ବଡି ବିଲ୍ଡିଙ୍ଗ ପାଇଁ ନେଉଥିଲେ ଇଞ୍ଜେକ୍ସନ୍ । ଜନ୍ମ ଦିନରେ ହିଁ ଚାଲିଗଲା ଜୀବନ ।
କନକ ବ୍ୟୁରୋ: ଆଜିକାଲି ବଡି ବିଲ୍ଡିଙ୍ଗ କରିବା ତଥା ମାଂସପେଶୀ ବଢାଇବା ଯୁବବର୍ଗଙ୍କର ଏକ ପ୍ରକାର ପ୍ୟାସନ୍ ଓ ଫ୍ୟାସନ୍ ହୋଇଗଲାଣି । ଏଥିରୁ ବୟସ୍କ ବି ବାଦ ପଡୁନାହାଁନ୍ତି । କିଏ ଏଥିପାଇଁ ଜିମ୍ ଯାଇ ଏକ୍ସରସାଇଜ୍ କରି ଝାଳ ବୁହାଉଛି ତ ଆଉ କେହି ପରଫେକ୍ଟ ବଡି ପାଇବାକୁ ସଟ୍ କଟ୍ ବାଟ ଆପଣାଉଛି । ପରେ ଘୋର ବିପଦର ଶିକାର ହେଉଛନ୍ତି । ଏପରି ଏକ ଘଟଣା ଦେଖିବାକୁ ମିଳିଛି ବ୍ରାଜିଲରେ ।
Kanak News is now on WhatsApp
Join and get latest news updates delivered to you via WhatsApp
ବ୍ରାଜିଲର ବଡିବିଲ୍ଡର ତଥା ଟିକଟକ୍ ଷ୍ଟାର୍ ବାଲଦିର ସେଗାତୋ ମସଲ୍ସ ବଢାଇବାକୁ କିଛି ଏପରି କାମ କଲେ ଯେଉଁଥିପାଇଁ ତାଙ୍କୁ ପ୍ରାଣ ହରାଇବାକୁ ପଡିଲା । ‘ହଲ୍କ’ଭାବେ ଜଣାଶୁଣା ବାଲଦିର ୨୩ ଇଞ୍ଚର ବାଇସେପ୍ସ ବନାଇବାକୁ ଚାହୁଁଥିଲେ । ଏଥିପାଇଁ ସେ ଏକ ବିଶେଷ ତୈଳର ଇଞ୍ଜେକ୍ସନ ନେଉଥିଲେ । ଏହି ଇଞ୍ଜେକ୍ସନ୍ ଘାତକ ବୋଲି ଜାଣି ମଧ୍ୟ ସିନ୍ଥଲ ନାମକ ଇଞ୍ଜେକ୍ସନ୍ ନେଉଥିଲେ । ଲୋକେ ତାଙ୍କୁ ଶ୍ୱର୍ଜନେଗର, ହକ୍ ଓ ହି-ମ୍ୟାନ ୍ଡାକୁଥିବାରୁ ତାଙ୍କୁ ସେଥିରୁ ଖୁବ୍ ଆନ୍ଦ ମିଳିଥାଏ । ତେଣୁ ଏପରି ଖୁସି ଆଗରେ ମୃତ୍ୟୁର ସମ୍ଭାବନା ତାଙ୍କୁ କିଛି ବି ଲାଗୁନଥିଲା ।
୬ ବର୍ଷ ତଳେ ଡାକ୍ତର ବାଲଦିରଙ୍କୁ ଚେତାବନୀ ବାଣୀ ଶୁଣାଇଥିଲେ । ସିନ୍ଥଲ ଇଞ୍ଜେକ୍ସନ୍ ନେଲେ ତାଙ୍କର ନର୍ଭସ୍ ସିଷ୍ଟମ୍ ଦୁର୍ବଳ ହୋଇଯାଇ ହୃଦଘାତ ହେବାର ଯଥେଷ୍ଟ ସମ୍ଭାବନା ରହିଥିବା କହିଥିଲେ । ହେଲେ ଏହାକୁ ଭ୍ରୁକ୍ଷେପ କରିନଥିଲେ ବାଲଦିର । ଶେଷରେ ୫୫ ବର୍ଷ ବୟସରେ ତାଙ୍କ ଜନ୍ମିଦନରେ ବାଲଦିରଙ୍କର ହୃଦଘାତରେ ମୃତ୍ୟୁ ହୋଇଛି ।