ନେହେରୁ କପ ହକି ଫାଇନାଲରେ ଅଭାବନୀୟ ଘଟଣ । ପଡିଆ ମଝିରେ ପିଟାପିଟି ହେଲେ ଦୁଇ ଦଳର ଖେଳାଳି । ସୋସିଆଲ ମିଡିଆରେ ଭିଡିଓ ଭାଇରାଲ
କନକ ବ୍ୟୁରୋ: ହକି ଖେଳ ବେଳେ ମୁହାଁମୁହିଁ ହେଲେ ଦୁଇ ଖେଳାଳି ଗୋଷ୍ଠୀ । ଏଭଳି ପରିସ୍ଥିତି ସୃଷ୍ଟି ହୋଇଛି ନୂଆଦିଲ୍ଲୀରେ ଖେଳାଯାଇଥିବା ନେହେରୁ କପ ହକି ଫାଇନାଲରେ । ଗତକାଲି ଏହି ମ୍ୟାଚ ଚାଲିଥିଲା ଆଉ ଏହି ସମୟରେ ମୁହାଁମୁହିଁ ହୋଇଥିଲେ ପଞ୍ଜାବ ପୁଲିସ ଓ ପଞ୍ଜାବ ନ୍ୟାସନାଲ ବ୍ୟାଙ୍କର ଖେଳାଳି । ଗଣ୍ଡଗୋଳର ଦୃଶ୍ୟ ସୋସିଆଲ ମିଡିଆରେ ଭାଇରାଲ ହେଉଛି । ଏଥିରେ ଦୁଇ ପକ୍ଷର ଖେଳାଳି ପରଷ୍ପରକୁ ଜୋରଦାର ଆକ୍ରମଣ କରୁଛନ୍ତି । ପଞ୍ଜାବ ପୁଲିସର ଖେଳାଳି ଲାଲ ଜର୍ସିରେ ଥିବାବେଳେ ପଞ୍ଜାବ ନ୍ୟାସନାଲ ବ୍ୟାଙ୍କର ଖେଳାଳି ଧଳା ଜର୍ସିରେ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
#WATCH Delhi: Scuffle broke out between Punjab Police Hockey & Punjab National Bank Hockey teams during Nehru Cup finals. Elena Norman, Hockey India CEO says, “We’re awaiting official report from Tournament officials, based on which Hockey India will take necessary action.” pic.twitter.com/Yz3LAtGPl7
— ANI (@ANI) November 25, 2019
ଭିଡିଓରେ ପଞ୍ଜାବ ପୁଲିସର ଖେଳାଳି ଅଧିକ ଆକ୍ରାତ୍ମକ ହେଉଥିବା ଦେଖିବାକୁ ମିଳିଛି । ହାତରେ ହକିଷ୍ଟକ ଧରି ପିଏନବି ଖେଳାଳିଙ୍କୁ ଗୋଡାଉଛନ୍ତି । ପିଏନବିର ଜଣେ ଖେଳାଳି ପଡିଆରେ ପଡିଥିବାବେଳେ ତାଙ୍କୁ ହକି ଷ୍ଟିକରେ ପିଟାଯାଉଛି । ତେବେ ପରେ ଖେଳ ଜାରି ରହିଥିଲା ଓ ଦୁଇ ପକ୍ଷର ୮ ଜଣ ଲେଖାଁଏ ଖେଳାଳି ମୈଦାନରେ ଥିଲେ । ପଞ୍ଜାବ ନ୍ୟାସନାଲ ବ୍ୟାଙ୍କ ମ୍ୟାଚକୁ ୬-୩ ଗୋଲରେ ଜିତିନେଇଥିଲା । ଏହି ଘଟଣା ପରେ ସଂପୃକ୍ତ ଟିମ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ଅଲମ୍ପିକ ସଂଘର ଅଧ୍ୟକ୍ଷ ଦାବି କରିଛନ୍ତି । ଏ ନେଇ ଟୁର୍ଣ୍ଣାମେଂଟର ଅଧିକାରୀଙ୍କରୁ ରିପୋର୍ଟ ତଲବ କରାଯାଇଛି ।