କାଠୁଆ ଗଣଦୁଷ୍କର୍ମ ଉପରେ କରିନା କହିଲେ ମୁଁ ଲଜ୍ଜିତ! ଟ୍ରୋଲର୍ସ ଟ୍ରୋଲ କରି କହିଲେ ଆଗ ନିଜ ଉପରେ ଲାଜ କର ।
ଜାମ୍ମୁ-କାଶ୍ମୀରର କାଠୁଆ ଗ୍ରାମରେ ଆଠ ବର୍ଷର ଜଣେ ଝିଅ ପ୍ରତି ହୋଇଥିବା ଗଣବଳାତ୍କାର ଘଟଣାରେ ସମ୍ପୁର୍ଣ୍ଣ ଦେଶ ସ୍ତବ୍ଧ ହୋଇଥିବା ବେଳେ କିଏ କେଉଁ ଉପାୟରେ ନିଜର କ୍ରୋଧ ଜାହିର କରୁଛି । ଏହି ମାର୍ଗରେ ବଲିଉଡ୍ ସେଲେବ୍ରିଟି ମଧ୍ୟ ନିଜର କ୍ରୋଧ ପ୍ରଚାର ମାଧ୍ୟମରେ ଜାହିର କରିଛନ୍ତି । ଛୋଟ ଝିଅଟିକୁ ନ୍ୟାୟ ଦେବା ପାଇଁ ବଲିଉଡ୍ ଜଗତର ନାମୀଦାମୀ ସେଲେବ୍ରିଟି ସୋସିଆଲ ମିଡିଆରେ #JusticeForOurChild ନାମକ ଏକ କ୍ୟାମ୍ପେନ୍ ପ୍ରସ୍ତୁତ କରି ପ୍ରଚାର କରିଥିଲେ । ନିକଟରେ କରିନା କପୁର ଖାନ୍ ଏହି କ୍ୟାମ୍ପେନରେ ଜଡିତ ହୋଇ ଆଇ ଆମ୍ ହିନ୍ଦୁସ୍ଥାନ,ଆଇ ଆମ୍ ଆସେମଡର ନାରା ଦେବା ସହ ସୋସିଆଲ ସାଇଟରେ ନିଜ ଫଟୋ ସେୟାର କରିଥିଲେ । ଏହି ଫଟୋରେ ୟୁଜର୍ସ କରିନାଙ୍କୁ ଟ୍ରୋଲ କରିବା ଆରମ୍ଭ କରିଦେଇଥିଲେ ।
ଜଣେ ୟୁଜର କରିନାଙ୍କୁ ଟ୍ରୋଲ କରି ନିଜ ଉପରେ ଲାଜ କରିବା ପାଇଁ କହିଥିଲେ । ଜଣେ ହିନ୍ଦୁ ହୋଇ ସୁସଲମାନ ଅଭିନେତାଙ୍କୁ ବିବାହ କରିବା ଏବଂ ନିଜ ପୁଅର ନାଁ ମୁସଲିମ୍ କ୍ରୁର ଶାସକ ତେମୁର୍ ନାଁରେ ଦେବାକୁ ସେ କରିନାଙ୍କୁ ଧିକ୍କାର କରିଥିଲେ । ଏହି ଟ୍ୱିଟରର ଜବାବରେ କରିନାଙ୍କ ବନ୍ଧୁ ସ୍ୱରା ଭାସ୍କର ୟୁଜରଙ୍କୁ ଉତ୍ତରରେ କହିଥିଲେ ତୁମର ଅସ୍ତିତ୍ୱକୁ ନେଇ ତୁମକୁ ଲାଜ ଲାଗିବା କଥା, ଈଶ୍ୱର ତୁମକୁ ମସ୍ତିଷ୍କ ଦେଇଛନ୍ତି ଯେଉଁଥିରେ ତୁମେ ଘୃଣା ଭରି ରଖିଛ ।
Kanak News is now on WhatsApp
Join and get latest news updates delivered to you via WhatsApp
ସୁଚନା ଅନୁସାରେ କାଠୁଆ ଗଣଦୁଷ୍କର୍ମ ଭଳି ଏକ ଜଘନ୍ୟ ହତ୍ୟାକାଣ୍ଡରୁ ଛୋଟ ଝିଅଟିକୁ ନ୍ୟାୟ ଦେବା ପାଇଁ ସମ୍ପୁର୍ଣ୍ଣ ବଲିଉଡ୍ “ଜଷ୍ଟିସ୍ ଫର ଆୱାର ଚାଇଲଡ୍” ନାମରେ ଏକ କ୍ୟାମ୍ପେନ୍ ବାହାର କରିଛି । ଯେଉଁଥିରେ ସେଲେବ୍ରିଟି ହାତରେ ପାମ୍ପଲେଟ୍ ଧରି ଦୋଷୀକୁ ଦଣ୍ଡ ଦେବା ପାଇଁ ଅପିଲ୍ କରୁଛନ୍ତି । ସୋନମ୍ କପୁର,ସ୍ୱରା ଭାଷ୍କର,କରିବା କପୁର ଖାନ୍,ସନ୍ନି ଲିଓନ,ହୁମା କ୍ୟୁରେସୀ,ରିଚା ଚଡ୍ଢ଼ା,ନେହା ଧୁପିଆ ସମେତ କିଛି ଟେଲି ସେଲେବ୍ରିଟି ମଧ୍ୟ ଏହି କ୍ୟାମ୍ପେନରେ ସ୍ୱର ଉତ୍ତୋଳନ କରୁଥିବା ନଜର ଆସୁଛନ୍ତି ।