କଳାହାଣ୍ଡି ଜିଲ୍ଲାର କର୍ଲାପାଟ ଅଭୟାରଣ୍ୟରେ ହାତୀ ମଡ଼କ ଘଟଣା : ପୁଣି ଏକ ହାତୀ ଶାବକର ମୃତ୍ୟୁ, ୨୦ ଦିନରେ ୭ ହାତୀର ମୃତ୍ୟୁ
କନକ ବ୍ୟୁରୋ : କଳାହାଣ୍ଡି ଜିଲ୍ଲା କର୍ଲାପାଟ ଅଭୟାରଣ୍ୟରେ ହାତୀ ମୃତ୍ୟୁ ସଂଖ୍ୟା ୭କୁ ଛୁଇଁଛି । ଗତକାଲି ଘୁଷୁରୀଗୁଡି ନାଳ ନିକଟରୁ ଆଉ ଏକ ହାତୀ ଛୁଆର ଗଳିତ ମୃତଦେହ ଠାବ ହୋଇଛି । ଅଭୟାରଣ୍ୟରେ ହାତୀ ମୃତ୍ୟୁ ଘଟଣାର ଅନୁଧ୍ୟାନ କରିବା ପାଇଁ କେନ୍ଦ୍ରୀୟ ଟିମ ଆସିଥିବା ସମୟରେ ଛୁଆ ହାତୀର ଗଳିତ ମୃତଦେହ ଠାବ ହୋଇଛି । ଛୁଆ ହାତୀର ମୃତ୍ୟୁର କାରଣ ଜାଣିବା ପାଇଁ ନମୂନା ସଂଗ୍ରହ କରିଛି କେନ୍ଦ୍ରୀୟ ଟିମ୍ । କେନ୍ଦ୍ରୀୟ ଟିିମ ସଂଗ୍ରହ କରିଥିବା ନମୂନାକୁ ଇନ୍ଦୋର ଆଇଭିଆରଆଇ ଲାବ୍ରୋଟାରୀକୁ ପଠାଯିବ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରାଥମିକ ତଦନ୍ତରୁ ମୃତକ ମଧ୍ୟରେ ୫ଟି ହାତୀ ଗର୍ଭବତୀ ଥିଲେ ତେଣୁ ସଂକ୍ରମଣ ଯୋଗୁଁ ମୃତ୍ୟୁ ହୋଇଥିବା ସନ୍ଦେହ କରାଯାଉଛି । ହ୍ୟୁମେରିଜକ ସେପ୍ଟିସେମିଆ ମୃତ୍ୟୁର କାରଣ କି ନାହିଁ ଲାବରୋଟାରୀ ରିପୋର୍ଟ ଆସିବା ପରେ ସ୍ପଷ୍ଟ ହେବ ବୋଲି ସୂଚନା ମିଳିଛି । ଅନ୍ୟପଟେ ଅଭୟାରଣ୍ୟରେ ହାତୀ ସୁରକ୍ଷା ପାଇଁ ନିଆଯାଇଥିବା ପଦକ୍ଷେପରେ କେନ୍ଦ୍ରୀୟ କମିଟି ସନ୍ତୋଷ ବ୍ୟକ୍ତ କରିଛନ୍ତି ।