କନକ ବ୍ୟୁରୋ : ଛତିଶଗଡ ଜାଞ୍ଜଗିର-ଚାମ୍ପାରେ ରାହୁଲର ଉଦ୍ଧାର କାର୍ଯ୍ୟ ଜାରି । ସୁଡଙ୍ଗ ଭିତରକୁ ଏନଡିଆରଏଫ୍ ଟିମ୍ ପ୍ରବେଶ କରିଛନ୍ତି । ସତର୍କତାର ସହ ରାହୁଲଙ୍କୁ ବାହାର କରିବାକୁ ଗୁରୁତ୍ୱ ଦିଆଯାଉଛି । ଘଟଣାସ୍ଥଳରେ ଡାକ୍ତରୀ ଟିମ୍ ଉପସ୍ଥିତ ରହିଛନ୍ତି । ରାହୁଲଠାରୁ ୨ ଫୁଟ୍ ଦୂରରେ ଉଦ୍ଧାରକାରୀ ଟିମ୍ ରହିଛନ୍ତି । ମେସିନ୍ ସାହାଯ୍ୟରେ ଚଟାଣକୁ ଡ୍ରିଲିଂ କରାଯାଉଛି । ଭୂତଳ ଜଳସ୍ତର ହ୍ରାସ ପାଇଁ ନଳକୂପ ଖୋଳିବାକୁ ନିର୍ଦ୍ଦେଶ ଦିଆଯାଇଛି । ମଝିରେ ମଝିରେ ଆଖି ପତା ହଲାଉଛି ରାହୁଲ । ୯୦ଘଣ୍ଟା ହେଲା ବୋରୱେଲ ଗାତରେ ଫସିରହିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ୨୦୦୬ରେ ହରିୟାଣା କୁରୁକ୍ଷେତ୍ର ଜିଲ୍ଲାରେ ହଲଧେରି ଗ୍ରାମର ପ୍ରିନ୍ସ ନାକ ଶିଶୁ ଅନୁରୂପ ଭାବେ ଗଭୀର ନଳକୂପରେ ଖସିପଡିଥିଲା । ସେତେବେଳେ ତାହା ସମଗ୍ର ଦେଶରେ ଆଲୋଡନ ଖେଳାଇ ଦେଇଥିଲା । ତେବେ ସମାନ ପଦ୍ଧତିରେ ବହୁ କଷ୍ଟରେ ପ୍ରିନ୍ସକୁ ଉଦ୍ଧାର କରାଯାଇପାରିଥିଲା । ଏହି ଘଟଣା କିନ୍ତୁ ସମସ୍ତଙ୍କ ନିଦ ହଜାଇ ଦେଇଛି । ଉଦ୍ଧାରକାରୀଦଳ ରାତି ଦିନ ଏକ କରି ରାହୁଲ କିପରି ସୁରକ୍ଷିତ ଭାବେ ଉଦ୍ଧାର ହେବ ଲାଗି ପଡିଛନ୍ତି । ଖରାର ପ୍ରକୋପ ଅଧିକ ରହିଛି । ପାଖାପାଖି ୪୨ ଡିଗ୍ରୀ ତାପମାତ୍ରାରେ ଉଦ୍ଧାର କାର୍ଯ୍ୟ ଚାଲିଛି ।
ପ୍ଲାନ ‘ଏ’ ଓ ପ୍ଲାନ ‘ବି’ ପ୍ରସ୍ତୁତ କରାଯାଇଥିଲା । ପ୍ଲାନ ଏ ରେ ରାହୁଲର ଅଣ୍ଟାରେ ଦଉଡି ବାନ୍ଧି କେମିତି ସୁରକ୍ଷିତ ଉଦ୍ଧାର ହେବ । ପ୍ଲାନ ଏ ବାରମ୍ବାର ବିଫଳ ହେଲା ପରେ ପ୍ଲାନ ବି ଆରମ୍ଭ ହୋଇଥିଲା । ବର୍ତ୍ତମାନ ପ୍ଲାନ ବି ମାଧ୍ୟମରେ ଉଦ୍ଧାର କାର୍ଯ୍ୟ ଜାରି ରହିଛି । ପ୍ଲାନ ବି ମୁତାବକ ଏଲ ସେପ୍ ଆକାରର ସୁଡଙ୍ଗ କରାଯାଉଛି । ସବୁଠାରୁ ବଡ କଥା ହେଉଛି ରାହୁଲ ଯେଉଁ ସ୍ଥାନରେ ରହିଛନ୍ତି ତାଙ୍କର ଗୋଡ ପଟରୁ ଟନେଲ୍ ଖୋଳାଯାଉଛି । ରାହୁଲଙ୍କ ମୁଣ୍ଡ ପଟେ ଯଦି ସୁଡଙ୍ଗ ଖୋଳାଯାଏ ତାହାଲେ ପଥର ଖସିବା ସହ ତାଙ୍କର ଶରୀରେ ଆଘାତ ଲାଗିବାର ସମ୍ଭାବନା ରହିଛି । ତେଣୁ କୌଶଳ କରି ଖନନ କାର୍ଯ୍ୟ ଜାରି ରହିଛି ।