କ୍ୟାପଟେନ୍ କୋହଲିଙ୍କ ନିଆରା ରୂପ । ସାଣ୍ଟା ବେଶରେ ନଜର କ୍ୟାପଟେନ୍ କୋହଲୀ, ଭରିଲେ ଅନାଥ ପିଲାଙ୍କ ମୁହଁରେ ହସ ।
କନକ ବ୍ୟୁରୋ: କ୍ରିକେଟ ମଇଦାନର ବର୍ତ୍ତମାନ ବାଦଶାହା ବିରାଟ । ଅନେକଙ୍କୁ ନିଜର ଖେଳରେ ଆକୃଷ୍ଟ କରିଛନ୍ତି ଭାରତୀୟ ଦଳର ଅଧିନାୟକ ବିରାଟ କୋହଲି । ତେବେ ବିରାଟଙ୍କ ଏକ ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । କାରଣ ଏହି ଭିଡିଓରେ କ୍ରିକେଟର ବିରାଟଙ୍କ ଅନ୍ୟ ଏକ ରୂପ ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
କଲିକତାର ଏକ ଅନାଥାଶ୍ରମରେ ପହଁଚି ଛୋଟ ଛୋଟ ପିଲାଙ୍କୁ ଖ୍ରୀଷ୍ଟମାସ୍ ସାଣ୍ଟା ବେଶରେ ସରପ୍ରାଇଜ ଦେଇଛନ୍ତି ଭାରତ କ୍ରିକେଟ ଦଳ ଅଧିନାୟକ ବିରାଟ କୋହଲି । ସାଂଟା କ୍ଲଜ ପୋଷାକରେ ଯାଇ ପହଁଚିଛନ୍ତି କୁନି କୁନି ପିଲାଙ୍କ ଗହଣରେ । ଖାଲି ସେତିକି ନୁହେଁ ଅନାଥାଶ୍ରମର ପ୍ରତ୍ୟେକ ପିଲାଙ୍କ ମନଜାଣି ଉପହାର ବି ଦେଇଛନ୍ତି ଏହି ମ୍ୟାଜିକ ସାଂଟା । ଷ୍ଟାର ସ୍ପୋର୍ଟସ୍ ଚ୍ୟାନେଲ ଦ୍ୱାରା ଏମିତି ଏକ ଭିଡିଓ ଜାରି କରାଯାଇଛି । ଯେଉଁଥିରେ ବିରାଟ କୋହଲିଙ୍କୁ ସାଂଟା କ୍ଲଜ ଭାବେ ଦେଖିବାକୁ ମିଳିଛି । ଆଉ ବିରାଟ ଯେତେବେଳେ ନିଜ ଅସଲ ପରିଚୟ ଦେଇଛନ୍ତି, କୁନି କୁନି ପିଲାମାନେ ଖୁସିରେ ଆତ୍ମବିଭୋର ହୋଇ ତାଙ୍କୁ ଆଲିଙ୍ଗନ କରି ପାକାଉଛନ୍ତି ।
ଖ୍ରୀଷ୍ଟମାସକୁ ନେଇ ସଭିଁଙ୍କ ମନରେ ଥାଏ ଉକ୍ରଣ୍ଠା । ବିଶେଷ କରି ଅନାଥାଶ୍ରମରେ ଥିବା ପିଲାମାନଙ୍କ ମନରେ ବି ଖ୍ରୀଷ୍ଟମାନ ଓ ସାଂଟା କ୍ଲଜକୁ ନେଇ ରହିଛି ଅନେକ ଉତ୍ସୁକତା । ସେସବୁକୁ ପୂରଣ କରିବା ପାଇଁ ଏକ ଭିନ୍ନ ପ୍ରୟାସ କରିଛନ୍ତି । ବିରାଟ ମଧ୍ୟ ପିଲାଙ୍କ ସହ ବେଶ କିଛି ସମୟ ବିତାଇ ସେମାନଙ୍କ ମୁହଁରେ ହସ ଫୁଟାଇ ପାରିଛନ୍ତି । ଖ୍ରୀଷ୍ଟମାସ ଓ ନୂଆ ବର୍ଷକୁ ନେଇ ଷ୍ଟାର୍ସ ସ୍ପୋର୍ଟସ ପକ୍ଷରୁ ଏହି ଭିଡିଓ ରିଲିଜ କରାଯାଇଛି । ଏହାପରି ଅଧିନାୟକ ବିରାଟ କୋହଲିଙ୍କ ଏହି ଉଦ୍ୟମକୁ ସୋସିଆଲ ମିଡିଆରେ ମିଳିଛି ଭରପୁର ପ୍ରଶଂସା ।