କନକ ବ୍ୟୁରୋ : ଶିଶୁ ପର୍ଣ୍ଣୋଗ୍ରାଫିକୁ ନେଇ ସିବିଆଇ ପକ୍ଷରୁ ସାରା ଦେଶରେ ଚଢାଉ ଜାରି ରହିଛି । ଅପରେସନ ମେଘଦୂତ ଜରିଆରେ ୨୦ ରାଜ୍ୟର ୫୬ଟି ସ୍ଥାନରେ ଚଢାଉ ହେଉଛି । ସିବିଆଇ ଶନିବାର ଏହିଭଳି କାମରେ ଲିପ୍ତ ଲୋକଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢାଉ କରିଛି । କିଛି ଏହିଭଳି ଗ୍ୟାଙ୍ଗ ଚିହ୍ନଟ ହୋଇଛି ଯେଉଁମାନେ କେବଳ ଚାଇଲ୍ଡ ସେକ୍ସୁଆଲ ପର୍ଣ୍ଣୋଗ୍ରାଫି କରିନଥାନ୍ତି, ଶିଶୁଙ୍କୁ ଏହା ଦ୍ୱାରା ଶାରିରୀକ ଭାବେ ନିର୍ଯ୍ୟାତନା ମଧ୍ୟ ଦେଇଥାନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଅପରେସନ ମେଘଦୂତ ଅନୁସାରେ ଏହି ଭଳି କାମ କରୁଥିବା ଗ୍ୟାଙ୍ଗରେ ଦୁଇ ପ୍ରକାରର ଲୋକ ସାମିଲଥାନ୍ତି । ପ୍ରଥମଟି ଗ୍ରୁପ ତିଆରି କରିଥିବା ବେଳେ ଦ୍ୱିତୀୟଟି ବ୍ୟକ୍ତିଗତ ଭାବେ ଏହି ଭଳି କାମ କରିଥାନ୍ତି । ସିବିଆଇ ଇଣ୍ଟରପୋଲ ଜରିଆରେ ସିଙ୍ଗାପୁରରୁ ଏହି ତଥ୍ୟ ହାସଲ କରିଥିଲା । ଏହା ପରେ ଭାରତରେ ବିଭିନ୍ନ ସ୍ଥାନରେ ଚଢାଉ କରାଯାଇଥିଲା । ଗତ ବର୍ଷ ନଭେମ୍ବର ୧୬ରେ ସିବିଆଇ ଇଣ୍ଟରପୋଲ ସୂଚନା ଅନୁସାରେ ଅପରେସନ କାର୍ବନ ଆରମ୍ଭ ହୋଇଥିଲା । ଏହା ସେହି ଅପରେସନର ଦ୍ୱିତୀୟ ଭାଗ ।