କେଉଁମାନଙ୍କ ସହାୟତାରେ ଅର୍ଥମନ୍ତ୍ରୀ ପ୍ରସ୍ତୁତ କରିଥାନ୍ତି ଆର୍ଥିକ ବଜେଟ୍, ଆସନ୍ତୁ ଜାଣିବା ବଜେଟ ପ୍ରସ୍ତୁତି ପଛର କିଛି ଅଜଣା କଥା
କନକ ବ୍ୟୁରୋ : ଚଳିତ ବର୍ଷ ଫେବୃଆରୀ ମାସ ପହିଲାରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ୨୦୨୨ ମସିହା ପାଇଁ ସାଧାରଣ ବଜେଟ ଉପସ୍ଥାପନ କରିବେ । ଏହି ବଜେଟକୁ ପ୍ରସ୍ତୁତ କରିବାକୁ ପାଇଁ ଅର୍ଥମନ୍ତ୍ରୀଙ୍କ ସହ କିଛି ବିଜ୍ଞ ବ୍ୟକ୍ତି କାମ କରିଥାନ୍ତି । ଏହି ବଜେଟ ପ୍ରସ୍ତୁତ ଟିମରେ ଟି.ବି ସୋମନାଥନ, ତରୁଣ ବଜାଜ୍, ଅଜୟ ସେଠ୍ ଓ ତୁହିନ କାନ୍ତ ପାଣ୍ଡେଙ୍କ ସହ ଅନେକ ବିଜ୍ଞ ବ୍ୟକ୍ତି ସାମିଲ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଫେବୃଆରୀ ମାସରେ ଉପସ୍ଥାପିତ ହେବାକୁ ଥିବା ବଜେଟରେ ଅର୍ଥମନ୍ତ୍ରୀ ନିର୍ମଳା ସୀତାରମଣ କରୋନା ମହାମାରୀ ସହ ଲଢୁଥିବା ଦେଶକୁ ନୂଆ ମାର୍ଗ ଦେବାରେ ସହାୟକ ହେବ ବୋଲି ଅନୁମାନ କରାଯାଉଛି । ଏହାସହ ବଜେଟ କିଭଳି ହେବ ଏହା ସାଧାରଣ ଲୋକଙ୍କ ପାଇଁ କଣ ଆସ୍ୱସ୍ଥିକର ଖବର ଆଣିବ ତାହା ଉପରେ ଲୋକଙ୍କ ନଜର ରହିଛି । ଅର୍ଥମନ୍ତ୍ରୀଙ୍କ ସହ ପୂରା ଟିମ ବିଶେଷ ବର୍ଗ ଠାରୁ ଆରମ୍ଭ କରି ସାଧାରଣ ବର୍ଗର ଲୋକଙ୍କ ସ୍ଥିତିକୁ ଧ୍ୟାନରେ ରଖି ବଜେଟ ପ୍ରସ୍ତୁତ କରିବାରେ ଲାଗିଛନ୍ତି । ଆଜି ଆମେ ଆପଣଙ୍କୁ ଏହି ଟିମରେ କାମ କରୁଥିବା କିଛି ବିଶେଷ ଲୋକଙ୍କ ବାବଦରେ କହିବାକୁ ଯାଉଛୁ ।
ନିର୍ମଳା ସୀତାରମଣ : ଦେଶର ଅର୍ଥମନ୍ତ୍ରୀ ଭାବେ ନିର୍ମଳା ସୀତାରମଣ ନିଜର ଚତୁର୍ଥ ବଜେଟ ଉପସ୍ଥାପନ କରିବାକୁ ଯାଉଛନ୍ତି । ପୂର୍ବ ବର୍ଷ ସାଧାରଣ ବଜେଟ ବି କରୋନା ମହାମାରୀ ମଧ୍ୟରେ ଉପସ୍ଥାପନ କରାଯାଇଥିଲା । ଏକ ରିପୋର୍ଟ ମୁତାବକ ଅର୍ଥମନ୍ତ୍ରୀ ପ୍ରତିଶୃତି ଦେଇଛନ୍ତି କି ଚଳିତ ବଜେଟ ଅନ୍ୟ ବଜେଟ ତୁଳନାରେ କିଛି ସ୍ୱତନ୍ତ୍ର ହେବ ।
ଟିବି ସୋମନାଥନ : ଅର୍ଥମନ୍ତ୍ରଣାଳୟର ଏକ୍ସପେଣ୍ଡିଚର ସେକ୍ରେଟାରୀ ଭାବେ ଦାୟିତ୍ୱ ସମ୍ଭାଳିଥିବା ଟିବି ସୋମନାଥନ ବଜେଟ ଟିମର ମୁଖ୍ୟ ଅଟନ୍ତି । ପରମ୍ପରା ମୁତାବକ ଅର୍ଥମନ୍ତ୍ରଣାଳୟର ୫ ଜଣ ସେକ୍ରେଟାରୀଙ୍କ ମଧ୍ୟରୁ ବରିଷ୍ଠ ସେକ୍ରେଟାରୀଙ୍କୁ ଫାଇନାନ୍ସ ସେକ୍ରେଟାରୀ ଭାବେ ନିଯୁକ୍ତି ଦିଆଯାଇଥାଏ । ସୋମନାଥନ ୧୯୮୭ ବ୍ୟାଚର ତାମିଲନାଡୁ କ୍ୟାଡରର ଆଇଏଏସ ଅଧିକାରୀ । ଏହା ପୂର୍ବରୁ ସେ ବିଶ୍ୱ ବ୍ୟାଙ୍କରେ ବି କାମ କରିସାରିଛନ୍ତି । କୋଲକତା ବିଶ୍ୱ ବିଦ୍ୟାଳୟରୁ ଅର୍ଥନୀତିରେ ପିଏଚଡି କରିଥିବା ସୋମନାଥଙ୍କ ଉପରେ ବଜେଟରେ ଖର୍ଚ୍ଚ ଉପରେ ଅଂକୁଶ ଲଗାଇବା ଦାୟିତ୍ୱ ରହିଛି ।
ତରୁଣ ବଜାଜ୍ : ୧୯୮୮ ହରିଆଣା ବ୍ୟାଚର ଆଇଏଏସ ଅଧିକାରୀ ତରୁଣ ବଜାଜ ଅର୍ଥମନ୍ତ୍ରଣାଳୟର ଆର୍ଥିକ ପ୍ରସଙ୍ଗ ବିଭାଗର ସଚିବ ଅଟନ୍ତି । ଅର୍ଥମନ୍ତ୍ରଣାଳୟରେ ଯୋଗ ଦେବା ପୂର୍ବରୁ ସେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ କାମ କରୁଥିଲେ । ସେଠାରେ ସେ ଦେଶ ପାଇଁ ଅନେକ ସହାୟତା ପ୍ୟାକେଜ ଉପରେ କାମ କରିସାରିଛନ୍ତି । ରିପୋର୍ଟ ମୁତାବକ ୩ ଟି ଆତ୍ମନିର୍ଭର ଭାରତ ପ୍ୟାକେଜ ପ୍ରସ୍ତୁତ କରିବାରେ ତରୁଣ ବଜାଜଙ୍କ ପ୍ରମୁଖ ଭୂମିକା ରହିଛି ।
ଅଜୟ ସେଠ : ଅର୍ଥମନ୍ତ୍ରଣାଳୟର ସବୁଠାରୁ ନୂଆ ସଦସ୍ୟ ହୋଇଥିଲେ ବି ଇକୋନୋମିକ ଅଫେୟାର୍ସ ସେକ୍ରେଟାରୀ ପଦରେ ଥିବା ଅଜୟ ସେଠ୍ ଙ୍କ ଉପରେ ସମସ୍ତଙ୍କର ନଜର ରହିଛି । କାରଣ ଡିଡିଏ କ୍ୟାପିଟାଲ ମାର୍କେଟ, ଇନଭେଷ୍ଟମେଣ୍ଟ ଓ ଇନଫାଷ୍ଟ୍ରକ୍ଚର ସହିତ ଜଡିତ ବିଭାଗର ମୁଖ୍ୟ ଅଟନ୍ତି ଅଜୟ ସେଠ୍ । ଅଜୟ କର୍ଣ୍ଣାଟକ କ୍ୟାଡରର ୧୯୮୭ ବ୍ୟାଚର ଆଇପିଏସ ଅଟନ୍ତି ।
ଦେବାଶିଷ ପାଣ୍ଡା : ଦେବାଶିଷ ପାଣ୍ଡା ଅର୍ଥମନ୍ତ୍ରଣାଳୟର ଅର୍ଥସେବା ବିଭାଗର ସଚିବ ଅଟନ୍ତି । ପାଣ୍ଡାଙ୍କୁ ଏଥିପାଇଁ ଟିମର ଏକ ଗୁରୁତ୍ୱପୂର୍ଣ୍ଣ ଅଙ୍ଗଭାବେ ବିବେଚନା କରାଯାଏ କି ବଜେଟରେ ଆର୍ଥିକ କ୍ଷେତ୍ର ସହିତ ଜଡିତ ଛୋଟ ବଡ ସମସ୍ତ ଘୋଷଣା ତାଙ୍କ ଉପରେ ନିର୍ଭର କରିଥାଏ । ୧୯୮୭ ବ୍ୟାଚର ଉତ୍ତର ପ୍ରଦେଶ କ୍ୟାଡରର ଆଇପିଏସ ଦେବାଶିଷ ପାଣ୍ଡାଙ୍କ ଉପରେ ଆଥିର୍କ ସିଷ୍ଟମର ସ୍ଥିରତା ସୁନିଶ୍ଚିତ କରିବାକୁ ଭାରତୀୟ ରିଜର୍ଭ ବ୍ୟାଙ୍କ ସହ ମିଳିତ ଭାବେ କାମ କରିବାର ଦାୟିତ୍ୱ ରହିଛି ।
ତୁହୀନକାନ୍ତ ପାଣ୍ଡେ : ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ବଜେଟ ଟିମରେ ତୁହୀନକାନ୍ତ ପାଣ୍ଡେଙ୍କ ନାମ ସାମିଲ ରହିଛି । ଯାହାଙ୍କ ବିଭାଗ ଉପରେ ସମସ୍ତଙ୍କ ନଜର ରହିଛି । ୧୯୮୭ ବ୍ୟାଚ ଓଡିଶା କ୍ୟାଡରର ଆଇପିଏସ ଅଧକାରୀ ତୁହୀନକାନ୍ତ ନିବେଶ ଓ ସାର୍ବଜନୀକ ପରିସଂପତ୍ତି ପ୍ରବନ୍ଧନ ବିଭାଗର ସଚିବ ଅଟନ୍ତି । ତାଙ୍କୁ ଅକ୍ଟୋବର ୨୦୧୯ ରେ ଡିଆଇପିଏଏମର ସଚିବ ଭାବେ ନିଯୁକ୍ତ କରାଯାଇଥିଲା ।
କୃଷ୍ଣମୂର୍ତ୍ତି ସୁବ୍ୟମଣ୍ୟମ : କୃଷ୍ଣମୂର୍ତ୍ତି ସୁବ୍ୟମଣ୍ୟମ ଫାଇନାନସିଆଲ ଇକୋନୋମିକରେ ପିଏଚଡି କରିଛନ୍ତି । ୟୁନିଭରସିଟି ଅଫ୍ ଚିକାଗୋ ବୁଥ ସ୍କୁଲ ଅଫ୍ ବିଜନେସରେ ପ୍ରଫେସର ଲ୍ୟୁଗି ଜିଙ୍ଗେଲ୍ସ ଓ ରଘୁରାମ ରାଜନଙ୍କ ମାର୍ଗଦର୍ଶନରେ ସେ ଏହି ପିଏଚଡି ସମ୍ପୂର୍ଣ୍ଣ କରିଥିଲେ । ୨୦୧୮ ମସିହାରେ ସୁବ୍ରମଣ୍ୟମଙ୍କୁ ମୁଖ୍ୟ ଆର୍ଥିକ ପରାମର୍ଶଦାତା ଭାବେ ନିଯୁକ୍ତି ମିଳିଥିଲା । ତାଙ୍କୁ ବ୍ୟାଙ୍କିଙ୍ଗ୍, କର୍ପୋରେଟ ପ୍ରଶାସନ ଓ ଆର୍ଥିକ ନୀତିର ମହାରଥୀ ଭାବେ ବିବେଚନା କରାଯାଏ ।