ଲଜରୁ ପୋଲିସର ଟଙ୍କା ଜବତ ଘଟଣାରେ ଟ୍ୱିଷ୍ଟ : ସିଜ୍ ହୋଇଥିବା ଟଙ୍କା ଠାରୁ ପୋଲିସ କମ୍ ଦେଖାଇଥିବା ସ୍ପଷ୍ଟ କଲେ ବଲାଙ୍ଗୀର ଏସପି
କନକ ବ୍ୟୁରୋ : କଣ୍ଟାବାଞ୍ଜି ଲଜରୁ ପୋଲିସର ଟଙ୍କା ଜବତ ଘଟଣାରେ ଟ୍ୱିଷ୍ଟ । ଜବତ ହୋଇଥିବା ଟଙ୍କାରେ ଅନିୟମିତତା ହୋଇଥିବା ସ୍ପଷ୍ଟ କଲେ ବଲାଙ୍ଗୀର ଏସପି । ଏବେବି ଘଟଣାର ତଦନ୍ତ ଚାଲିିଛି କହିଲେ ଏସପି ନୀତିନ୍ କୁଶଲକର । ସମ୍ପୂର୍ଣ୍ଣ ରିପୋର୍ଟ ଆସିଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଲେ ଏସପି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଦାଦନ ଶ୍ରମିକ ଚାଲଣ ସନ୍ଦେହରେ କଣ୍ଟାବାଞ୍ଝି ସହରର ବିଭିନ୍ନ ଲଜରେ ଗତକାଲି ଚଢ଼ାଉ କରିଥିଲା ପୋଲିସ । ସହରର ଏକ ଲଜରୁ ୬୦ ଲକ୍ଷ ଟଙ୍କା ଜବତ ହୋଇଥିଲା । ହେଲେ ପ୍ରେସମିଟରେ ଜବତ ହୋଇଥିବା ଟଙ୍କା ସହ ପୋଲିସ ଦେଖାଇଥିବା ଟଙ୍କା କମ୍ ଥିବା ସ୍ୱଷ୍ଟ କରିଛନ୍ତି ଏସପି । କଣ୍ଟାବାଞ୍ଝି ପୋଲିସ ପକ୍ଷରୁ ସିଜ କରାଯାଇଥିବା ଟଙ୍କା ଓ ଏସଡିପିଓ କହିଥିବା ଟଙ୍କାର ପରିମାଣ ଭିତର ପ୍ରାୟ ୧୩ ଲକ୍ଷ ଟଙ୍କାର ତଫାତ ରହିଛି । ରାଜ୍ୟ ବାହାରର ୭ ଜଣ ଅଟକ ରଖିଛି ପୋଲିସ । ଦାଦନ ଶ୍ରମିକ ଚାଲାଣ ପାଇଁ ଏମାନେ ଲଜରେ ରହୁଥିବା ସନ୍ଦେହ କରାଯାଉଛି ।