ନାବାଳକକୁ ଲଣ୍ଡା କରି ଜେଲ ଗଲେ ଦୋକାନୀ : ଚୋରି ଅଭିଯୋଗରେ ୩ଜଣଙ୍କୁ ମାଡ଼ ମାରିବା ସହ ଲଣ୍ଡା କରିଥିଲେ ଅଭିଯୁକ୍ତ
କନକ ବ୍ୟୁରୋ : ଚୋରି କରିବା ଅଭିଯୋଗରେ ତିନି ନାବାଳକଙ୍କୁ ଲଣ୍ଡା କରି ଜେଲ ଗଲେ ୨ଯୁବକ । କେନ୍ଦୁଝର ବଡବିଲ୍ ଅଂଚଳରେ ଘଟିଛି ଏହି ଅଭାବନୀୟ ଘଟଣା । ନାବାଳକଙ୍କୁ ଲଣ୍ଡା କରୁଥିବାର ଦୃଶ୍ୟ ସୋସିଆଲ ମିଡିଆରେ ଭାଇରାଲ ହେବା ପରେ କେନ୍ଦୁଝର ଏସପି ଘଟଣାର ତଦନ୍ତ କରିବାକୁ ନିର୍ଦ୍ଦେଶ ଦେବା ସହ ନିଜ ଆଡୁ ମାମଲା ରୁଜୁ କରିବାକୁ ପୁଲିସକୁ ନିର୍ଦ୍ଦେଶ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏସପିଙ୍କ ନିର୍ଦ୍ଦେଶ ଅନୁସାରେ ପୁଲିସ ମାମଲା ରୁଜୁ କରିବା ସହିତ ୨ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି । ସୂଚନା ଅନୁଯାୟୀ ଗତ ୫ତାରିଖ ଦିନ ବଡବିଲ୍ ବାଇପାଶ୍ ଛକରେ ଥିବା ଶିବ ତେଜରାତୀ ଦୋକାନକୁ ୩ଜଣ ନାବାଳକ ଯାଇଥିଲେ । ପରେ ଦୋକାନୀ ସୁବୋଧ ଏବଂ ତାଙ୍କ ସହଯୋଗୀ ରୋହିତ ସେହି ନାବାଳକମାନଙ୍କୁ ଧରି ଦୋକାନରୁ ଚୋରି କରୁଥିବା ଅଭିଯୋଗରେ ଲଣ୍ଡା କରିଥିଲେ । ସେହି ସମୟରେ ଦୃଶ୍ୟକୁ କେହି ସୋସିଆଲ ମିଡିଆରେ ଛାଡିଦେବାରୁ ସେହି ଭିଡ଼ିଓ ଭାଇରାଲ ହୋଇଛି ।