ମନୀଷ ସିସୋଦିଆଙ୍କ କାର୍ଯ୍ୟାଳୟରେ ସିବିଆଇର ଚଢାଉ, ଜାଣନ୍ତୁ କଣ କହିଲେ ସିସୋଦିଆ

କନକ ବ୍ୟୁରୋ : ଦିଲ୍ଲୀ ଅବକାରୀ ନୀତି ଦୁର୍ନୀତି ମାମଲାରେ ପୁଣିଥରେ ଆକ୍ସନମୋଡକୁ ଆସିଛି ସିବିଆଇ । କିଛିଦିନର ନୀରବତା ପରେ ଆଜି ସିବିଆଇ ତରଫରୁ ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ କାର୍ଯ୍ୟାଳୟରେ ଚଢାଉ କରିଛି । ଏହି କ୍ରମରେ ସିସୋଦିଆ କହିଛନ୍ତି କି, ପ୍ରଥମ ଚଢାଉ ବେଳେ ସିବିଆଇକୁ କିଛି ମିଳି ନଥିଲା ଓ ଏବେ ବି କିଛି ମିଳିବ ନାହିଁ ।

ସିବିଆଇ ଚଢାଉକୁ ନେଇ ସିସୋଦିଆ ଏକ ଟ୍ୱିଟ୍ କରିଛନ୍ତି । ଏଥିରେ ସେ ଦାବି କରିଛନ୍ତି ଯେ ଆଜି ପୁଣି ସିବିଆଇ ତରଫରୁ ତାଙ୍କ କାର୍ଯ୍ୟାଳୟ ଉପରେ ଚଢାଉ କରାଯାଇଛି । ସେ ତାଙ୍କ ଟ୍ୱିଟରେ ଲେଖିଛନ୍ତି କି, ସିର୍ବିଆଇ ଯେତେ ସ୍ଥାନରେ ଚଢାଉ କଲେ ମଧ୍ୟ କିଛି ମିଳିବ ନାହିଁ, କାରଣ ମୋର କିଛି ଭୁଲ ନାହିଁ, ମୁଁ ଦିଲ୍ଲୀର ପିଲାମାନଙ୍କ ଶିକ୍ଷାପାଇଁ କାମ କରୁଛି ।

आज फिर CBI मेरे दफ़्तर पहुँची है. उनका स्वागत है.
इन्होंने मेरे घर पर रेड कराई, दफ़्तर में छापा मारा, लॉकर तलशे, मेरे गाँव तक में छानबीन करा ली.मेरे ख़िलाफ़ न कुछ मिला हैं न मिलेगा क्योंकि मैंने कुछ ग़लत किया ही नहीं है. ईमानदारी से दिल्ली के बच्चों की शिक्षा के लिए काम किया है.

— Manish Sisodia (@msisodia) January 14, 2023

ସେପଟେ ସିସୋଦିଆଙ୍କ ଏହି ଟ୍ୱିଟର ଜବାବ ରଖିଛି ସିବିଆଇ । ସିବିଆଇ ତରଫରୁ କୁହାଯାଇଛି କି, ସିସୋଦିଆଙ୍କ କାର୍ଯ୍ୟାଳୟ ଉପରେ ଆଜି କୌଣସି ଚଢାଉ କରାଯାଇନାହିଁ । ହେଲେ ସିବିଆଇ ତରଫରୁ କୌଣସି ଅଧିକାରୀ ଏନେଇ ସୂଚନା ଦେଇ ନାହାଁନ୍ତି ।