ପୋଲିସ୍ ମାଡରେ ନୁହଁ ବରଂ ହୃଦଘାତରେ ହୋଇଥିଲା ଯୁବକଙ୍କ ମୃତ୍ୟୁ। ପଟ୍ଟାମୁଣ୍ଡାଇ ହାଜତ ମୃତ୍ୟୁ ମାମଲାରେ ନୂଆ ମୋଡ। ସିସିଟିଭିରେ କଏଦ ହୋଇଛି ମୃତ୍ୟୁ ବେଳର ଦୃଶ୍ୟ
ପୋଲିସ ମାରିଥିବା ଅଭିଯୋଗ କରି ଗଣ୍ଡଗୋଳ କରିଥିଲେ ସମ୍ପର୍କୀୟ
କନକ ବ୍ୟୁରୋ: ପଟ୍ଟାମୁଣ୍ଡାଇ ହାଜତ ମୃତ୍ୟୁ ଘଟଣାର ସାମନାକୁ ଆସିଲା ସିସିଟିଭି ଫୁଟେଜ୍ । ଗତ ୧୯ ତାରିଖ ଦିନ ପଟ୍ଟାମୁଣ୍ଡାଇ ହାଜତ ମୃତ୍ୟୁ ହୋଇଥିବା ବେଳର ଦୃଶ୍ୟ ସିସିଟିଭି ଫୁଟେଜ୍ ଏବେ ପଦାକୁ ଆସିଛି । ଏହି ଫୁଟେଜରେ ଦେଖାଯାଉଛି ହୋଇଥିବା ମୃତ୍ୟୁ ହୋଇଥିବା ସୁଶାନ୍ତ ବେହେରା ହାଜତ ଭିତରେ ବସିଥିବା ସମୟରେ ଅଚାନକ ତାଙ୍କ ଛାତିକୁ ଧରୁଛନ୍ତି । ତାପରେ ସେହି ସ୍ଥାନରେ ଟଳି ପଡୁଛନ୍ତି । ଏହା ଦେଖି ନିକଟରେ ଥିବା ପୋଲିସ ଓ ଅନ୍ୟ ଜଣେ ବ୍ୟକ୍ତି ତାଙ୍କୁ ଡାକୁଛନ୍ତି । ଏବଂ ଅନ୍ୟ ପୋଲିସମାନେ ମଧ୍ୟ ଜମା ହେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ସିସିଟିଭି ଫୁଟେଜରୁ ସୁଶାନ୍ତଙ୍କର ପୋଲିସ ମାଡରେ ମୃତ୍ୟୁ ହୋଇ ନାହିଁ ବରଂ ହୃଦଘାତରେ ହୋଇଛି ବୋଲି ସ୍ପଷ୍ଟ ହୋଇଛି । ଗତ ୧୯ ତାରିଖରେ ଚୋରା ମଦ କାରବାର ଅଭିଯୋଗରେ ପଟ୍ଟାମୁଣ୍ଡାଇ ପୋଲିସ ସୁଶାନ୍ତଙ୍କୁ ଉଠାଇ ଆଣିଥିଲା । ଏବଂ ହାଜତରେ ତାଙ୍କ ମୃତ୍ୟୁ ହୋଇଥିବାରୁ ପୋଲିସ ତାଙ୍କୁ ମାରି ଦେଇଛି ବୋଲି ଅଭିଯୋଗ କରି ତମ୍ବି ତୋଫାନ କରିଥିଲେ ଗ୍ରାମବାସୀ । ରାସ୍ତା ସାରା ଥାନା ଭିତରେ ଉତ୍ତେଜନା ସୃଷ୍ଟି ହୋଇଥିଲା ।