ଲାଲସିଂ ଚଡ୍ଡାକୁ ସମର୍ଥନ କରି ଅଡୁଆରେ ହ୍ରିତିକ ରୋଶନ, ଟ୍ୱିଟରରେ ହ୍ରିତିକଙ୍କ ବିକ୍ରମବେଦା ଫିଲ୍ମକୁ ବୟକଟ୍ ଟ୍ରେଣ୍ଡିଂ
କନକ ବ୍ୟୁରୋ : ସାରା ଦେଶର ଗୋଟିଏ ଗୋଷ୍ଠୀ ଏବେ ଅମୀର ଖାନଙ୍କ ଲାଲସିଂ ଚଡ୍ଡାକୁ ବିରୋଧ କରୁଛନ୍ତି । ଏହି କ୍ରମରେ କିଛି ସଂଗଠନ ସିନେମା ହଲ ଆଗରେ ବି ପ୍ରଦର୍ଶନ କରୁଛନ୍ତି । ଏହାରି ମଧ୍ୟରେ ହ୍ରିତିକ ରୋଶନ ମୁମ୍ବାଇର ଏକ ସିନେମା ହଲରେ ଲାଲସିଂ ଚଡ୍ଡା ଦେଖିଛନ୍ତି । ଏହି ସିନେମା ଦେଖିବା ପରେ ସେ ଏହି ସିନେମାକୁ ପ୍ରଶଂସା କରିଚନ୍ତି । ଏହାସହ ଏହି ସିନେମା ସହ ଜଡିତ ସମସ୍ତ କଳାକାରଙ୍କୁ ପ୍ରଶଂସା କରିଥିଲେ ହ୍ରିତିକ । ଏହାପରେ ସେ ଏହାର ରିଭ୍ୟୁକୁ ନିଜ ସୋସିଆଲ ମିଡିଆ ଆକାଉଣ୍ଟରେ ପୋଷ୍ଟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
Just watched LAAL SINGH CHADDA. I felt the HEART of this movie. Pluses and minuses aside, this movie is just magnificent. Don’t miss this gem guys ! Go ! Go now . Watch it. It’s beautiful. Just beautiful. ❤️
— Hrithik Roshan (@iHrithik) August 13, 2022
ହେଲେ ଅମୀରଙ୍କ ସିନେମା ଲାଲ୍ ସିଂ ଚଡ୍ଡାକୁ ହ୍ରିତକ ରୋଷନ ପ୍ରଶଂସା କରି ଏବେ ଅଡୁଆରେ ପଡିଛନ୍ତି । ହ୍ରିତିକଙ୍କ ଅଭିନୀତ ବିକ୍ରମବେଦା ସିନେମାଙ୍କୁ ବୟକଟ କରିବାକୁ ଏବେ ସୋସିଆଲ ମିଡିଆରେ ଟ୍ରେଡିଂ ଆରମ୍ଭ ହୋଇଯାଇଛି । ଏହି ସିନେମାରେ ହ୍ରିତିକ ରୋଶନଙ୍କ ସହ ସୈଫ ଅଲ୍ଲୀ ଖାନ ଅଭିନୟ କରିଛନ୍ତି । ଏହା ଏକ ତାମିଲ ଆକ୍ସନ ମୋଭି “ବିକ୍ରମ ବେଧା”ର ହିନ୍ଦି ରିମେକ । ଏହି ତାମିଲ ସିନେମାଟି ୨୦୧୭ ରେ ତାମିଲ ଭାଷାରେ ରିଲିଜ ହୋଇଥିଲା । ଏହି ସିନେମାରେ ଆର ମାଧବନ ଓ ବିଜୟ ସେଥୁପତି ମଧ୍ୟ ଅଭିନୟ କରିଛନ୍ତି ।