ଦଶମରୁ ଦ୍ୱାଦଶ ପର୍ଯ୍ୟନ୍ତ ସିଲାବସ କାଣ୍ଟଛାଣ୍ଟ କଲା ସିବିଏସଇ । ହଟାଇଲା, ମୁସଲିମ୍ ଶାସକ ଓ ଇସଲାମୀୟ ସାମ୍ରାଜ୍ୟ ସମ୍ବଳିତ ବିଷୟବସ୍ତୁ ତେଜିଲା ବିବାଦ, ନିଷ୍ପତି ପ୍ରତ୍ୟାହାର ପାଇଁ ଦାବି ।
କନକ ବ୍ୟୁରୋ : ସିବିଏସଇ ସିଲାବସରେ ହୋଇଛି କାଣ୍ଟଛାଣ୍ଟ । ଦଶମରୁ ଦ୍ୱାଦଶ ଶ୍ରେଣୀର ପାଠ୍ୟକ୍ରମରୁ କିଛି ବିଷୟକୁ ହଟାଇ ଦେଇଛନ୍ତି କର୍ତୁପକ୍ଷ । ସେଥିରେ ରହିଛି ଇସଲାମିକ ସାମ୍ରାଜ୍ୟର ଉତଥାନ , ଗୋଷ୍ଠୀ ନିରପେକ୍ଷ ଆନ୍ଦୋଳନ, ଶୀତଳ ଯୁଦ୍ଧ, ଶିଳ୍ପ ବିପ୍ଳବ ଆଦି ବିଷୟ ବସ୍ତୁ । ଏହାକୁ ନେଇ ବିବାଦ ତେଜିଛି । ବିଶେଷଜ୍ଞଙ୍କ ମତ ଇତିହାସକୁ ଲୁଚାଇବା ସମ୍ଭବ ନୁହେଁ । ତୁରନ୍ତ ଏହି ନିଷ୍ପତି ପ୍ରତ୍ୟାହାର କରୁ ସିବିଏସଇ ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ ବା ସିବିଏସଇର ଏକାଦଶ ଏବଂ ଦ୍ୱାଦଶ ଶ୍ରେଣୀର ସିଲାବସରୁ ଇସ୍ଲାମୀୟ ସାମ୍ରାଜ୍ୟର ଉତ୍ଥାନ, ମୋଗଲ କୋର୍ଟ ଏବଂ ଶିଳ୍ପ ବିପ୍ଲବ ଭଳି ବିଷୟବସ୍ତୁକୁ ବାଦ ଦିଆଯାଇଛି । ପାଠ୍ୟକ୍ରମକୁ ଯୁକ୍ତିନିଷ୍ଠ କରିବା ଓ ଏନସିଇଆରଟିର ସୁପାରିଶ କ୍ରମେ ସିଲାବସ ପରିବର୍ତନ କରାଯାଇଥିବା ସିବିଏସଇ ସୂତ୍ରରୁ ଜଣାପଡିଛି । ୨୦୨୨-୨୩ ଶିକ୍ଷାବର୍ଷ ପାଇଁ ଏହି ନୂଆ ପାଠ୍ୟକ୍ରମ ପଢାଯିବ ବୋଲି ବିଦ୍ୟାଳୟଗୁଡିକୁ କୁହାଯାଇଛି ।
ସିବିଏସଇ ଏକାଦଶ ଶ୍ରେଣୀର ଇତିହାସ ପାଠ୍ୟକ୍ରମରୁ ବାଦ୍ ପଡିଛି ‘ସେଣ୍ଟ୍ରାଲ ଇସଲାମିକ ଲ୍ୟାଣ୍ଡସ’ ଏବଂ ଦ୍ୱାଦଶ ଶ୍ରେଣୀରୁ ‘ଦି ମୋଗଲ କୋର୍ଟ: ରିକନଷ୍ଟ୍ରକ୍ଟ୍ରିଂ ହିଷ୍ଟ୍ରିଜ୍ ଥ୍ରୁ କ୍ରୋନିକିଲ୍ସ’ ଅଧ୍ୟାୟ ବାଦ ପଡିଛି । ସେହିଭଳି ଏକାଦଶ ଏବଂ ଦ୍ୱାଦଶ ଶ୍ରେଣୀର ପାଠ୍ୟକ୍ରମ ଥିବା ଗୋଷ୍ଠୀ ନିରପେକ୍ଷ ଆନ୍ଦୋଳନ, ଆଫ୍ରିକୀୟ-ଏସୀୟ ଅଂଚଳର ଇସଲାମୀୟ ସାମ୍ରାଜ୍ୟର ଉତଥାନ, ଶୀତଳ ଯୁଦ୍ଧ ଯୁଗ, ମୋଗଲ କୋର୍ଟ ଏବଂ ଶିଳ୍ପ ବିପ୍ଲବ ଭଳି ଅଧ୍ୟାୟଗୁଡିକୁ ବାଦ ଦିଆଯାଇଛି । ଦଶମ ଶ୍ରେଣୀ ପାଠ୍ୟକ୍ରମରୁ ‘କୃଷିକ୍ଷେତ୍ରରେ ଜଗତିକରଣର ପ୍ରଭାବ’ ଅଧ୍ୟାୟକୁ ବାଦ ଦିଆଯାଇଥିବାବେଳେ ଫଏଜ ଅହମ୍ମଦ ଫଏଜଙ୍କ ଦୁଇଟି କବିତାକୁ ମଧ୍ୟ ବାଦ ଦିଆଯାଇଛି ।
ତେବେ ସିବିଏସଇର ଏପରି ନିଷ୍ପତିକୁ ବିଭିନ୍ନ ମହଲରେ ସମାଲୋଚନା କରାଯାଇଛି । ଇତିହାସ ଲୁଚାଇବା ସମ୍ଭବ ନୁହେଁ, ଇତିହାସକୁ ସମସ୍ତେ ଜାଣିବା ଉଚିତ । ତେଣୁ ସିବିଏସଇ ତାର ନିଷ୍ପତିକୁ ପ୍ରତ୍ୟାହାର କରୁ ବୋଲି ଦାବି ହେଉଛି । ପାଠ୍ୟକ୍ରମ କାଣ୍ଟଛାଣ୍ଟ ନିଷ୍ପତ୍ତିକୁ ଓହରିବା ପାଇଁ କେନ୍ଦ୍ର ଶିକ୍ଷା ମନ୍ତ୍ରାଳୟ ଓ ସିବିଏସଇକୁ ଅନୁରୋଧ କରିବ ବୋଲି କହିଛି ରାଜ୍ୟ ଅଭିଭାବକ ମହାସଂଘ ।
ସିବିଏସଇ ପକ୍ଷରୁ ପାଠ୍ୟକ୍ରମରେ ପରିବର୍ତନ ଧାରା ବହୁ ପୁରାତନ । ବୋର୍ଡ ପକ୍ଷରୁ ବିଭିନ୍ନ ପକ୍ଷଙ୍କ ମତାମତ ଓ ସାମ୍ପ୍ରତିକ ସ୍ଥିତିକୁ ବିଚାରକୁ ନେଇ ନବମରୁ ଦ୍ୱାଦଶ ଶ୍ରେଣୀ ପାଠ୍ୟକ୍ରମ ପରିବର୍ତନ କରାଯାଇଥାଏ । କିନ୍ତୁ ନିର୍ଦ୍ଦିଷ୍ଟ କିଛି ବିଷୟକୁ ବାଦ ଦେବା ବିବାଦୀୟ ହୋଇପଡିଛି ।