ଅଯୋଧ୍ୟା ରାମଜନ୍ମ ଭୂମି ବିବାଦରେ ନୂଆ ମୋଡ: ଅଣବିବାଦୀୟ ଜମି ଫେରାଇ ଦେବାକୁ ସୁପ୍ରିମକୋର୍ଟରେ କେନ୍ଦ୍ରର ଆବେଦନ
କନକ ବ୍ୟୁରୋ: ଲୋକସଭା ନିର୍ବାଚନ ଆଗରୁ ଅଯୋଧ୍ୟା ରାମଜନ୍ମ ଭୂମି ବିବାଦ ନୂଆ ମୋଡ ନେଇଛି । ଏହି ମାମଲାରେ ଆଜି ପୁଣି ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି କେନ୍ଦ୍ର ସରକାର । ଅଣବିବାଦୀୟ ଜମିରେ ନିର୍ମାଣ ଉପରେ ଲାଗିଥିବା ରହିତାଦେଶ ହଟାଇବା ପାଇଁ ମୋଦି ସରକାର ଆବେଦନ କରିଛନ୍ତି । ରାମ ମନ୍ଦିର ପାଇଁ କେନ୍ଦ୍ର ସରକାର ଅଧିଗ୍ରହଣ କରିଥିବା ମୋଟ ୬୭ ଏକର ଜମିରୁ ୨.୭୭ ଏକର ଜମି ବିବାଦରେ ରହିଛି ।
Kanak News is now on WhatsApp
Join and get latest news updates delivered to you via WhatsApp
ବିବାଦୀୟ ଜମିକୁ ବାଦ ଦେଇ ଅଣବିବାଦୀୟ ଜମି ଉପରୁ ପ୍ରତିବନ୍ଧ ହଟାଇବା ପାଇଁ ଆବେଦନରେ କେନ୍ଦ୍ର ସରକାରଙ୍କ ପକ୍ଷରୁ ଦର୍ଶାଯାଇଛି । ବିବାଦୀୟ ୨.୭୭ ଏକର ଜମିକୁ ୨୦୧୦ ମସିହାରେ ଆହ୍ଲାବାଦ ହାଇକୋର୍ଟ ୩ ଭାଗରେ ବାଂଟି ଦେଇଥିଲେ । ସାଧାରଣ ନିର୍ବାଚନ ଆଗରୁ ମୋଦି ସରକାରଙ୍କ ଏହା ଏକ ବଡ ପଦକ୍ଷେପ ବୋଲି ଚର୍ଚ୍ଚା ହେଉଛି । ରାମ ଜନ୍ମଭୂମି ଓ ବାବରୀ ମସଜିଦ୍ ନିକଟରେ ଥିବା ଏହି ବିବାଦୀୟ ଜମିକୁ ୧୯୯୧ ମସିହାରେ କେନ୍ଦ୍ର ସରକାର ଅଧିଗ୍ରହଣ କରିଥିଲେ ।
ଅଯୋଧ୍ୟ ବିବାଦରେ ଆଜି ସୁପ୍ରିମେକାର୍ଟରେ ଶୁଣାଣୀ ହେବାର ଥିଲା । କିନ୍ତୁ ଏହି ମାମଲାର ବିଚାର ପାଇଁ ଗଠିତ ଖଣ୍ଡପୀଠର ବିଚାରପତି ଜଷ୍ଟିସ ବୋବଡେଙ୍କ ଅନୁପସ୍ଥିତି ଯୋଗୁଁ ଆଜିର ଶୁଣାଣିକୁ ଘୁଂଚାଇ ଦିଆଯାଇଛି । ତେବେ କେବେ ପରବର୍ତି ଶୁଣାଣି ହେବ ତାହା ସ୍ଥିର ହୋଇନାହିଁ ।