଉଛି । ଫଳରେ ହତୋତ୍ସାହ ହୋଇପଡ଼ନ୍ତି ଜିନପିଙ୍ଗ ସରକାର । ଫଳରେ ଏବେ ଜଳକୁ ଅସ୍ତ୍ର କରି ଭାରତ ବିରୋଧରେ ଜଳଯୁଦ୍ଧ କରିବାକୁ ଯୋଜନା ରଚିଛି ଡ୍ରାଗନ । ବ୍ରହ୍ମପୁତ୍ର ନଦୀରେ ଏକ ବୃହତ ଜଳ ବିଦ୍ୟୁତ ପ୍ରକଳ୍ପ କରି ଭାରତକୁ ଅଡ଼ୁଆରେ ପକାଇବାକୁ ଷଡ଼ଯନ୍ତ୍ର ରଚୁଛନ୍ତି ଜିନପିଙ୍ଗ ସରକାର । ହେଲେ ଏନେଇ ଭାରତ ସତର୍କ ହୋଇପଡ଼ିଛି ।

Advertisment

ବ୍ରହ୍ମପୁତ୍ର ନଦୀ ଉପରେ ଚୀନର ନଜରବ୍ରହ୍ମପୁତ୍ର ନଦୀ ଜଳକୁ ନେଇ ଷଡ଼ଯନ୍ତ୍ର ରଚିପାରେ ଚୀନ୍
ଅରୁଣାଚଳ ପ୍ରଦେଶ ସୀମା ନିକଟରେ ବୃହତ ଜଳ ବିଦ୍ୟୁତ ପ୍ରକଳ୍ପ ଯୋଜନା କରୁଛି ଡ୍ରାଗନ
ବ୍ରହ୍ମପୁତ୍ର ନଦୀରେ ୬୦ ହଜାର ମେଗାୱାଟର ଜଳବିଦ୍ୟୁତ ପ୍ରକଳ୍ପ ପାଇଁ ବେଜିଂର ଯୋଜନା
ବ୍ରହ୍ମପୁତ୍ର ନଦୀ ଉଭୟ ଭାରତ ଓ ଚୀନରେ ପ୍ରବାହିତ ହୁଏ
ବ୍ରହ୍ମପୁତ୍ରର ଉପରମୁଣ୍ଡ ଚୀନରେ ରହିଛି
ତେଣୁ ଚୀନର ପଦକ୍ଷେପ ଅତି ଗୁରୁତ୍ୱପୂର୍ଣ୍ଣ
ଯଦି ଏହି ବୃହତ ଜଳ ବିଦ୍ୟୁତ ପ୍ରକଳ୍ପ କାର୍ଯ୍ୟକାରୀ ହୁଏ, ଚୀନ ହାତରେ ଚାବିକାଠି ରହିବ
ଚୀନ୍ ଯେତେବେଳେ ଚାହିଁବ, ଭାରତକୁ ହଇରାଣ କରିବାକୁ ଚେଷ୍ଟା କରିବ
ଯଦି ବ୍ରହ୍ମପୁତ୍ର ଜଳକୁ ଚୀନ୍ ଅନ୍ୟତ୍ର ପଠାଏ, ତାହେଲେ ଭାରତର ସୀମାବର୍ତୀ ରାଜ୍ୟ ପ୍ରଭାବିତ ହେବେ
ଚୀନକୁ ଲାଗିଥିବା ଅରୁଣାଚଳ ପରି ରାଜ୍ୟରେ ଜଳାଭାବ ଦେଖାଦେଇପାରେ
ଅନ୍ୟପଟେ ଚୀନ୍ ଯଦି ଅଧିକ ଜଳ ନିଷ୍କାସନ କରେ, ତା ମଧ୍ୟ ଭାରତ ପାଇଁ ବିପଦ ପାଲଟିଯିବ
ବ୍ରହ୍ମପୁତ୍ର ନଦୀରେ ହଠାତ୍ ପାଣି ମାଡ଼ିଆସିଲେ, ଆସାମ ଓ ଅରୁଣାଚଳରେ ବନ୍ୟା ଦେଖାଦେବ
ଭାରତ ମଧ୍ୟ ଏହି ବିପଦ ପ୍ରତି ସତର୍କ ରହିଛି
ଅରୁଣାଚଳ ପ୍ରଦେଶରେ ଦେଶର ସବୁଠୁ ମେଗାୱାଟ ଜଳବିଦ୍ୟୁତ ପ୍ରକଳ୍ପ କରୁଛି ଭାରତ
ଅପର ସୁବାଂସିରି ନଦୀ ଉପରେ ୧୧ ହଜାର ମେଗାୱାଟ ଜଳବିଦ୍ୟୁତ ପ୍ରକଳ୍ପ କାମ ଚାଲିଛି
ଅନ୍ୟ ଦୁଇଟି ପ୍ରକଳ୍ପର ମଧ୍ୟ କାର୍ଯ୍ୟ ଚାଲିଛି
ଚଳିତବର୍ଷ ସୁଦ୍ଧା ଗୋଟିଏ ପ୍ରକଳ୍ପ ଶେଷ ହେବ
ଫଳରେ ଚୀନ୍ ପଟୁ ସମ୍ଭାବ୍ୟ ବିପଦର ମୁକାବିଲା ସହଜ ହେବ