ବିଧାୟକଙ୍କ ଅଡିଓ ଟେପକୁ ନେଇ ବିଧାନସଭାରେ ଉଠିଲା ଝଡ଼ । ଚାନ୍ଦବାଲି ବିଧାୟଙ୍କୁ ଘେରିଲେ ବିରୋଧୀ ଦଳ ନେତା
କନକ ବ୍ୟୁରୋ: ବାଂଶଡ଼ା ଥାନା ଏଏସଆଇ ଏବଂ ଚାନ୍ଦବାଲି ବିଧାୟକଙ୍କୁ ନେଇ ଘୁରି ବୁଲୁଥିବା ଅଡିଓ କ୍ଲିପ୍ ବିବାଦ ଭିତରେ ନେତାଙ୍କ ଆଚରଣ ଓ ଉଚ୍ଚାରଣକୁ ନେଇ ଏକ ବଡ଼ ଧରଣର ବିତର୍କ ସୃଷ୍ଟି ହୋଇଛି । ଏହି ପ୍ରସଙ୍ଗଟି ଏବେ ବିଧାନସଭାରେ ମଧ୍ୟ ପହଂଚିଛି । ବିଧାୟକ ଓ ପୁଲିସ୍ ଏଏସ୍ଆଇଙ୍କ ଭିତରେ ହୋଇଥିବା କଥାବାର୍ତାର ଅଡିଓ ଏବେ ମୋବାଇଲରୁ ମୋବାଇଲରୁ ଘୁରି ବୁଲୁଥିବା ବେଳେ ଏହାର ଝଡ଼ ବିଧାନସଭାରେ ଉଠିଛି ।
Kanak News is now on WhatsApp
Join and get latest news updates delivered to you via WhatsApp
ଚାନ୍ଦବାଲି ବିଧାୟକ ବ୍ୟୋମକେଶ ରାୟ ଏବଂ ବାଂଶଡ଼ା ଏଏସ୍ଆଇ ଗୁରୁପ୍ରସାଦ ବେହେରାଙ୍କ ଭିତରେ ହୋଇଥିବା କଥାବାର୍ତାକୁ ନେଇ ଶୂନ୍ୟକାଳରେ ମୁହାଁମୁହିଁ ହୋଇଛନ୍ତି ବିରୋଧୀ ଦଳ ନେତା ଓ ବିଜେଡି ବିଧାୟକ । ବିଧାୟକଙ୍କ ଆଚରଣ କଥା ଉଠାଇ ରାଜ୍ୟର ଶାସନ ବ୍ୟବସ୍ଥା ନେଇ ପ୍ରଶ୍ନ ଉଠାଇଥିବା ବେଳେ ବାଚସ୍ପତିଙ୍କ ରୁଲିଂ ଦାବି କରିଛନ୍ତି । ବିରୋଧୀ ଦଳ ନେତା ଭାଇରାଲ ଅଡିଓ ପ୍ରସଙ୍ଗ ଉଠାଇ କହିଥିଲେ- ରାଜ୍ୟର କିଭଳି ଶାସନ ଚାଲିଛି? ଶାସକ ଦଳର ନେତା ପୁଲିସ୍ ଏଏସ୍ଆଇକୁ ଧମକାଇ ପାରିବେ କି? ଘଟଣାର ନିରପେକ୍ଷ ତଦନ୍ତ କରାଯାଉ । ବିଧାୟକଙ୍କ ଆଚରଣରେ ଶାଳୀନତା ରଖିବାକୁ ବାଚସ୍ପତି ରୁଲିଂ ଦାବି କରନ୍ତୁ ।
ଯାହାର ଜବାବରେ ଚାନ୍ଦବାଲି ବିଧାୟକ କହିଥିଲେ- ଅଡିଓ ଟେପ୍କୁ ବିଭ୍ରାନ୍ତ କରି ଦେଖାଯାଉଛି । ସେ ପିଏଚ୍ଡି କରିଛନ୍ତି ଏବଂ ବ୍ୟବହାର କେମିତି କରାଯିବ ଜାଣନ୍ତି । ପୁଲିସ ଅଧିକାରୀ ଲୋକଙ୍କୁ ହଇରାଣ କରୁଥିଲେ । ଯଦି ବାଚସ୍ପତି ଚାହିଁବେ ସମ୍ପୂର୍ଣ୍ଣ ଅଡିଓ ଗୃହରେ ରଖିବେ ବୋଲି ବ୍ୟୋମକେଶ କହିଥିଲେ ।
ରାଜନୀତିର ଏହି ବୟାନବାଜି ଭିତରେ ୨୦୧୯ ମସିହାର କଥା ମନେ ପକାନ୍ତୁ, ଯେତେବେଳେ ପଂଚମ ଥର ପାଇଁ ମୁଖ୍ୟମନ୍ତ୍ରୀ ଭାବେ ନିର୍ବାଚନ ହୋଇଥିଲେ ନବୀନ ପଟ୍ଟନାୟକ । ସେତେବେଳେ ବିଧାୟକଙ୍କ ଆଚରଣ ଓ ଉଚ୍ଚାରଣ କେମିତି ହେବା ଉଚିତ, ନବନିର୍ବାଚିତ ବିଧାୟକଙ୍କୁ ବୁଝାଇଥିଲେ ନବୀନ । ଏମିତି କି ଗାନ୍ଧୀଙ୍କ ଆଦର୍ଶରେ ଚାଲିବାକୁ ପରାମର୍ଶ ଦେଇଥିଲେ । ଏସବୁ ଭିତରେ ବିଧାନସଭାରେ ଗାନ୍ଧୀ ଆଦର୍ଶ ନେଇ ଚର୍ଚ୍ଚା ହେଉଥିବା ବେଳେ ଚାନ୍ଦବାଲି ବିଧାୟଙ୍କ ଆଚରଣ, ସମସ୍ତଙ୍କୁ ଚକିତ କରିଛି।