ରୋଜଭ୍ୟାଲି ଚିଟଫଣ୍ଡ ଠକେଇ ମାମଲା । ପୁଣି ଆକ୍ସନ ମୋଡରେ ସିବିଆଇ । କମ୍ପାନୀ ମୁଖ୍ୟ ଗୌତମ କୁଣ୍ଡୁଙ୍କ ସ୍ତ୍ରୀକୁ ଓଡିଶା ଆଣିବା ସିବିଆଇ । ଖୋଲିବ ଗୁପ୍ତ ଧନର ରହସ୍ୟ ।
କନକ ବ୍ୟୁରୋ : ରୋଜଭ୍ୟାଲି ଚିଟଫଣ୍ଡ ଠକେଇ ମାମଲା । ଘଟଣାରେ ଖୋଳାତାଡ ପାଇଁ ଆଜି ଓଡିଶା ଆସୁଛନ୍ତି ରୋଜଭ୍ୟାଲି ଗ୍ରୁପର ମୁଖ୍ୟ ଗୌତମ କୁଣ୍ଡଙ୍କ ପତ୍ନୀ ଶୁଭ୍ରାକୁଣ୍ଡୁ । ଶୁକ୍ରବାରଦିନ କୋଲକାତାରେ ଗିରଫ ହୋଇଥିଲେ ଶୁଭ୍ରା କୁଣ୍ଡୁ । ଗତକାଲି ତାଙ୍କୁ ଟ୍ରାଞ୍ଜିଟ ରିମାଣ୍ଡ ପାଇଁ ଅନୁମତି ପାଇଥିଲା ସିବିଆଇ । ଆଜି ଭୁବନେଶ୍ୱର ର ସ୍ୱତନ୍ତ୍ର ସିବିଆଇ କୋର୍ଟରେ ହାଜର କରିବ ସିବିଆଇ । ଏହାପରେ ଶୁଭ୍ରାଙ୍କୁ ପଚରାଉଚରା କରାଯିବ । କୋଲକାତା ଭିଆଇପି ରୋଡରେ ସେ ଏକ ସୁନାଗହଣା ସୋ ରୁମ ଖୋଲିଥିଲେ । ଏଥିରେ ଚିଟଫଣ୍ଡ ଟଙ୍କା ବିନିଯୋଗ ହୋଇଥିବା ଅଭିଯୋଗ ହୋଇଥିଲା । ରୋଜଭ୍ୟାଲି ଗ୍ରୁପ ବିହାର ସମେତ ଓଡିଶା ଓ ପଶ୍ଚିମବଙ୍ଗରେ କାୟା ବିସ୍ତାର କରିଥିଲା । ଓଡିଶାରେ ଏହି କମ୍ପାନୀ ହଜାରେ କୋଟିରୁ ଅଧିକ ଟଙ୍କା ଠକେଇ କରିଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏନେଇ ରାଜ୍ୟସରକାର ସ୍ୱତନ୍ତ୍ର ଭାବେ ରୋଜଭ୍ୟାଲି ଚିଟଫଣ୍ଡର ଜମାକାରୀଙ୍କୁ ଚିହ୍ନଟ କରି ଜମା ଟଙ୍କା ଫେରସ୍ତ ପାଇଁ ତିନିବର୍ଷ ତଳେ ସବୁ ତହସିଲଦାରଙ୍କୁ ଦାୟିତ୍ୱ ଦିଆଯାଇଥିଲା । ଏହା ପରେ ତହସିଲଦାର ମାନେ ବି ପ୍ରତି ଗ୍ରାମପଂଚାୟମ ମୁଖ୍ୟାଳୟରେ ବସି ଜମାକାରୀ ମାନଙ୍କୁ ଚିହ୍ନଟ କରିଥିଲେ । ହେଲେ ୩ ବର୍ଷ ପରେ ବି ଜମାକାରୀ ମାନେ ଚାତକ ଭଳି ସେମାନଙ୍କ ଟଙ୍କା ଫେରସ୍ତ ପାଇବାକୁ ଅନେଇ ବସିଥିବା ବେଳେ ସୁଭ୍ରା କୁଣ୍ଡୁଙ୍କ ଠାରୁ କ’ଣ ତଥ୍ୟ ମିଳିବ , ସେ ତଥ୍ୟ ଜମାକାରୀ ଟଙ୍କା ଫେରସ୍ତ ପାଇବାରେ କିଭଳି ସାହାଯ୍ୟ କରିବ ତାହା ଏବେ ବି ଅନ୍ଧକାର ଭିତରେ ।
ନଜର ପକାନ୍ତୁ ରୋଜଭ୍ୟାଲି ଠକେଇ କଣ ଥିଲା ?
-ରୋଜଭ୍ୟାଲି ଅଧିକ ସୁଧ ଦେବା ଲୋଭ ଦେଖାଇ ଅର୍ଥ ହଡପ କରିଥିବା ଅଭିଯୋଗ
-ଜମା ଅର୍ଥରେ ୮ରୁ ୨୭ ପ୍ରତିଶତ ସୁଧ ଦେବା ଲୋଭ
-କମ ଟଙ୍କାରେ ଘର ଓ ଜମି ଦେବାକୁ ପ୍ରତିଶ୍ରୃତି
-୫ ବର୍ଷରେ ୧୫ ହଜାର ୪୮୪ କୋଟି ଠକିଥିବା ଅଭିଯୋଗ
-ଓଡିଶାରେ ହଜାରେରୁ ଅଧିକ କୋଟି ଟଙ୍କାର ଠକେଇ ଅଭିଯୋଗ
-ସିବିଆଇ ଓ ଇଡି ମାମଲାର ତଦନ୍ତ କରୁଛନ୍ତି
-୨୦୧୫ରେ ରୋଜଭ୍ୟାଲି ମୁଖ୍ୟ ଗୌତମ କୁଣ୍ଡୁ ଗିରଫ
-ଅଢେଇ ହଜାରରୁ ଅଧିକ ବ୍ୟାଙ୍କ ଆକାଉଂଟ ସିଜ୍
-ଫିଲ୍ମ ନିର୍ମାଣରେ ବି ରୋଜଭ୍ୟାଲିର ଟଙ୍କା ବିନିଯୋଗ