ପେପର ପଢାରେ ମତୁଆଲା ଡ୍ରାଇଭର୍ ! ଯାତ୍ରୀଙ୍କ ଜୀବନକୁ ଭ୍ରୁକ୍ଷେପ ନକରି ବସ୍ ଚାଲୁଥିବା ସମୟରେ ଖବରକାଗଜ ପଢୁଥିବା ଡ୍ରାଇଭରଙ୍କ ଭିଡିଓ ହେଲା ଭାଇରାଲ୍ ।
ସକାଳୁ ସକାଳୁ ଖବରକାଗଜ ପଢିବା ଏକ ଭଲ ଅଭ୍ୟାସ । ଦେଶ ଦୁନିଆର ଖବର ବିଷୟରେ ଅବଗତ ହେବାର ଅଧିକାର ସମସ୍ତଙ୍କର ରହିଛି । କିନ୍ତୁ ଏଥିରେ କାହାର ଜୀବନକୁ ଯଦି କ୍ଷତି ପହଞ୍ଚେ ତେବେ ଏଭଳି ଅଭ୍ୟାସକୁ ଅଭ୍ୟାସ ନକହି ବଦଭ୍ୟାସ କହିବା ସାର ହେବ । ଆମେ ଏଠାରେ କହୁଛୁ ଜଣେ ବସ୍ ଡ୍ରାଇଭରଙ୍କ କଥା । ଯାହାଙ୍କ ଭିଡିଓ ଏବେ ସୋସିଆଲ୍ ମିଡିଆରେ ଘୁରି ବୁଲୁଛି । ବସ୍ ଚଲାଇବା ସମୟରେ ଖବର କାଗଜ ପଢୁଛନ୍ତି ଏହି ଡ୍ରାଇଭର । ଏପରି ଏକ ଆଶ୍ଚର୍ଯ୍ୟ ଜନକ ଦୃଶ୍ୟ ଦେଖିବାକୁ ମିଳିଛି ତାମିଲନାଡୁର ରାଜଧାନୀ ଚେନ୍ନାଇରେ । ଡ୍ରାଇଭର ଜଣଙ୍କ ବସରେ ବସିଥିବା ସମସ୍ତ ପ୍ୟାସେଞ୍ଜରଙ୍କ ଜୀବନକୁ ବିପଦରେ ପକାଇ ଗାଡି ଚଲାଉଛନ୍ତି । ଏହି ଦୃଶ୍ୟକୁ ଦେଖିଲେ ଅନୁମାନ କରିହେବ କିପରି ଅତି ହାଲକା ଭାବେ ଏହି ଘଟଣାକୁ ନେଇଛନ୍ତି ଡ୍ରାଇଭର ।
Kanak News is now on WhatsApp
Join and get latest news updates delivered to you via WhatsApp
ରାଜଧାନୀ ଚେନ୍ନାଇର ଏକ ଜନଗହଳିପୂର୍ଣ୍ଣ ସ୍ଥାନରେ ବିନା ଚିନ୍ତାରେ ପେପର ପଢୁଛନ୍ତି ଏବଂ ତା ସହିତ ଗାଡି ମଧ୍ୟ ଚଲାଉଛନ୍ତି । ହେଲେ କେହି ତାଙ୍କୁ ଏ ନେଇ ପ୍ରଶ୍ନ ବି କରୁନାହାନ୍ତି । ଚେନ୍ନାଇର ଅବାଡିରୁ ତିରୁଆମୁରକୁ ଯାଉଥିବା ରାସ୍ତାରେ ବସଟି ଏହିପରି ଚାଲିଥିଲା । ଜୀବନକୁ ପାଣି ଛଡାଇ ବସିଥିଲେ ପାସେଞ୍ଜର । ଆଉ ଜଣେ ପାସେଞ୍ଜର ଏହି ଚିତ୍ରକୁ କ୍ୟାମେରାରେ ଉଠାଇଛନ୍ତି । ତେବେ ଏପରି ପେପର ପଢି ଗାଡି ଚଳାଇବାରେ ଡ୍ରାଇଭରଙ୍କ ପୂର୍ବରୁ ଅଭିଜ୍ଞତା ଅଛି କି ନାହିଁ, ଏପରି ଗାଡି ଚଲାଇବାର କ୍ଷମତା ତାଙ୍କର ଅଛି କି ନାହିଁ ତାହା ଏବେ ବି ଅସ୍ପଷ୍ଟ ରହିଛି ।