କନକ ବ୍ୟୁରୋ: ଯବାନଙ୍କ ନାଁ ଶୁଣିଲେ ମୁଣ୍ଡ ସେମାନଙ୍କ ପାଇଁ ଆପେ ଆପେ ନଇଁଯାଏ କାରଣ ନିଜ ଜୀବନକୁ ଏମାନେ ପାଣି ଛଡେଇ ଦେଶମାତୃକାର ସେବା କରିଥାନ୍ତି । ପ୍ରତି ଦେଶର ଯବାନଙ୍କୁ ସେମାନଙ୍କ ଦେଶ ଯଥେଷ୍ଟ ସମ୍ମାନ ଦେବା ସହ ସେମାନଙ୍କ ପାଇଁ ଅନେକ କିଛି ସୁବିଧା ସୁଯୋଗ ଯୋଗାଇଦେଇଥାନ୍ତି । ସେମାନଙ୍କର ସାହସିକତା ପାଇଁ ସେମାନଙ୍କୁ ସମ୍ମାନୀତ କରାଯାଇଥାଏ । ହେଲେ ଏପରି ଜଣେ ଯବାନଙ୍କ କାହାଣୀ ଏବେ ସୋସିଆଲ ମିଡିଆରେ ଘୁରିବୁଲୁଛି ଯିଏ ନିଜ ସାହସିକତାର ମିଛ କାହାଣୀ କହି ସାରା ଦୁନିଆଁକୁ ଠକିଛନ୍ତି । ତାଙ୍କ ମିଛ କାହାଣୀ ଶୁଣିବା ପରେ ତାଙ୍କୁ ଯେଉଁ ମେଡାଲ ମିଳିଲା ତାକୁ ପାଖାପାଖି ଦେଢ କୋଟି ଟଙ୍କାରେ ବିକିଦେଲେ । ତେବେ ଆସନ୍ତୁ ଜାଣିବା କିଏ ଏହି ଯବାନ ଏବଂ ସେ ଏପରି ମିଛ କହିବା ପଛର କାରଣ କ’ଣ ।
Kanak News is now on WhatsApp
Join and get latest news updates delivered to you via WhatsApp
ବ୍ରିଟିଶ୍ ଆର୍ମିମାନଙ୍କ ପାଇଁ ଭିକ୍ଟୋରିଆ ପଦକ ପରେ ବିଶିଷ୍ଟ ବୀରତ୍ୱ ପଦକ ହେଉଛି ଦ୍ୱିତୀୟ ସର୍ବୋଚ୍ଚ ବୀରତ୍ୱ ପଦକ । ତେବେ ଏହି ପଦକକୁ ଜଣେ ବ୍ରିଟିଶ୍ ଯବାନ ସାହସିକତାର କାହାଣୀ କହି ନିଜ ନାଁରେ କରାଇ ନେଇଥିବା ଅଭିଯୋଗ ହୋଇଛି । ଏହାସହ ସେ ଏହି ମେଡାଲକୁ ୧.୩୪ କୋଟିରେ ବିକ୍ରି କରିଦେଇଛନ୍ତି । ତେବେ ବ୍ରିଟେନର ଏହି ଯବାନଜଣଙ୍କ ନାଁ ହେଉଛି ସାର୍ଜେନ ଡିକନ୍ କଟରହୋମ୍ , ଯାହାଙ୍କୁ ବିଶିଷ୍ଟ ବୀରତ୍ୱ ମେଡାଲରେ ସମ୍ମାନୀତ କରାଯାଇଛି ।
ଡିକନ୍ କଟରହୋମଙ୍କୁ ଏହି ବୀରତ୍ୱ ପୁରସ୍କାର ଦେବାର କାରଣ ହେଉଛି , ସେ କହିଥିଲେ ୨୦୧୧ମସିହାରେ ତାଲିବାନର ହ୍ୟାଣ୍ଡ ଗ୍ରେନେଡ୍ ହାତରେ ଧରି ତାଙ୍କ ସହଯୋଗୀଙ୍କ ଠାରୁ ସେ ଦୂରରେ ଫୋପାଡି ଦେଇଥିଲେ । ତେଣୁ ସେତେବେଳେ ତାଙ୍କର ଏହି ସାହସିକତାପୂର୍ଣ୍ଣ କାର୍ଯ୍ୟ ପାଇଁ ଅନେକ ଲୋକଙ୍କ ଜୀବନ ବଞ୍ଚିଯାଇଥିଲା । ସେଥିପାଇଁ ତାଙ୍କୁ ବିଶି୍େଟ ବୀରତ୍ୱ ପୁରସ୍କାର ମିଳିଥିଲା । ତେବେ ପ୍ରକୃତରେ ଏପରି କିଛି ହୋଇନଥିବା ତାଙ୍କ ସହଯୋଗୀମାନେ ଜୋର ଦେଇ କହିଥିଲେ । ସେମାନେ କହିଥିଲେ ଯେ ଏହି ବୀରତ୍ୱ ମେଡାଲକୁ ହାସଲ କରିବାକୁ ର୍ସାେଟ୍ ଡିନ୍ କଟରହୋମ ସାହସିକତାର ମିଛ କାହାଣୀ କହିଛନ୍ତି ।
ଅନ୍ୟପଟେ ସାର୍ଜେଟ୍ ଡିକ୍ ନିଜେ ସ୍ୱୀକାର କରିଛନ୍ତି ଯେ, ସେ ଏହି ସାହିସିକତା କାର୍ଯୃ କରିବା ସମୟରେ ତାଙ୍କୁ କେହି ଦେଖି ନଥିଲେ । କାରଣ ସେ କହିଛନ୍ତି ଯେ, ଯେତେବେଳେ ସେ ଗ୍ରେନେଡ୍ ଦେଖିଲେ କିଛି ନଭାବି ନବୁଝି ତା ଉପରକୁ ଡେଇଁ ପଡିଥିଲେ ଓ ତାଙ୍କ ସାଥୀଙ୍କ ଠାରୁ ବହୁ ଦୂରକୁ ନେଇଯାଇଥିଲେ । ଏହି ଘଟଣା ସାମ୍ନାକୁ ଆସିବା ପରେ ମିଲିଟାରୀ ପୋଲିସ ଫୋର୍ସ ଏହି ଘଟଣାର ତଦନ୍ତ ଆରମ୍ଭ କରିଛନ୍ତି । ସେହିପରି ଏହି ଘଟଣାକୁ ନେଇ ସେନା ମୁଖ୍ୟ କହିଛନ୍ତି ଯେ, ତଦନ୍ତ ଶେଷ ନହେବା ଯାଏଁ ଏନେଇ କୌଣସି ମନ୍ତବ୍ୟ ଦେବା ଉଚିତ ହେବ ନାହିଁ ।