ଲେଖକଙ୍କ ବହି ପଢୁ ପଢୁ ନିଜେ ପାଲଟିଗଲେ ଲେଖକ । ୧୮ ବର୍ଷିୟ ସୁଦିପ୍ତଙ୍କ ବହିରେ ବ୍ୟବସାୟର ସରଳ ସୂତ୍ର । ଚର୍ଚ୍ଚାରେ ବଲାଙ୍ଗୀରର ବିଶ୍ୱର ସର୍ବ କନିଷ୍ଠ ଲେଖକ ।
କନକ ବ୍ୟୁରୋ: ପାଠ ପଢିବି କିନ୍ତୁ ଚାକିରି କରିବିନି । ପାଠ ପଢି ମୁଁ ବିଜନେସ ମ୍ୟାନ ହେବି । ସମସ୍ତଙ୍କ ଠାରୁ କିଛି ଭିନ୍ନ କରିବାର ଲକ୍ଷ୍ୟ ରଖି ପିଲାବେଳୁ ବ୍ୟବସାୟ ଭିତିକ ବହି ପଢିଆସୁଛନ୍ତି ସେ । କମ ବୟସରୁ ବ୍ୟବସାୟ ମନସ୍କ ହୋଇ ବିଭିନ୍ନ ଲେଖକଙ୍କ ବହି ପଢୁଥିବା ସୁଦିପ୍ତ ଯେ ଦିନେ ନିଜେ ଗୋଟେ ବହି ଲେଖିଦେବେ ତାହା ସେ କେବେ କଳ୍ପନା କରିନଥିଲା । ଆଉ ସେହି ବହି ପୁଣି ବ୍ରାଭୋ ଇଣ୍ଟର ନ୍ୟାସନାଲ ବୁକ ଅଫ ୱାଲ୍ଡ ରେକର୍ଡରେ ସ୍ଥାନ ପାଇବ, ସେ ବନିବେ ବିଶ୍ୱର ସର୍ବ କନିଷ୍ଠ ଲେଖକ ତାହା ସେ କେବେ ଭାବି ନଥିଲେ ।
Kanak News is now on WhatsApp
Join and get latest news updates delivered to you via WhatsApp
ବଲାଙ୍ଗିର ଜିଲ୍ଲା କଣ୍ଟାବାଞ୍ଝି ଆଶ୍ରମପଡାରେ ରହୁଥିବା ଆଇନଜୀବୀ ଦାମୋଦର ସାହୁ ଏବଂ ପତ୍ନୀ ପ୍ରତିମା ସାହୁଙ୍କ ପୁଅ ସୁଦିପ୍ତ ମାତ୍ର ୧୮ ବର୍ଷ ବୟସରୁ ବିଶ୍ୱର ସର୍ବ କନିଷ୍ଠ ଲେଖକର ମାନ୍ୟତା ପାଇଛନ୍ତି । ଆଉ ତାଙ୍କ ବହି ଏବେ ଦୁନିଆ ପଢୁଛି । ବଲାଙ୍ଗୀର ପୁଅର ବିଜନେଓ ବହି ବିଶ୍ୱସ୍ତରର ମାନ୍ୟତା ପାଇବା ପରେ ତାଙ୍କ ପରିବାର ଲୋକେ ବେଶ ଖୁସି ଅଛନ୍ତି । ତେବେ ପ୍ଲସ ଟୁ ପଢିବା ବେଳେ ସୁଦିପ୍ତ ଇଂରାଜୀ ଭାଷାରେ ମାନୁଆଲ ଅଫ ଷ୍ଟାର୍ଟ ଅପ ବିଜନେଓ ନାମକ ଏକ ପୁସ୍ତକ ଲେଖିଥିଲେ ।ଯାହା ପରର୍ତ୍ତୀ ସମୟରେ ଦିଲ୍ଲୀର ଏକ ପ୍ରକାଶନୀ ଦ୍ୱାରା ପ୍ରକାଶିତ ହୋଇଥିଲା । ଆଉ ପରେ ବ୍ରାଭୋ ଇଣ୍ଟର ନ୍ୟାସନାଲ ବୁକ ଅଫ ୱାଲ୍ଡ ରେକର୍ଡରେ ସ୍ଥାନ ପାଇଛି ।
ଓଡିଆ ପୁଅର ଏହି ଇରାଜୀ ବହି ବିଭିନ୍ନ ଆନ୍ତର୍ଜାତୀୟ ପୁସ୍ତକ ମେଳାରେ ସାମିଲ ହୋଇଛି । ଆଉ ଲୋକେ ବି ଏହାକୁ ପସନ୍ଦ କରିଛନ୍ତି । ତେବେ ପିଲାବେଳୁ ସୁଦିପ୍ତ ଭଲ ପାଠ ପଢୁଥିଲେ ବି ଚାକିରି ନକରି ବ୍ୟବସାୟ କରିବାକୁ ମନ ବଳାଇଥିଲେ ସୁଦିପ୍ତ । ଏଥିପାଇଁ ସେ ବିଭିନ୍ନ ଅଥରଙ୍କ ବିଜନେଓ ବହି ପଢୁଥିଲେ । ସବୁଠାରୁ ବଡ କଥା ସେ ପାଠ ପଢିଲା ବେଳେ ୩ଟି କମ୍ପାନୀ ବି ଚଳାଉଥିଲେ ଯାହା ପରବର୍ତ୍ତୀ ସମୟରେ ବନ୍ଦ ହୋଇଗଲା । ସେହି ବିଜନେସରୁ ମିଳିଥିବା ଅଭିଜ୍ଞତା ଓ ଶିକ୍ଷାକୁ ନିଜ ଷ୍ଟାର୍ଟ ଅପ ବହିରେ ସ୍ଥାନ ଦେଇ ଆଜି ସେ ବିଶ୍ୱର ସର୍ବ କନିଷ୍ଠ ଲେଖକ ହୋଇପାରିଛନ୍ତି । ଭବିଷ୍ୟତରେ ସେ ଜଣେ ଶିଳ୍ପପତି ହେବା ସହ ସମାଜସେବା କରିବାକୁ ଲକ୍ଷ୍ୟ ରଖିଛନ୍ତି । ତେବେ କମ ବୟସରୁ କମାଲ କରି ବିଶ୍ୱର ଆଖିକୁ ବଲାଙ୍ଗୀର ଉପରେ ପକାଇଥିବା ସୁଦିପ୍ତ ଏବେ କେବଳ ଗାଁ ପାଇଁ ନୁହେଁ ପୂରା ଓଡିଶା ପାଇଁ ଗର୍ବ ଓ ଗୌରବ ଆଣିଦେଇଛନ୍ତି ।