କେନ୍ଦ୍ର ମନ୍ତ୍ରୀମଣ୍ଡଳ ସଂପ୍ରସାରଣ : ଶିକ୍ଷା, ସ୍ୱାସ୍ଥ୍ୟ, ଶ୍ରମ ସହ ଅନେକ ମନ୍ତ୍ରୀଙ୍କ ଇସ୍ତଫା । କାହାକୁ ପଦୋନ୍ନତୀ, କିଏ ନୂଆ ଚେହରା ନେଇ ଆଶଂକା
କନକ ବ୍ୟୁରୋ : ପ୍ରଧାନମନ୍ତ୍ରୀଙ୍କ ମନ୍ତ୍ରୀମଣ୍ଡଳ ଆଜି ସନ୍ଧ୍ୟାରେ ସଂପ୍ରସାରଣ ହେବ । ସନ୍ଧ୍ୟା ୬ ଟାରେ ମନ୍ତ୍ରୀମାନେ ଶପଥ ନେବେ । ମୋଦୀ ସରକାରର କାର୍ଯ୍ୟକାଳ ୨ ବର୍ଷ ପୂରଣ ହେବା ପରେ ପ୍ରତମଥର ପାଇଁ ମନ୍ତ୍ରୀମଣ୍ଡଳ ସଂପ୍ରସାରିତ ହେବାକୁ ଯାଉଛି । ଏହି ମନ୍ତ୍ରୀମଣ୍ଡଳରେ କିଛି ଯୁବ ଚେହେରାଙ୍କ ସହ ଅଗାମୀ ବର୍ଷ ବିଧାନସଭା ନିର୍ବାଚନ ହେବାକୁ ଥିବା ରାଜ୍ୟମାନଙ୍କୁ ବି ପ୍ରଧାନମନ୍ତ୍ରୀ ଗୁୁରୁତ୍ୱ ଦେଇ ପାରିନ୍ତି ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ମନ୍ତ୍ରୀମଣ୍ଡଳ ସଂପ୍ରସାରଣ ପୂର୍ବରୁ କେନ୍ଦ୍ର ଶିକ୍ଷାମନ୍ତ୍ରୀ ରମେଶ ପୋଖରିଆଲ ନିଶଂକ, ସ୍ୱାସ୍ଥ୍ୟମନ୍ତ୍ରୀ ଡ.ହର୍ଷବର୍ଦ୍ଧନ, ସ୍ୱାସ୍ଥ୍ୟ ରାଜ୍ୟମନ୍ତ୍ରୀ ଅଶ୍ୱନୀ ଚୌଧୁରୀ,ମହିଳା ଓ ବାଳ ବିକାଶମନ୍ତ୍ରୀ ଦେବୋଶ୍ରୀ ଚୌଧୁରୀ, ସାର ଓ ରସାୟନ ମନ୍ତ୍ରୀ ସଦାନନ୍ଦ ଗୌଡା, ଶ୍ରମ ରାଜ୍ୟମନ୍ତ୍ରୀ ସନ୍ତୋଷ ଗଙ୍ଗୱାର, ଶିକ୍ଷା ରାଜ୍ୟମନ୍ତ୍ରୀ ସଂଜୟ ଘୋତ୍ରେ, ବାବୁଲ ସୁପ୍ରିୟୋ,ପ୍ରତାପ ସଡଙ୍ଗୀ, ଓ ରତନ ଲାଲ କଟାରିଆ ନିଜ ପଦରୁ ଇସ୍ତଫା ଦେଇଛନ୍ତି । ଏହାପୂର୍ବରୁ ଗତକାଲି କେନ୍ଦ୍ର ସାମାଜିକ ନ୍ୟାୟ ମନ୍ତ୍ରୀ ଥାବରଚନ୍ଦ ଗହଲୋତ ମନ୍ତ୍ରୀ ପଦରୁ ଇସ୍ଥଫା ଦେଇଥିଲେ । ତାଙ୍କୁ କର୍ଣ୍ଣାଟକର ରାଜ୍ୟପାଳ ଭାବେ ଅବସ୍ଥାପିତ କରାଯାଇଛି ।
ଅନ୍ୟପଟେ ଆସନ୍ତା ବର୍ଷ ବିଧାନସଭା ନିର୍ବାଚନ ହେବାକୁ ଥିବା ରାଜ୍ୟମାନଙ୍କୁ ଅଗ୍ରାଧିକାର ଭିତିରେ ମନ୍ତ୍ରୀପଦ ଦିଆଯିବା ନେଇ ଆଶା କରାଯାଉଛି । ଆଗାମୀ ବର୍ଷ ଉତ୍ତରପ୍ରଦେଶ ବିଧାନସଭା ନିର୍ବାଚନକୁ ନଜରରେ ରଖି ୟୁପିର ୪ ଜଣଙ୍କୁ କେନ୍ଦ୍ର ମନ୍ତ୍ରୀମଣ୍ଡଳରେ ସାମିଲ କରାଯିବା ନେଇ କଳ୍ପନା କରାଯାଉଛି । ସେମାନଙ୍କ ମଧ୍ୟରୁ ଅନୁପ୍ରିୟା ପଟେଲ ଓ ବିନୋଦ ସୋନକରଙ୍କ ନାମ ଆଗରେ ଥିବା କୁହାଯାଇଛି । ଏହାସହ ସାଂସଦ ଅଜୟ କୁମାର ମିଶ୍ର ଓ ରାଜ୍ୟସଭା ସାଂସଦ ବିଏଲ ବର୍ମାଙ୍କ ନାମ ଲିଷ୍ଟରେ ସାମିଲ ହୋଇଥିବା କୁହାଯାଉଛି । ଏମାନେ ସମସ୍ତେ ପ୍ରଧାନମନ୍ତ୍ରୀଙ୍କ ବାସଭବନରେ ପହଂଚି ସାରିଛନ୍ତି ।